Hosiya 9
9
Hosiya mbwaakaambilizya cisubulo ca Isilayeli
1Mutakondwi Nobaisilayeli. Mutatangali nomucita mapobwe aanu mbuli bamasi. Mwasiya Leza wanu mbuli mukaintu uutasyomeki. Mwalipa kuli Baali mbuli mwaamu mukuti mukajane butebuzi bunji. 2Kumbele ooko tamukooyoojana maila amafuta aaelede. Alimwi muyoobula awaini wakunywa. 3Baisilayeli taakwe nibayookkala munyika ya Leza, pele bayoobweeda kubuzike ku Ijipiti, alimwi bayoolya zilyo zitondwa ku Asiliya. 4Kwalo ooko tabakapi zituuzyo zyawaini ku Mwami Leza. Tabakakkomanini zipaizyo zyabo. Zilyo zyabo ziyooba mbuli bali adilwe, kufumbwa uulya zilyo eezyo uyoosofwaala. Zilyo eezyo ziyooba zyabo buyo, taakwe ziyoopaizigwa ku Mwami Leza. 5Nkabela caakusika ciindi eeco ceelede cakubamba pobwe lya Mwami Leza, ino bayoocita buti? 6Ciindi capenzi pati, bantu bayootijila ku Ijipiti, ooko bayoozikkilwa ku Memfisi. Zincenya ziyoomena azibiya zyabo zyansiliva, mumaanda aabo muyoomena mamvwa.
7Ciindi cacisubulo casika, ciindi eeco bantu nibayoojana eeco ncobeelede. Aawo nibayooziba kuti eezi nzyamasimpe. Lino baamba kuti, “Musinsimi ooyu mmufuba-fuba, muntu ooyu unjidwe muuya, ulisondokede.” Baamba boobo nkaambo zibi zyabo nzinji, luzondo lwabo ndupati. 8Musinsimi nguucenjezya bantu ba Efulemu, bantu ba Leza. Nikuba boobo kufumbwa nkwaya uliteedwe. Basinkondonyina balamukkalilila muŋanda ya Leza. 9Bantu balabisya kapati mbuli zyakacitika ku Gibeya. Aboobo Leza takalubi kubisya kwabo, eelyo uyoobasubula.
Cinyonyoono ca Baisilayeli acisubulo caco
10Lino Mwami Leza waamba kuti, “Ciindi nindakamusala Isilayeli, wakali mbuli nsaansa munkanda. Basikale babo ndakabakkomanina mbuli nkuyu yakusoloka. Pele bakaboola ku Baali Peyoli akulipa kuli Baali. Aboobo bakalisofwaazya busofweede mutuni ngubakali kuyanda. 11Bulemu bwa Baefulemu buyoomwaika mbuli bayuni. Tabakazyali limbi, bakaintu babo tabacimiti pe. 12Naa kuti bakazyale, njoobanyonyoona bana babo, kusikila bakamane doo. Maawe kubantu aaba ndaakubasiya.” Baefulemu bayooba mbuli banyama bajaigwa, Baefulemu bayootumwa kunkondo nkobayoojaigwa.
13O Mwami Leza mbuli mukulanga kwangu bana ba Efulemu bayooba mbuli banyama bajaigwa. Baefulemu bayooaba bana babo kunkondo nkobayoojaigwa. 14Ubape, O Mwami Leza, ani ubape nzi? Ubape kuti kabasowa, nkolo zyabo ziyume!
Lubeta lwa Leza kuli Efulemu
15Mwami Leza wakaamba kuti, “Zibi zyabo zyoonse zyakalibonya ku Giligali. Nkukonya ooko nkwindakabasulaikila. Nkaambo kakuti bakabisya, ndilabatanda bazwe munyika yangu. Taakwe ninjoobayanda limbi pe, nkaambo abalo basololi babo boonse bandizangila. 16Efulemu uli mbuli cisamu ciyumide, miyanda yayuma, tacikonzyi kuzyala micelo pe. Naa bakazyale bana, njoonyonyoona bana babo mbobayandisya.”
Musinsimi mbwaakaamba zya Baisilayeli
17Leza wangu uyoobakaka bantu aaba nkaambo tabamuswiilili. Bayooba basimutuntuli akati kabamasi.
Zur Zeit ausgewählt:
Hosiya 9: Tonga96
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Tonga Bible © United Bible Societies, 1994.
Hosiya 9
9
Hosiya mbwaakaambilizya cisubulo ca Isilayeli
1Mutakondwi Nobaisilayeli. Mutatangali nomucita mapobwe aanu mbuli bamasi. Mwasiya Leza wanu mbuli mukaintu uutasyomeki. Mwalipa kuli Baali mbuli mwaamu mukuti mukajane butebuzi bunji. 2Kumbele ooko tamukooyoojana maila amafuta aaelede. Alimwi muyoobula awaini wakunywa. 3Baisilayeli taakwe nibayookkala munyika ya Leza, pele bayoobweeda kubuzike ku Ijipiti, alimwi bayoolya zilyo zitondwa ku Asiliya. 4Kwalo ooko tabakapi zituuzyo zyawaini ku Mwami Leza. Tabakakkomanini zipaizyo zyabo. Zilyo zyabo ziyooba mbuli bali adilwe, kufumbwa uulya zilyo eezyo uyoosofwaala. Zilyo eezyo ziyooba zyabo buyo, taakwe ziyoopaizigwa ku Mwami Leza. 5Nkabela caakusika ciindi eeco ceelede cakubamba pobwe lya Mwami Leza, ino bayoocita buti? 6Ciindi capenzi pati, bantu bayootijila ku Ijipiti, ooko bayoozikkilwa ku Memfisi. Zincenya ziyoomena azibiya zyabo zyansiliva, mumaanda aabo muyoomena mamvwa.
7Ciindi cacisubulo casika, ciindi eeco bantu nibayoojana eeco ncobeelede. Aawo nibayooziba kuti eezi nzyamasimpe. Lino baamba kuti, “Musinsimi ooyu mmufuba-fuba, muntu ooyu unjidwe muuya, ulisondokede.” Baamba boobo nkaambo zibi zyabo nzinji, luzondo lwabo ndupati. 8Musinsimi nguucenjezya bantu ba Efulemu, bantu ba Leza. Nikuba boobo kufumbwa nkwaya uliteedwe. Basinkondonyina balamukkalilila muŋanda ya Leza. 9Bantu balabisya kapati mbuli zyakacitika ku Gibeya. Aboobo Leza takalubi kubisya kwabo, eelyo uyoobasubula.
Cinyonyoono ca Baisilayeli acisubulo caco
10Lino Mwami Leza waamba kuti, “Ciindi nindakamusala Isilayeli, wakali mbuli nsaansa munkanda. Basikale babo ndakabakkomanina mbuli nkuyu yakusoloka. Pele bakaboola ku Baali Peyoli akulipa kuli Baali. Aboobo bakalisofwaazya busofweede mutuni ngubakali kuyanda. 11Bulemu bwa Baefulemu buyoomwaika mbuli bayuni. Tabakazyali limbi, bakaintu babo tabacimiti pe. 12Naa kuti bakazyale, njoobanyonyoona bana babo, kusikila bakamane doo. Maawe kubantu aaba ndaakubasiya.” Baefulemu bayooba mbuli banyama bajaigwa, Baefulemu bayootumwa kunkondo nkobayoojaigwa.
13O Mwami Leza mbuli mukulanga kwangu bana ba Efulemu bayooba mbuli banyama bajaigwa. Baefulemu bayooaba bana babo kunkondo nkobayoojaigwa. 14Ubape, O Mwami Leza, ani ubape nzi? Ubape kuti kabasowa, nkolo zyabo ziyume!
Lubeta lwa Leza kuli Efulemu
15Mwami Leza wakaamba kuti, “Zibi zyabo zyoonse zyakalibonya ku Giligali. Nkukonya ooko nkwindakabasulaikila. Nkaambo kakuti bakabisya, ndilabatanda bazwe munyika yangu. Taakwe ninjoobayanda limbi pe, nkaambo abalo basololi babo boonse bandizangila. 16Efulemu uli mbuli cisamu ciyumide, miyanda yayuma, tacikonzyi kuzyala micelo pe. Naa bakazyale bana, njoonyonyoona bana babo mbobayandisya.”
Musinsimi mbwaakaamba zya Baisilayeli
17Leza wangu uyoobakaka bantu aaba nkaambo tabamuswiilili. Bayooba basimutuntuli akati kabamasi.
Zur Zeit ausgewählt:
:
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Tonga Bible © United Bible Societies, 1994.