MEEKYENA 14
14
Vandu Vakunung'unnya Mose na Aron
1Ironda lyoose lyikoongora vakaia, vandu vakooka misoru kio kilya. 2Naasa vakakunung'unnya Mose na Aron, woose vakavavia, Kyeevaa kyeni kukooye lulefiiya kulya urukeny lwa Misri, ao, nkyeni deny lufiiye kunu kasa eka. 3A nkyiki elyi Nndumi Iruva alelusaamisa na kunu urukeny elu lushewaiyo-fo na usu? Vaka na vana veru mmbo vashekamarwaa mfungwa; a ndesa nshi kyeni luwuye na kulya Misri? 4Vakaviana, Nndeny Luvike akida mwilutetera luwuye na Misri. 5Llyo Mose na Aron vakawa si kifulufulu yoo mbee ya vana va Israeli. 6Na Yosua mwana wa Nuni na Kalebi mwana wa Yefune vakaranndwa soori tawo mmbo valya valendesaiya uruka 7vakarera na vana va Israeli woose vakavavia, uruka lulya luleira nafo lundelusaiya ni uruka usha nnu deny. 8Kwakooya Nndumi Iruva alukunndya mmbo asheluniingaa uruka elu luve lweru nalwaate-fo nalo ni uruka lwiishwe malela na uki. 9Lyo mulalemi Nndumi Iruva-fo, nta mulairyae vandu va uruka yelo-fo, mashika wo vashevaa shoonga yeeru, na turuve ilya yeevasiikye yammaa yuuto unawe Nndumi Iruva, mmbo akee neese, mulavairyae-fo. 10Ironda lyoose lyikakunda vakapwa na mawe. Llyo Itumbe lya Nndumi Iruva lyikalollyo yoo yeemeny yeele, vana va Israeli woose vakalollya.
Mose Avaterevya Usari
11Nndumi Iruva kavesa Mose, Vandu yeva mmbo vashiminaa fika indii? Valashikusiryaa nta? Lla elyi shilevatannya ngyende yeto toose veelollye. 12Nshevakapaa na ndwari shiroo, shivasoke na ding'u yaawo, neewe shikuvike kuve ufyari uniini lwa vandu lutiri finya ngota wo. 13Naasa Mose kavia Nndumi Iruva Llyo kyeeri Vamisri vashiitaa ekyo, mashika ni yewe kulevanta-fo; 14naasa llyo vasheviaa vandu va uruka elo, valemmiita sheelyi nnyewe Nndumi Iruva kukaye vandu yeva, kimmba yewe Nndumi Iruva kwalollyo paa na ifishi lyafo lyikavasikyany nrwe, kwaveerya mbee, ngo ya ifishi nsanyiny, na ngo ya muro kio 15Naasa kwakooya kwawaa vandu yeva na lyimwi sha iwaa nndu umwi, llyo vandu va masanga yewo vashiitaa mbony ta nnduma wafo vasheambaa, 16Ni mashika elyi Nndumi Iruva alelemwa ivaata urukeny yelo evadeerye kyaasa ashevaniingaa, naasa kavarumatya efo kasa. 17Naasany shakutereva nnu, kya wiidimi lwafo uniini Nndumi Iruva, shaasa kulerera-da, llya kuleamba, 18Nndumi Iruva ni mfoo nalarooyoo nngoo muni ilyilya, kaveva mwisarya urekwa na uravi, nawe nta nalashaamba nrekwa ni nndu nalalyamarye, mwitaiya vana uravi lwa vande yaawo, kufike irika lya kararu na lya kaana. 19Mmbo shakutereva kusarye uravi lwa vandu yeva, shaasa ilillya lyafo lyifye, shaasa kulelyillya vandu yeva kibookya kulya Misri kufike inu. 20Nndumi Iruva kaamba, Yeny shammbafwaaya shaasa kwaamba; 21lyo kya dede, elyi shiiyoo na ulana lukaishwa itumbe lyakwa, 22kimmba vandu yeva valellollya itumbe lyakwa na ngyende takwa, tilya shiletana kulya Misri, na kunu kasa, lyo vakashifuluta indo ka ikumi, valaarannyi ukyeni lwakwa; 23ni dede yakwa mbashelollya uruka elo shilevikya vande vawo kyaasa-fo, neewo woose valeshimina nkwiiyo nta umwi waawo ashelulollyaa-fo; 24Kyeendi ishinga lyakwa we Kalebi, kimmba we atiri nrima wa ngata ingyi nnang'ani yakwe kashilatya na nrima moose, we nshemfita urukeny elo alelulollya, na ufyari lwakwe vasheikaya. 25Naasany kimmba Mmeleki Nkanaani valele efo imungony, ndesi indukeny mweende kasa mwishiraa shia ya yeeve lya Shamu.
Ngapo ya Vana va Israeli Kyimaruma kya Nkunung'unu
26Naasa Nndumi Iruva karera na Mose na Aron, kavavia, 27A niinda shisheenda na ironda elyi iravi lya vandu vashikunung'unnya indii? Shammiita nkunung'unu wa vana va Israeli, shaasa vakeeshikunung'unnya. 28Vavieny, ni dede elyi shikee na muu, Nndumi Iruva aamba, shaasa yeni mulerera maaruny akwa aketa, niindo nshemutannyaa yeni; 29minying'a yaany mmbo ishewaa kunu kasa eka, na yeekyena lyany lyoose, pookya yeto atiri myaaka makumi avii na mmwasi, yewo valeshikunung'unnya, 30ni kya dede mmushangaa urukeny yelo shileipoiyo woko lwakwa naambo shimuvike-fo, kuuta Kalebi mwana wa Yefune na Yosua mwana wa Nuni. 31Lyo vana vany, valya muleamba vai vashekamarwaa mifungwa, ni wo nshevafitaa-fo, vaone uruka elo mulelulema. 32Kyeendi kyany yeni minying'a yaany mmbo ishewaa kunu kasa eka. 33Numa vana vany vashevaa veesa findo kunu kasa ando a myaaka makumi aana, vakamare iryo lya uravi lwawo, kutani minying'a yaany yasiiya kunu kasa. 34Kiinani na mikonu yeyo mulesaiya uruka, nkyo, mikonu makumi aana, nkonu umwi, mmwaaka umwi, mukamare uravi lwany, nnyo myaaka makumi aana, mumanye ekyo kya ishira. 35Ni yeny Nndumi Iruva shaamba, neekyo nkya dede nshetannyaa ironda elyi iravi lyoose, valekusanyirya vashilemi, vashefiiya kunu kasa. 36Naasany vandu yewo Mose alevaruma vandesaiya uruka, vakawuya, nawo vakeerese vandu nawo vakakunung'una, elyi valerera kikasha, 37vandu yewo valeende mbony shikasha ya uruka, vakafwa vakawaawa ni tauni mbee ya Nndumi Iruva. 38Indi lyo Yosua mwana wa Nuni na Kalebi mwana wa Yefuni, vakarewa-u na muu nnang'ani a vandu valya valendesaiya uruka.
Ikudeesya lya Mbee Indetira Uruka
(Nku 1:41-46)
39Naasa Mose kavia vana va Israeli marero yaa nawo vakaiya nnu. 40Vakakupoo elyi ngama nraasi, vakasaama ifumbuu alya masasa, vakaamba, Lolen-te nnyaa Lukai, neese mmbo lurwaa lweende yoo Nndumi Iruva aleluvikya kyaasa, mashika lulelyamara. 41Mose kavavia, A nkyiki yeni ulaalu mufishe mavavasyo a Nndumi Iruva? Mashika, mbony yeyi nnyikivaa-fo. 42Mularwe-fo, mashika Nndumi Iruva nnyakee neeni-fo, mmbo mushekapwaa, neetulwa mbee ya vakiduva vany. 43Mashika Mwameleki na Mkanaani n'yoo mbee yaany vakai, neeni mmbo mushewaawa na upanga, mashika mulewuya numa mulakilatye Nndum Iruva, nawe mbo ashemuraa. 44Lyo wo vakakaarya isaama fika ifumbuu, yo isanduku lya mavavaso llyileutwa kulya ulaleny-fo, nta Mose nnyalesomukafo. 45Llyo Mwameleki na Mkanaani valya vekee kulya ifumbuny valeoloka, vakavavingya neevakapa vakavatuula, kutani vafika Horma.
Zur Zeit ausgewählt:
MEEKYENA 14: MAS2
Markierung
Teilen
Vergleichen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
The Holy Bible in Kimashami © Bible Society of Tanzania, 2016.
MEEKYENA 14
14
Vandu Vakunung'unnya Mose na Aron
1Ironda lyoose lyikoongora vakaia, vandu vakooka misoru kio kilya. 2Naasa vakakunung'unnya Mose na Aron, woose vakavavia, Kyeevaa kyeni kukooye lulefiiya kulya urukeny lwa Misri, ao, nkyeni deny lufiiye kunu kasa eka. 3A nkyiki elyi Nndumi Iruva alelusaamisa na kunu urukeny elu lushewaiyo-fo na usu? Vaka na vana veru mmbo vashekamarwaa mfungwa; a ndesa nshi kyeni luwuye na kulya Misri? 4Vakaviana, Nndeny Luvike akida mwilutetera luwuye na Misri. 5Llyo Mose na Aron vakawa si kifulufulu yoo mbee ya vana va Israeli. 6Na Yosua mwana wa Nuni na Kalebi mwana wa Yefune vakaranndwa soori tawo mmbo valya valendesaiya uruka 7vakarera na vana va Israeli woose vakavavia, uruka lulya luleira nafo lundelusaiya ni uruka usha nnu deny. 8Kwakooya Nndumi Iruva alukunndya mmbo asheluniingaa uruka elu luve lweru nalwaate-fo nalo ni uruka lwiishwe malela na uki. 9Lyo mulalemi Nndumi Iruva-fo, nta mulairyae vandu va uruka yelo-fo, mashika wo vashevaa shoonga yeeru, na turuve ilya yeevasiikye yammaa yuuto unawe Nndumi Iruva, mmbo akee neese, mulavairyae-fo. 10Ironda lyoose lyikakunda vakapwa na mawe. Llyo Itumbe lya Nndumi Iruva lyikalollyo yoo yeemeny yeele, vana va Israeli woose vakalollya.
Mose Avaterevya Usari
11Nndumi Iruva kavesa Mose, Vandu yeva mmbo vashiminaa fika indii? Valashikusiryaa nta? Lla elyi shilevatannya ngyende yeto toose veelollye. 12Nshevakapaa na ndwari shiroo, shivasoke na ding'u yaawo, neewe shikuvike kuve ufyari uniini lwa vandu lutiri finya ngota wo. 13Naasa Mose kavia Nndumi Iruva Llyo kyeeri Vamisri vashiitaa ekyo, mashika ni yewe kulevanta-fo; 14naasa llyo vasheviaa vandu va uruka elo, valemmiita sheelyi nnyewe Nndumi Iruva kukaye vandu yeva, kimmba yewe Nndumi Iruva kwalollyo paa na ifishi lyafo lyikavasikyany nrwe, kwaveerya mbee, ngo ya ifishi nsanyiny, na ngo ya muro kio 15Naasa kwakooya kwawaa vandu yeva na lyimwi sha iwaa nndu umwi, llyo vandu va masanga yewo vashiitaa mbony ta nnduma wafo vasheambaa, 16Ni mashika elyi Nndumi Iruva alelemwa ivaata urukeny yelo evadeerye kyaasa ashevaniingaa, naasa kavarumatya efo kasa. 17Naasany shakutereva nnu, kya wiidimi lwafo uniini Nndumi Iruva, shaasa kulerera-da, llya kuleamba, 18Nndumi Iruva ni mfoo nalarooyoo nngoo muni ilyilya, kaveva mwisarya urekwa na uravi, nawe nta nalashaamba nrekwa ni nndu nalalyamarye, mwitaiya vana uravi lwa vande yaawo, kufike irika lya kararu na lya kaana. 19Mmbo shakutereva kusarye uravi lwa vandu yeva, shaasa ilillya lyafo lyifye, shaasa kulelyillya vandu yeva kibookya kulya Misri kufike inu. 20Nndumi Iruva kaamba, Yeny shammbafwaaya shaasa kwaamba; 21lyo kya dede, elyi shiiyoo na ulana lukaishwa itumbe lyakwa, 22kimmba vandu yeva valellollya itumbe lyakwa na ngyende takwa, tilya shiletana kulya Misri, na kunu kasa, lyo vakashifuluta indo ka ikumi, valaarannyi ukyeni lwakwa; 23ni dede yakwa mbashelollya uruka elo shilevikya vande vawo kyaasa-fo, neewo woose valeshimina nkwiiyo nta umwi waawo ashelulollyaa-fo; 24Kyeendi ishinga lyakwa we Kalebi, kimmba we atiri nrima wa ngata ingyi nnang'ani yakwe kashilatya na nrima moose, we nshemfita urukeny elo alelulollya, na ufyari lwakwe vasheikaya. 25Naasany kimmba Mmeleki Nkanaani valele efo imungony, ndesi indukeny mweende kasa mwishiraa shia ya yeeve lya Shamu.
Ngapo ya Vana va Israeli Kyimaruma kya Nkunung'unu
26Naasa Nndumi Iruva karera na Mose na Aron, kavavia, 27A niinda shisheenda na ironda elyi iravi lya vandu vashikunung'unnya indii? Shammiita nkunung'unu wa vana va Israeli, shaasa vakeeshikunung'unnya. 28Vavieny, ni dede elyi shikee na muu, Nndumi Iruva aamba, shaasa yeni mulerera maaruny akwa aketa, niindo nshemutannyaa yeni; 29minying'a yaany mmbo ishewaa kunu kasa eka, na yeekyena lyany lyoose, pookya yeto atiri myaaka makumi avii na mmwasi, yewo valeshikunung'unnya, 30ni kya dede mmushangaa urukeny yelo shileipoiyo woko lwakwa naambo shimuvike-fo, kuuta Kalebi mwana wa Yefune na Yosua mwana wa Nuni. 31Lyo vana vany, valya muleamba vai vashekamarwaa mifungwa, ni wo nshevafitaa-fo, vaone uruka elo mulelulema. 32Kyeendi kyany yeni minying'a yaany mmbo ishewaa kunu kasa eka. 33Numa vana vany vashevaa veesa findo kunu kasa ando a myaaka makumi aana, vakamare iryo lya uravi lwawo, kutani minying'a yaany yasiiya kunu kasa. 34Kiinani na mikonu yeyo mulesaiya uruka, nkyo, mikonu makumi aana, nkonu umwi, mmwaaka umwi, mukamare uravi lwany, nnyo myaaka makumi aana, mumanye ekyo kya ishira. 35Ni yeny Nndumi Iruva shaamba, neekyo nkya dede nshetannyaa ironda elyi iravi lyoose, valekusanyirya vashilemi, vashefiiya kunu kasa. 36Naasany vandu yewo Mose alevaruma vandesaiya uruka, vakawuya, nawo vakeerese vandu nawo vakakunung'una, elyi valerera kikasha, 37vandu yewo valeende mbony shikasha ya uruka, vakafwa vakawaawa ni tauni mbee ya Nndumi Iruva. 38Indi lyo Yosua mwana wa Nuni na Kalebi mwana wa Yefuni, vakarewa-u na muu nnang'ani a vandu valya valendesaiya uruka.
Ikudeesya lya Mbee Indetira Uruka
(Nku 1:41-46)
39Naasa Mose kavia vana va Israeli marero yaa nawo vakaiya nnu. 40Vakakupoo elyi ngama nraasi, vakasaama ifumbuu alya masasa, vakaamba, Lolen-te nnyaa Lukai, neese mmbo lurwaa lweende yoo Nndumi Iruva aleluvikya kyaasa, mashika lulelyamara. 41Mose kavavia, A nkyiki yeni ulaalu mufishe mavavasyo a Nndumi Iruva? Mashika, mbony yeyi nnyikivaa-fo. 42Mularwe-fo, mashika Nndumi Iruva nnyakee neeni-fo, mmbo mushekapwaa, neetulwa mbee ya vakiduva vany. 43Mashika Mwameleki na Mkanaani n'yoo mbee yaany vakai, neeni mmbo mushewaawa na upanga, mashika mulewuya numa mulakilatye Nndum Iruva, nawe mbo ashemuraa. 44Lyo wo vakakaarya isaama fika ifumbuu, yo isanduku lya mavavaso llyileutwa kulya ulaleny-fo, nta Mose nnyalesomukafo. 45Llyo Mwameleki na Mkanaani valya vekee kulya ifumbuny valeoloka, vakavavingya neevakapa vakavatuula, kutani vafika Horma.
Zur Zeit ausgewählt:
:
Markierung
Teilen
Vergleichen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
The Holy Bible in Kimashami © Bible Society of Tanzania, 2016.