Filipi 2
2
“At Kristus enggaerek ake siyat dakigidek kagakike kak, kit esigit dilugat kagako dogono o,” yiluk yogisasike wene
1Nit Kristus ninom kunik dogolik, at nen ninendainggen ago wat dinanggik, ninebe ninaʼbuwarogo ninendainggen sebelkik, Agurengge ninom kunik dogolik, yamak niyigik, kagako nggorlek nit-nit panorogo naʼbuwa-kaʼbuwarogo kagarigogi eti paga, 2an nakla arlenggen nggokogo kasi dogik nen, kinendainggen omanggiat dogono o. Esigit diluk dogolik kit-kit naʼbuwa-kaʼbuwarogo omanggiat mende kagakik, kinobabut kinendainggen omanggiat welagik, kagako dogono o. 3Yi mende ndi mende kagasuwogoluk, kinakla nen,
“Anat pano kagako dogogin,” yiluk, kinenggaerek nen kinalon togo kagako dogogup o. Kinakla nen pogorakigidegat,
“It amberek pano. An erlok dek,” yiluk, ambasi dogono o. 4Esigit diluk ambasi dogolik, kinebe dombok kinenggaerek kinake arlek oba ebeko dogogup. It akoni amberek inake inomat inoba ebeko dogono o. 5Kinobabut, at Kristus Yesus nen akla ebeko lagike kagat, ebeko dogono o. 6At ebe, Allah mendeat dogolik, akla nen,
“An Allah nimbisak ndak-ndagat werek yi, yi kagat mondok dogogin,” yiluk ambigidek, 7enggaerek eramenat togot diyalok, nit akoni ninom ndak-ndak agikesik nen, ebe ninanduwanengge negenat agike o. 8At enggaerek nen endaga deget dakalok,
“An nobabut, nombae nen,
Watlasuwak, yiluk, ambaligogo ndak-ndagat ane kologo dogogin,” yiluk ebe o paga mendiluk wasuwagalugat ambasike o. 9Esigit diluk ambasike eti paga, ebe Allah nenat nggogot disike. Nggogot disikesik nen, it amberek inendaga wema paga negen werek nggorlek, arat, Endaganggok yiluk nggok mendeat salkike o. 10It mbogot oba mende inom, agat oba mende inom, wema paga mende inom, taʼbokogonat at Yesus pogorako dogolik, inindibagal yunggulogo inebe dombok, at apma unggugun o. 11Esigit diluk unggiluk nen, inambe paga dombok, ninombae Allah pogorako dogolik,
“Ninewe Endaganggok Yesus Kristus etiat o,” yiluk, ʼbukakogo yugun o.
“Kit akoni agat oba mende inakla dogolik liyarinako dogono o,” yiluk yogisasike wene
12-13Nagarlagi nirugi o. Kinebe kinaʼbuwa o. An ninom dogolik, nane kibitngge-yogongge yisinem kologo kagako lagagip eti kagat, an yogondak nebe walegat werek nggorlek, nane etiat nggogot diluk nen, kologo mondok kagako dogono o. At Allah nen, kit nen kagako dogobagik nen yiluk, kinakla nggagalkonem, kit kinakla nen,
“I, nit esigit diluk kagako dogu warlok o,” yiluk ambalok, Allah akla warlok mende kagako lagap eti paga, at ebe kinayukogo kinowak del kasi dogolik,
“At nen ndil ninabigin,” yiluk eti pasigat kagako mondok dogono o. 14-15Kit at Allah il oba wene kinoba degat, nen, weyak mende kinakla degat doguwogoluk kalok, kinebe Allah aʼburi weyak kagakidek nggaʼberek mondok dogolik, o amum werekma kusagal nen liyararigogo kak, akoni yoma inobabut nggorlo weyak kagarigogi mende inakla liyarogo dogolik, yi mende ndi mende kagako dogolik,
“Ninaʼit,” yiluk uwa-uwa kagakidegat, wenemuk mbalkidegat, kagako dogono o. 16Esigit diluk kagako dogolik, yi mende ndi mende sumbusogo wogisawogoluk siriyiligogi kak, wene akoni inebe inilugurinabigogo wene eti yogisilik noko dogono o. Esigit diluk yogisasi dogogun kalok, at Kristus wisigin etinem, an nen,
“Mep dagik-dagokogo nobatnerogonat kagako lagagi mende etnogo we yugunat wirlikogo kagakidek. Kristus pasik erlok kagarogo ʼbiyigima,” yiluk nalon asigin o.
17Mende, akoni nen domba Allah ake ʼbiyalok, warogo kali kunuwogoluk, oba enggen ambusu wusaʼbiligogi kak, kit kinendainggen Allah oba panggot diluk wogokonem, akoni nen an nebe warogo namep wusako kalok, an nakla arlenggen kasinem kit taʼbokogonat kinakla arlenggen kausagat o. 18Esigit dilugat, kit kinakla arlenggen kasinem, an nakla arlenggen kausagat o.
Wene at Timotius pasik inom, Epafroditus pasik inom, yogisasike wene
19Kit etoma kagako lagap mende pasik, kinabok an nilu atluk nakla pano asuwagaluk, nendainggen ninewe Endaganggok Yesus oba panggot diluk werekma, at nen yamak niyiligogo eti paga, at Timotius etnogo ibat kinoba laʼbi wisigiluk ambaligogo o. 20It akoni amberek yoma inobabut ninat negen werek nggorlek, at Timotius arligat obabut an nobabut ndak-ndak dogolik, kit kinebe kinaʼbuwarogo kinoba eberogonat eberek werek o. 21At esigit diluk werek nggorlek, it akoni eti inebe taʼbokogonat Yesus Kristus ake kagakidek dogolik, inenggaerek inake arlek nggogot diluk kagarigogi o. 22Mende, at Timotius obabut enggagat kagarigogo etnogo kinilu o. Inaʼburi nen inombae lak yamagiyiligogi kak, at ebe, Allah apma dogolik an yamak niyagaluk pano wene etnogo nimbisak nen yogisilik noko logosik. 23An kagat nabugun mende wene ebe dikogo nilu atluk kalok, at ebe ibat kit kinoba laʼbi wisigin, yiluk ambaligogo o. 24At ebe laʼbi witluk nen, an nendainggen ninewe Endaganggok oba panggot diluk werek eti paga, at nen yamak niyasinem, nebe ibat wisigin yiluk ambaligogo o.
25At ninagarlak Epafroditus an Allah ake narligat nen kagasusak erlok dek werekma, yamak niyawagaluk noba laʼbi wagagipmo, wim ako dogolik inobatnerogo abigogi kak, nimbisak Allah ake ninobatnerogo kagako lagosik nen, yabunggane iyogoba kinoba laʼbi wisigin ambaligogoat o. 26At akla ambasi dogolik,
“An noba u warogo ʼbanggike etnogo, nabok it inasuk kolkukasik nen, ninggit diluk kagarigogi,” yiluk, wene munini uwan ʼberoat ebeko dogolik,
“It taʼbokogonat inoba ligin,” yiluk ambiligogo. 27Ebe u warek dogolik watlatlep mende, an nakla weyak werek nggorlek watlatlepma, yabunggane nakla mondok weyagat asunogo yiluk, Allah nen at aʼbuwa, nen, an nebe naʼbuwaat, dogolik, panot disikemo ebe u dek agasik werek o. 28At ebe yabunggane kinoba wagonem kinilenggen kalok nen, kit kinakla arlenggen kigik, an nakla weyak werek mende pano agik, asuwok nen yiluk ibat kinoba laʼbi wisigin o. 29-30At ebe wagonem, ninewe Endaganggok kinom kunik dogolik, kinakla arlenggen kasi dogolik at ebe waganino o. Kit nen ninggit diluk yamak niyaʼbugat eti paga, kinobalikmo at nen yamak niyagaluk,
“Nebe watlago kalok panoat o,” yiluk, Kristus ake kagako dogolik watlatlep mende o. It akoni amberek inobabut at kagarigogo kak kagarigogi mende kalok inalon palogo woginako dogono o.
Zur Zeit ausgewählt:
Filipi 2: DNA
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Filipi 2
2
“At Kristus enggaerek ake siyat dakigidek kagakike kak, kit esigit dilugat kagako dogono o,” yiluk yogisasike wene
1Nit Kristus ninom kunik dogolik, at nen ninendainggen ago wat dinanggik, ninebe ninaʼbuwarogo ninendainggen sebelkik, Agurengge ninom kunik dogolik, yamak niyigik, kagako nggorlek nit-nit panorogo naʼbuwa-kaʼbuwarogo kagarigogi eti paga, 2an nakla arlenggen nggokogo kasi dogik nen, kinendainggen omanggiat dogono o. Esigit diluk dogolik kit-kit naʼbuwa-kaʼbuwarogo omanggiat mende kagakik, kinobabut kinendainggen omanggiat welagik, kagako dogono o. 3Yi mende ndi mende kagasuwogoluk, kinakla nen,
“Anat pano kagako dogogin,” yiluk, kinenggaerek nen kinalon togo kagako dogogup o. Kinakla nen pogorakigidegat,
“It amberek pano. An erlok dek,” yiluk, ambasi dogono o. 4Esigit diluk ambasi dogolik, kinebe dombok kinenggaerek kinake arlek oba ebeko dogogup. It akoni amberek inake inomat inoba ebeko dogono o. 5Kinobabut, at Kristus Yesus nen akla ebeko lagike kagat, ebeko dogono o. 6At ebe, Allah mendeat dogolik, akla nen,
“An Allah nimbisak ndak-ndagat werek yi, yi kagat mondok dogogin,” yiluk ambigidek, 7enggaerek eramenat togot diyalok, nit akoni ninom ndak-ndak agikesik nen, ebe ninanduwanengge negenat agike o. 8At enggaerek nen endaga deget dakalok,
“An nobabut, nombae nen,
Watlasuwak, yiluk, ambaligogo ndak-ndagat ane kologo dogogin,” yiluk ebe o paga mendiluk wasuwagalugat ambasike o. 9Esigit diluk ambasike eti paga, ebe Allah nenat nggogot disike. Nggogot disikesik nen, it amberek inendaga wema paga negen werek nggorlek, arat, Endaganggok yiluk nggok mendeat salkike o. 10It mbogot oba mende inom, agat oba mende inom, wema paga mende inom, taʼbokogonat at Yesus pogorako dogolik, inindibagal yunggulogo inebe dombok, at apma unggugun o. 11Esigit diluk unggiluk nen, inambe paga dombok, ninombae Allah pogorako dogolik,
“Ninewe Endaganggok Yesus Kristus etiat o,” yiluk, ʼbukakogo yugun o.
“Kit akoni agat oba mende inakla dogolik liyarinako dogono o,” yiluk yogisasike wene
12-13Nagarlagi nirugi o. Kinebe kinaʼbuwa o. An ninom dogolik, nane kibitngge-yogongge yisinem kologo kagako lagagip eti kagat, an yogondak nebe walegat werek nggorlek, nane etiat nggogot diluk nen, kologo mondok kagako dogono o. At Allah nen, kit nen kagako dogobagik nen yiluk, kinakla nggagalkonem, kit kinakla nen,
“I, nit esigit diluk kagako dogu warlok o,” yiluk ambalok, Allah akla warlok mende kagako lagap eti paga, at ebe kinayukogo kinowak del kasi dogolik,
“At nen ndil ninabigin,” yiluk eti pasigat kagako mondok dogono o. 14-15Kit at Allah il oba wene kinoba degat, nen, weyak mende kinakla degat doguwogoluk kalok, kinebe Allah aʼburi weyak kagakidek nggaʼberek mondok dogolik, o amum werekma kusagal nen liyararigogo kak, akoni yoma inobabut nggorlo weyak kagarigogi mende inakla liyarogo dogolik, yi mende ndi mende kagako dogolik,
“Ninaʼit,” yiluk uwa-uwa kagakidegat, wenemuk mbalkidegat, kagako dogono o. 16Esigit diluk kagako dogolik, yi mende ndi mende sumbusogo wogisawogoluk siriyiligogi kak, wene akoni inebe inilugurinabigogo wene eti yogisilik noko dogono o. Esigit diluk yogisasi dogogun kalok, at Kristus wisigin etinem, an nen,
“Mep dagik-dagokogo nobatnerogonat kagako lagagi mende etnogo we yugunat wirlikogo kagakidek. Kristus pasik erlok kagarogo ʼbiyigima,” yiluk nalon asigin o.
17Mende, akoni nen domba Allah ake ʼbiyalok, warogo kali kunuwogoluk, oba enggen ambusu wusaʼbiligogi kak, kit kinendainggen Allah oba panggot diluk wogokonem, akoni nen an nebe warogo namep wusako kalok, an nakla arlenggen kasinem kit taʼbokogonat kinakla arlenggen kausagat o. 18Esigit dilugat, kit kinakla arlenggen kasinem, an nakla arlenggen kausagat o.
Wene at Timotius pasik inom, Epafroditus pasik inom, yogisasike wene
19Kit etoma kagako lagap mende pasik, kinabok an nilu atluk nakla pano asuwagaluk, nendainggen ninewe Endaganggok Yesus oba panggot diluk werekma, at nen yamak niyiligogo eti paga, at Timotius etnogo ibat kinoba laʼbi wisigiluk ambaligogo o. 20It akoni amberek yoma inobabut ninat negen werek nggorlek, at Timotius arligat obabut an nobabut ndak-ndak dogolik, kit kinebe kinaʼbuwarogo kinoba eberogonat eberek werek o. 21At esigit diluk werek nggorlek, it akoni eti inebe taʼbokogonat Yesus Kristus ake kagakidek dogolik, inenggaerek inake arlek nggogot diluk kagarigogi o. 22Mende, at Timotius obabut enggagat kagarigogo etnogo kinilu o. Inaʼburi nen inombae lak yamagiyiligogi kak, at ebe, Allah apma dogolik an yamak niyagaluk pano wene etnogo nimbisak nen yogisilik noko logosik. 23An kagat nabugun mende wene ebe dikogo nilu atluk kalok, at ebe ibat kit kinoba laʼbi wisigin, yiluk ambaligogo o. 24At ebe laʼbi witluk nen, an nendainggen ninewe Endaganggok oba panggot diluk werek eti paga, at nen yamak niyasinem, nebe ibat wisigin yiluk ambaligogo o.
25At ninagarlak Epafroditus an Allah ake narligat nen kagasusak erlok dek werekma, yamak niyawagaluk noba laʼbi wagagipmo, wim ako dogolik inobatnerogo abigogi kak, nimbisak Allah ake ninobatnerogo kagako lagosik nen, yabunggane iyogoba kinoba laʼbi wisigin ambaligogoat o. 26At akla ambasi dogolik,
“An noba u warogo ʼbanggike etnogo, nabok it inasuk kolkukasik nen, ninggit diluk kagarigogi,” yiluk, wene munini uwan ʼberoat ebeko dogolik,
“It taʼbokogonat inoba ligin,” yiluk ambiligogo. 27Ebe u warek dogolik watlatlep mende, an nakla weyak werek nggorlek watlatlepma, yabunggane nakla mondok weyagat asunogo yiluk, Allah nen at aʼbuwa, nen, an nebe naʼbuwaat, dogolik, panot disikemo ebe u dek agasik werek o. 28At ebe yabunggane kinoba wagonem kinilenggen kalok nen, kit kinakla arlenggen kigik, an nakla weyak werek mende pano agik, asuwok nen yiluk ibat kinoba laʼbi wisigin o. 29-30At ebe wagonem, ninewe Endaganggok kinom kunik dogolik, kinakla arlenggen kasi dogolik at ebe waganino o. Kit nen ninggit diluk yamak niyaʼbugat eti paga, kinobalikmo at nen yamak niyagaluk,
“Nebe watlago kalok panoat o,” yiluk, Kristus ake kagako dogolik watlatlep mende o. It akoni amberek inobabut at kagarigogo kak kagarigogi mende kalok inalon palogo woginako dogono o.
Zur Zeit ausgewählt:
:
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.