MEEKYENA 11
11
Ando Kuvaangwa Tabera
1Naasa vandu yewo vakakunung'una, neerera findo firavi maarwiny a Nndumi Iruva ekiita karooyony unyafi, kaata muro nnang'ani yawo ukarumata taari imwi ya ulale. 2Naasa vandu vakaiya Mose, nawe Mose kavaterevya Nndumi Iruva, na muro ulya ukamanda. 3Irina lya ando alya lyikava Tabera, kyeyaamba ni elyi muro wa Nndumi Iruva mmbo ulevaakya nnang'ani yawo.
Mose Asauwa Vasongoru Makumi Mfungare
4Naasa ironda lya vandu valya variani nawo, vakatira lango, na vana va Israeli vakaiya lyingyi, vakaamba, A nkwi lushutaa nyama lulye den? 5Mmbo lukeekummbwa makunga a ruu lulera veelya kulya Misri na malakuku, na nyany na fitunguu, na fitunguu saumu; 6lyo ulaalu mmbo lwammuumya kunu, lulatiri nta kindo luvikye nsia kuuta mana yei sheni. 7Nayo mana mmbo yeevakye mbekye ta ntama na fwana ya vayo ikava mbora, 8Vandu mbofurukana isanirya, vakasa na mawe ao vakaikapya fyuuriny, numa vakaivika mureny vakasongosia mikate, nrolo wa vayo ukava sha wa mafura maiya. 9Mana mmbo ileoloka na laura kyeeri ileolokya ulale kyeeri kya kio. 10Naasa Mose keeta shaasa vandu vekeekunung'una, wo nndu yeemeny Lyakwe, naasa Nndumi Iruva karooyo nnu ni unyafi, na Mose nawe kasua. 11Naasa Mose kavia Nndumi Iruva, A nkyiki elyi kwashitannya kikasha neeny shikee ishinga lyafo? A nkyiki elyi shilaona ikiiyo misony afo, kutani kwashirika irio lya vandu eva woose? 12A ndesa ni yeny shileraamisa vandu yeva woose? A nyeny shileera vandu eva woose kutani kwashivia, Kurike vandu yeva, sheelyi nde wa mwana ankurikye neellela, indo kutani nshefitaa vandu yeva urukeny lwa kyaasa? 13A nkwi nshutaa nyama yamaa vandu yeva woose? Mashika mmbo vakeiya neeny neeshivia, Luniinge nyama lulye. 14Yeny nshishidimaa iipoo vandu yeva woose shimuni-fo, mashika ni iryo iroo nnu shilalyiidimaa, 15Na kwakooya niindo kushireyaa, nkyeeni deny kwashikuwaiya, kwanshilyillya indo, naambo shilakikae na nyinyira yei.
16Naasa Nndumi Iruva kavia Mose, sheengye vandu makumi mfungare kuvaute efo nnang'ani ya vamiku va Israeli, yewo kuveeshi mmbo ushilyi lvawo, kuveende yoo yeemeny lya ikwanannya, vasalaleu neewe. 17Neeny mmbo nsheolokaa shirere neewe, llyo nsheipoony kyenga kya mumuyo wafo shivarike wo, llyo nawo veepoo iryo yelyo ando amwi neewe, naambo kulalyiipo yewe kumuni. 18Naasa viany vandu yeva, kwiilyiseny mirima yaany kulaore ndesi yamfika, neeni muwonisaa nyama lulye, mashika elyi mwaiya Nndumi Iruva keeta, llya muleamba, A mmbi aluniingaa nyama, mashika elyi kulya Misri lwekee na pule. Naasany, kimmba niindo Nndumi Iruva ashemuniingaa nyama mulye. 19Nshi mushelyaa nyama ando a nkonu umwi ao avii ao iraanu-da, ao ikumi ao a mikonu makumi ivii, 20indi mmbo mushelyaa ando a mikonu makumi araru sele, kutani nyama yeyo ishemuukyaa neeni muiswe mbueny tany, muyisue deny, imurite nrima, kimmba elyi mwalema Nndumi Iruva yeto amusongoye, mukakunung'una mbee yakwe, mukaamba, Nkyoki kileluuta Misri? 21Naasa Mose kaamba, Vandu yeva nkee nawo mmbo vafikye fiku mayana arindaru, vakyeenda na marende neewe kwamba, Nshevaningaa nyama ando a mwiiri moose, 22A ndesa ni ng'umbe na mburu iinga tishishwaa, tivamaa? Ao ndesa mmakunga moose a mureny ashesangiryoo avamaa?
23Nndumi Iruva kavia Mose, “A ndesa woko lwa Nndumi Iruva mmbo lwamfiiya? Ulaalu kushelollyaa kwakooya irero lyakwa lyishiinukyaa ao wode.”
24Mose kooka-u kandevia vandu marero yoo a Nndumi Iruva kakwanisya vandu makumi mfungare, vakee nnang'ani ya vamiku, vakasheringitya yeema elyo. 25Nndumi Iruva kooloka efo ifishiny, karera nawe, na yuuta kyenga kya mumuyo wa Mose kaavya vamiku valya 70, nawo vakaawuya fisuku, lyo mmbalekiengera itana indo-fo. 26Lyo vandu vavii mbo valesaa kulya ulaleny, umwi ni Eldadi na ungyi ni Medadi na mumuyo ulya ukawoolokya nao mbekee nnang'ani ya ewo vekee vadesye; indi mbesha yeemeny fo, nao vakaa kulya ulaleny veauyaa fisuku. 27Nndu umwi nkoo Karisha swany, kandevia Mose kaamba Eldadi na Medadi nkulya ulaleny mbakai veshauya fisuku. 28Yosua wa Nuni, we akee nndundi wa Mose uka udu lwakwe, karera kaamba, Woi nndumi vakwa Mose, vaimi. 29Mose kammbia, A ndesa mmbo kwavatirya nkififi kimaruma kyakwa, mmbo kyeevaa kisha mmwasi kukooye vandu va Nndumi Iruva woose vevaa veeawuya fisuku na Nndumi Iruva navaniinge mumuyo wakwe. 30Naasa Mose kandeanga na kulya ulaleny, we na vamiku valya va Israeli,
Nndumi Iruva Eende Ngwale
31Uraato lukasha luuka kwa Nndumi Iruva lukeende ngwale tyuuka yeeveny, na uraato elu lukavatuula si taari toose ta ulale loose, tikasikya si koose. 32Vandu vakakupo nkonu piti na kyio kyoose naambo vatire ngwale tilya ando a mikonu, vakasanyirya wo nndu nkuka, vakashisha vakataanika kundo koose efo ulaleny, 33Naasa llya vandu valya vekeelya nyama tilya Nndumi Iruva karooywa ni unyafi, Nndumi Iruva kavarikya ngapo niini nnu. 34Ando alya kukavaangwa Kibrot-hatafa, mashika yoo nng'u valerikwa valya valelya kya vaafu. 35Kupookya yoondo Kibroth-hataava vandu vekepoo kyaaro yeenda Haseroti vakandekaa efo Haseroti.
Zur Zeit ausgewählt:
MEEKYENA 11: MAS2
Markierung
Teilen
Vergleichen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
The Holy Bible in Kimashami © Bible Society of Tanzania, 2016.
MEEKYENA 11
11
Ando Kuvaangwa Tabera
1Naasa vandu yewo vakakunung'una, neerera findo firavi maarwiny a Nndumi Iruva ekiita karooyony unyafi, kaata muro nnang'ani yawo ukarumata taari imwi ya ulale. 2Naasa vandu vakaiya Mose, nawe Mose kavaterevya Nndumi Iruva, na muro ulya ukamanda. 3Irina lya ando alya lyikava Tabera, kyeyaamba ni elyi muro wa Nndumi Iruva mmbo ulevaakya nnang'ani yawo.
Mose Asauwa Vasongoru Makumi Mfungare
4Naasa ironda lya vandu valya variani nawo, vakatira lango, na vana va Israeli vakaiya lyingyi, vakaamba, A nkwi lushutaa nyama lulye den? 5Mmbo lukeekummbwa makunga a ruu lulera veelya kulya Misri na malakuku, na nyany na fitunguu, na fitunguu saumu; 6lyo ulaalu mmbo lwammuumya kunu, lulatiri nta kindo luvikye nsia kuuta mana yei sheni. 7Nayo mana mmbo yeevakye mbekye ta ntama na fwana ya vayo ikava mbora, 8Vandu mbofurukana isanirya, vakasa na mawe ao vakaikapya fyuuriny, numa vakaivika mureny vakasongosia mikate, nrolo wa vayo ukava sha wa mafura maiya. 9Mana mmbo ileoloka na laura kyeeri ileolokya ulale kyeeri kya kio. 10Naasa Mose keeta shaasa vandu vekeekunung'una, wo nndu yeemeny Lyakwe, naasa Nndumi Iruva karooyo nnu ni unyafi, na Mose nawe kasua. 11Naasa Mose kavia Nndumi Iruva, A nkyiki elyi kwashitannya kikasha neeny shikee ishinga lyafo? A nkyiki elyi shilaona ikiiyo misony afo, kutani kwashirika irio lya vandu eva woose? 12A ndesa ni yeny shileraamisa vandu yeva woose? A nyeny shileera vandu eva woose kutani kwashivia, Kurike vandu yeva, sheelyi nde wa mwana ankurikye neellela, indo kutani nshefitaa vandu yeva urukeny lwa kyaasa? 13A nkwi nshutaa nyama yamaa vandu yeva woose? Mashika mmbo vakeiya neeny neeshivia, Luniinge nyama lulye. 14Yeny nshishidimaa iipoo vandu yeva woose shimuni-fo, mashika ni iryo iroo nnu shilalyiidimaa, 15Na kwakooya niindo kushireyaa, nkyeeni deny kwashikuwaiya, kwanshilyillya indo, naambo shilakikae na nyinyira yei.
16Naasa Nndumi Iruva kavia Mose, sheengye vandu makumi mfungare kuvaute efo nnang'ani ya vamiku va Israeli, yewo kuveeshi mmbo ushilyi lvawo, kuveende yoo yeemeny lya ikwanannya, vasalaleu neewe. 17Neeny mmbo nsheolokaa shirere neewe, llyo nsheipoony kyenga kya mumuyo wafo shivarike wo, llyo nawo veepoo iryo yelyo ando amwi neewe, naambo kulalyiipo yewe kumuni. 18Naasa viany vandu yeva, kwiilyiseny mirima yaany kulaore ndesi yamfika, neeni muwonisaa nyama lulye, mashika elyi mwaiya Nndumi Iruva keeta, llya muleamba, A mmbi aluniingaa nyama, mashika elyi kulya Misri lwekee na pule. Naasany, kimmba niindo Nndumi Iruva ashemuniingaa nyama mulye. 19Nshi mushelyaa nyama ando a nkonu umwi ao avii ao iraanu-da, ao ikumi ao a mikonu makumi ivii, 20indi mmbo mushelyaa ando a mikonu makumi araru sele, kutani nyama yeyo ishemuukyaa neeni muiswe mbueny tany, muyisue deny, imurite nrima, kimmba elyi mwalema Nndumi Iruva yeto amusongoye, mukakunung'una mbee yakwe, mukaamba, Nkyoki kileluuta Misri? 21Naasa Mose kaamba, Vandu yeva nkee nawo mmbo vafikye fiku mayana arindaru, vakyeenda na marende neewe kwamba, Nshevaningaa nyama ando a mwiiri moose, 22A ndesa ni ng'umbe na mburu iinga tishishwaa, tivamaa? Ao ndesa mmakunga moose a mureny ashesangiryoo avamaa?
23Nndumi Iruva kavia Mose, “A ndesa woko lwa Nndumi Iruva mmbo lwamfiiya? Ulaalu kushelollyaa kwakooya irero lyakwa lyishiinukyaa ao wode.”
24Mose kooka-u kandevia vandu marero yoo a Nndumi Iruva kakwanisya vandu makumi mfungare, vakee nnang'ani ya vamiku, vakasheringitya yeema elyo. 25Nndumi Iruva kooloka efo ifishiny, karera nawe, na yuuta kyenga kya mumuyo wa Mose kaavya vamiku valya 70, nawo vakaawuya fisuku, lyo mmbalekiengera itana indo-fo. 26Lyo vandu vavii mbo valesaa kulya ulaleny, umwi ni Eldadi na ungyi ni Medadi na mumuyo ulya ukawoolokya nao mbekee nnang'ani ya ewo vekee vadesye; indi mbesha yeemeny fo, nao vakaa kulya ulaleny veauyaa fisuku. 27Nndu umwi nkoo Karisha swany, kandevia Mose kaamba Eldadi na Medadi nkulya ulaleny mbakai veshauya fisuku. 28Yosua wa Nuni, we akee nndundi wa Mose uka udu lwakwe, karera kaamba, Woi nndumi vakwa Mose, vaimi. 29Mose kammbia, A ndesa mmbo kwavatirya nkififi kimaruma kyakwa, mmbo kyeevaa kisha mmwasi kukooye vandu va Nndumi Iruva woose vevaa veeawuya fisuku na Nndumi Iruva navaniinge mumuyo wakwe. 30Naasa Mose kandeanga na kulya ulaleny, we na vamiku valya va Israeli,
Nndumi Iruva Eende Ngwale
31Uraato lukasha luuka kwa Nndumi Iruva lukeende ngwale tyuuka yeeveny, na uraato elu lukavatuula si taari toose ta ulale loose, tikasikya si koose. 32Vandu vakakupo nkonu piti na kyio kyoose naambo vatire ngwale tilya ando a mikonu, vakasanyirya wo nndu nkuka, vakashisha vakataanika kundo koose efo ulaleny, 33Naasa llya vandu valya vekeelya nyama tilya Nndumi Iruva karooywa ni unyafi, Nndumi Iruva kavarikya ngapo niini nnu. 34Ando alya kukavaangwa Kibrot-hatafa, mashika yoo nng'u valerikwa valya valelya kya vaafu. 35Kupookya yoondo Kibroth-hataava vandu vekepoo kyaaro yeenda Haseroti vakandekaa efo Haseroti.
Zur Zeit ausgewählt:
:
Markierung
Teilen
Vergleichen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
The Holy Bible in Kimashami © Bible Society of Tanzania, 2016.