Filemon 1
1
Keyagi warinakike wene
1-2Filemon nagarlak o. Nagarlak nimbisak Kristus ake kagako lago mende nen kebe ninendainggen kunik o. An Paulus, Kristus Yesus ake ninggi kerle warogo ʼbanggama werek mende etnogo, ninagot Timotius nimbisak nen, kat kebe inom, Allah aʼburi amberek kat kaguma nandorligogi mende inom, niniru Apfia inom, ninagot Arkipus wim abigogi kak, Allah ake ninom ninobatnerogo kagarigogi mende etnogo inom, wene yi kolal mbalogo kinoba laʼbi wago o. 3Nagarlagi nirugi o. Ninombae Allah inom, ninewe Endaganggok Yesus Kristus inom, imbisak inobabut pano etnogo nen pano mende wokisigik, kinendainggen kambugut dinagagik, kagako dogowak o.
Filemon obabut kagako lagike mende pasik Allah keyagi wakike wene
4-5Kat kendainggen ninewe Endaganggok Yesus oba panggot diluk, Allah aʼburi amberek taʼbokogonat inaʼbuwa kiligogon eti kabok nasuk kolkirik nen, sembayan kibitngge-yogongge yisi dogolik, kat kendaga yiluk nombae Allah keyagi warigogo o. 6Nit ninendainggen Allah oba panggot diluk, ninagarlagi ninirugi inom Allah aʼburi amberek inom, Kristus ninom kunik werekma, at nen yi mende ndi mende pano mende woknisasinem didiligogi mende eti, yabunggane nggokogo diduwogoluk Allah ayonggo ʼbiligogo. 7Filemon nagarlak o. Kat nen akoni Allah aʼburi mende amberek taʼbokogonat inaʼbuwarinako dogolik, inakla panorinabigogon eti paga, an Allah ake kagako dogowagaluk nendainggen ago wat danggo laganma nakla arlenggen mondok kiligogo o.
At Onesimus, Filemon nen ebe waganuwagaluk yogokike wene
8Kat esigit diluk kagarigogon eti paga, nimbisak Kristus ninom kunik dogolik, at ake kagako lagoma an nen,
“At nagarlak nimbisak,” yiluk nenggarli degat,
“Esigit diluk kagatno,” yiluk, an nen nane nobatnerogo yokisusak erlok mendeat, 9an Paulus yogondak nebe arat narlongga agarik werekma, Kristus Yesus ake ninggi kerle warogo ʼbanggama werek. Esigit diluk dogolik, kat nendainggen kunik werek eti paga, nane erogat koba omanggi nggino yokisik o. 10Eti, an ninggi kerle warek dogolik, at Onesimus endainggen Kristus oba panggot deke eti paga, ebe naʼbut negen kagat lagik, an nebe at ombae negen kagat lagik, kagat lagosik nen, at ebe waganinok nen yiluk, yokigi o. 11At alebagik, kat kake panorogo kagasusak mende erlok dek negen welagike mende, yogondak kat pasik arlek ʼbuk. An nimbisagat pasik panorogo kagat dinasi dogogin mende erlogat werek o. 12Eti paga, at ebe an nendainggen kunik nen at iyogoba koba laʼbi wagi endi o. 13An pano wene yogisilik liligogo eti paga, ninggi kerle warogo ʼbanggama werek nggorlek, kat nen yamak niyasi dogu kak, kobalikmo at nen yamak niyasi dogowagaluk ebe pakausak mendeat, 14kat nen,
“E o, pano. Kimbisak dogono,” yiluk yoknikidekma, an nen nabusagat wene omanggi yusak erlok dek o. An nakla warlok, kat ebe indewerek mende kendainggen nenat yinok nen yiluk, laʼbi wagi endi o. Mende, kat kakla nen,
“Naʼit,” ambasi nggorlegat, an nen nane obatnerogo yokisusak, naʼit o. 15At Onesimus kat togot dagaluk dukisike eti elalma dogoluk nen, yabunggane kimbisak mondok doguwogoluk waganiginmo, at Allah akla ambasike paga kagat larigogo ambigi. 16At yabunggane kat kimbisak dogogun eti ebe kanduwanengge dogolik, kat kake kagako dogogin mende, eti arlek ʼbuk. At te, at ebe Allah aʼbut agasik ninagarlak ninendainggen kunik mendeat dogogin o. At nen, an endainggen kunik dogolik, an nake pano mondok kagarigogo eti ʼbugurlagat o. Kat kakeat, at ebe agat oba kanduwanengge dogolik, kagarlak kimbisak ninewe Endaganggok kinom kunik dogogun eti paga, ebeluk kendainggen mondok kunik dogono.
17Eti paga, kat nen,
“Paulus ebe an nagarlak nimbisak kunik werek mende,” yiluk, ambaligogon eti, Onesimus suguluk koba laʼbi wagi eti an nebe koba wagonem woknabu kak, at ebe esigit dilugat suguluk waganino. 18At nen nggorlo omanggi kagat kakemo, nomat oba ʼbegenma mbalegengge werek kalok, nomat taʼbokogonat an noba ʼbino o. 19An Paulus esigit diluk nomat noba werek, yiluk taʼbokogonat eti onggo mbaligin mende nenggaerek ninggi nen kolal mbalki o. An nen, kat pano wene yanggul kikigimo kenggaerek kebe kake pano mende inde agandik dogoligogon eti, nomat koba ʼbigima mbalegengge koba werek yiluk yokisusak mende, an esigit diluk yusak dek. Kenggaerek kiluat o. 20Eti paga, nagarlak o. Ninewe Endaganggok ninom kunik dogolik nakla arlenggen kowagaluk an yamak niyau kak, at ebe eti panorogo waganino. 21Wene an nen yokigi mende eti kat nen kasuk kologo kagasiginat kigi, yiluk, nakla ambigirik nen kolal yi mbalogo koba laʼbi wagi o. An nen,
“Ebe waganino,” yiluk yokigi mende eti, kat nen esigit diluk kagako dogolik pano mende amberek inom kagasiginat kigi, yiluk, an niluat o. 22Kit taʼbokogonat nen an nake sembayan Allah ayonggo ʼbiligogi eti paga, at nen yabunggane ninggi kerle piyalogo wula ʼbaniluk kinoba woknarek wisigin ambiligogo. Eti paga, an yabunggane kinoba witluk noge yusak, kat nen kaguma etoma o kamar omanggi nggarelogo ʼbaniluk dogono.
Wene ilugun oba yabunggane keyagi warinakike wene
23At Epafras nimbisak Kristus Yesus ake kagako lago eti paga, nininggi kerle warogo ʼbinanggama werek mende etnogo nen keyagi watkake o. 24Nen, an nagarlagi Kristus ake kagarigogi mende, Markus inom, Aristarkus inom, Demas inom, Lukas inom, inebe taʼbokogonat nen keyagi watkakaat o. 25Ninewe Endaganggok Yesus Kristus obabut pano etnogo nen, kit taʼbokogonat kinendainggenma dogolik kinanggorlem dogowak o.
Zur Zeit ausgewählt:
Filemon 1: DNA
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Filemon 1
1
Keyagi warinakike wene
1-2Filemon nagarlak o. Nagarlak nimbisak Kristus ake kagako lago mende nen kebe ninendainggen kunik o. An Paulus, Kristus Yesus ake ninggi kerle warogo ʼbanggama werek mende etnogo, ninagot Timotius nimbisak nen, kat kebe inom, Allah aʼburi amberek kat kaguma nandorligogi mende inom, niniru Apfia inom, ninagot Arkipus wim abigogi kak, Allah ake ninom ninobatnerogo kagarigogi mende etnogo inom, wene yi kolal mbalogo kinoba laʼbi wago o. 3Nagarlagi nirugi o. Ninombae Allah inom, ninewe Endaganggok Yesus Kristus inom, imbisak inobabut pano etnogo nen pano mende wokisigik, kinendainggen kambugut dinagagik, kagako dogowak o.
Filemon obabut kagako lagike mende pasik Allah keyagi wakike wene
4-5Kat kendainggen ninewe Endaganggok Yesus oba panggot diluk, Allah aʼburi amberek taʼbokogonat inaʼbuwa kiligogon eti kabok nasuk kolkirik nen, sembayan kibitngge-yogongge yisi dogolik, kat kendaga yiluk nombae Allah keyagi warigogo o. 6Nit ninendainggen Allah oba panggot diluk, ninagarlagi ninirugi inom Allah aʼburi amberek inom, Kristus ninom kunik werekma, at nen yi mende ndi mende pano mende woknisasinem didiligogi mende eti, yabunggane nggokogo diduwogoluk Allah ayonggo ʼbiligogo. 7Filemon nagarlak o. Kat nen akoni Allah aʼburi mende amberek taʼbokogonat inaʼbuwarinako dogolik, inakla panorinabigogon eti paga, an Allah ake kagako dogowagaluk nendainggen ago wat danggo laganma nakla arlenggen mondok kiligogo o.
At Onesimus, Filemon nen ebe waganuwagaluk yogokike wene
8Kat esigit diluk kagarigogon eti paga, nimbisak Kristus ninom kunik dogolik, at ake kagako lagoma an nen,
“At nagarlak nimbisak,” yiluk nenggarli degat,
“Esigit diluk kagatno,” yiluk, an nen nane nobatnerogo yokisusak erlok mendeat, 9an Paulus yogondak nebe arat narlongga agarik werekma, Kristus Yesus ake ninggi kerle warogo ʼbanggama werek. Esigit diluk dogolik, kat nendainggen kunik werek eti paga, nane erogat koba omanggi nggino yokisik o. 10Eti, an ninggi kerle warek dogolik, at Onesimus endainggen Kristus oba panggot deke eti paga, ebe naʼbut negen kagat lagik, an nebe at ombae negen kagat lagik, kagat lagosik nen, at ebe waganinok nen yiluk, yokigi o. 11At alebagik, kat kake panorogo kagasusak mende erlok dek negen welagike mende, yogondak kat pasik arlek ʼbuk. An nimbisagat pasik panorogo kagat dinasi dogogin mende erlogat werek o. 12Eti paga, at ebe an nendainggen kunik nen at iyogoba koba laʼbi wagi endi o. 13An pano wene yogisilik liligogo eti paga, ninggi kerle warogo ʼbanggama werek nggorlek, kat nen yamak niyasi dogu kak, kobalikmo at nen yamak niyasi dogowagaluk ebe pakausak mendeat, 14kat nen,
“E o, pano. Kimbisak dogono,” yiluk yoknikidekma, an nen nabusagat wene omanggi yusak erlok dek o. An nakla warlok, kat ebe indewerek mende kendainggen nenat yinok nen yiluk, laʼbi wagi endi o. Mende, kat kakla nen,
“Naʼit,” ambasi nggorlegat, an nen nane obatnerogo yokisusak, naʼit o. 15At Onesimus kat togot dagaluk dukisike eti elalma dogoluk nen, yabunggane kimbisak mondok doguwogoluk waganiginmo, at Allah akla ambasike paga kagat larigogo ambigi. 16At yabunggane kat kimbisak dogogun eti ebe kanduwanengge dogolik, kat kake kagako dogogin mende, eti arlek ʼbuk. At te, at ebe Allah aʼbut agasik ninagarlak ninendainggen kunik mendeat dogogin o. At nen, an endainggen kunik dogolik, an nake pano mondok kagarigogo eti ʼbugurlagat o. Kat kakeat, at ebe agat oba kanduwanengge dogolik, kagarlak kimbisak ninewe Endaganggok kinom kunik dogogun eti paga, ebeluk kendainggen mondok kunik dogono.
17Eti paga, kat nen,
“Paulus ebe an nagarlak nimbisak kunik werek mende,” yiluk, ambaligogon eti, Onesimus suguluk koba laʼbi wagi eti an nebe koba wagonem woknabu kak, at ebe esigit dilugat suguluk waganino. 18At nen nggorlo omanggi kagat kakemo, nomat oba ʼbegenma mbalegengge werek kalok, nomat taʼbokogonat an noba ʼbino o. 19An Paulus esigit diluk nomat noba werek, yiluk taʼbokogonat eti onggo mbaligin mende nenggaerek ninggi nen kolal mbalki o. An nen, kat pano wene yanggul kikigimo kenggaerek kebe kake pano mende inde agandik dogoligogon eti, nomat koba ʼbigima mbalegengge koba werek yiluk yokisusak mende, an esigit diluk yusak dek. Kenggaerek kiluat o. 20Eti paga, nagarlak o. Ninewe Endaganggok ninom kunik dogolik nakla arlenggen kowagaluk an yamak niyau kak, at ebe eti panorogo waganino. 21Wene an nen yokigi mende eti kat nen kasuk kologo kagasiginat kigi, yiluk, nakla ambigirik nen kolal yi mbalogo koba laʼbi wagi o. An nen,
“Ebe waganino,” yiluk yokigi mende eti, kat nen esigit diluk kagako dogolik pano mende amberek inom kagasiginat kigi, yiluk, an niluat o. 22Kit taʼbokogonat nen an nake sembayan Allah ayonggo ʼbiligogi eti paga, at nen yabunggane ninggi kerle piyalogo wula ʼbaniluk kinoba woknarek wisigin ambiligogo. Eti paga, an yabunggane kinoba witluk noge yusak, kat nen kaguma etoma o kamar omanggi nggarelogo ʼbaniluk dogono.
Wene ilugun oba yabunggane keyagi warinakike wene
23At Epafras nimbisak Kristus Yesus ake kagako lago eti paga, nininggi kerle warogo ʼbinanggama werek mende etnogo nen keyagi watkake o. 24Nen, an nagarlagi Kristus ake kagarigogi mende, Markus inom, Aristarkus inom, Demas inom, Lukas inom, inebe taʼbokogonat nen keyagi watkakaat o. 25Ninewe Endaganggok Yesus Kristus obabut pano etnogo nen, kit taʼbokogonat kinendainggenma dogolik kinanggorlem dogowak o.
Zur Zeit ausgewählt:
:
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.