Efesus 5
5
“Kinebe Allah aʼburi o liya paga dogolik, kagako dogono o,” yiluk yogisasike wene
1Kinebe Allah aʼburi at kinaʼbuwa mende werek eti paga, at obabut waganino o. 2Akoni nen yi mende ndi mende Allah ake ʼbiluk, ebe warogo kindu kungonem, Allah akla panorogo obasi pano mende liyako laguka eti kak, at Kristus nit ninebe ninaʼbuwa kasikesik nen,
“It pasik an nebe nasuwak o,” yiluk ambasike paga ebe wakuka eti paga, Allah akla pano agike eti kak, nit-nit naʼbuwa-kaʼbuwarogo kagako doguwok o. 3Kinebe Allah aʼburi dogolik kinobabut kagako dogusak mendeat kagako dogusak. Eti paga, ap-kumi inil arurlu pak-pak yigik, inenggarli degat weyak kagakik,
“Yi mende ndi mende an arlek woknetlep,” yiluk inakla nen ambigik, kagarigogi eti mende, akoni amberek nen,
“It amberek esigit diluk weyak kagarigogi,” yiluk kinabok weyak wikakogo asunogo yiluk, weyak omanggi kagakup o. 4Ap-kumi inil arurlu pak-pak yiligogi mende abok yigik, wene inendainggen dek yiligogi mende yigik, inenggarlimo mende abok aik dagok yigik, yusak dek mende eti yigidegat dogolik, Allah arligat keyagi wako dogono o. 5It akoni inil arurlu paʼbiyiligogi mende inom, inenggarli dek weyak kagarigogi mende inom, inendainggen ngganengge oba panggot diluk dogolik kagarigogi kagat,
“Yi mende ndi mende an mende arlek dogolep a,” yiluk inakla nen ambalok kagarigogi mende inom, kagarigogi kalok, Kristus Allah imbisak inapma ʼbiyasinem dogoligogoma etoma indewerek asugun mondok dek o, yiluk, panorogo kinakla ambano.
6It akoni Allah wene motogo waganuʼbuk mende nen, wene yigi esigit diluk kagarigogima, Allah akla agaga dagiluk weyagarinabigin eti paga, it amberek nen inane we yugunat yisi dogolik,
“Weyak mende esigit diluk kagasumo panoat,” yiluk, nuket dinagunogo. 7Eti paga, kit it kinom dambukogo eti mende kagako dogusak dek o. 8Kit alebagik, o amummo welagagip mende, yogondak ninewe Endaganggok kinom kun diluk, o liya paga werek eti paga, kinobabut o liya paga dogolik kagako dogusak mendeat motogo kagako dogono o. 9O erlo pano mende nen enggen pano mendeat yirigogo kak, akoni o liya paga dogolik yi mende ndi mende panorogo motogonat inendainggen oba nen eberogonat kagarigogi o. 10Kinakla nen,
“Ninobabut ninggit diluk kagako dogogun oba ninewe Endaganggok akla nen pano yigin,” yiluk, kinakla didiluk, kinobabut eti mendeat yanggulino o. 11It o amummo dogolik, panorinabigin dek mende weyak kagarigogi mende eti kinom dambukogo kagako dogusak dek. At te, esigit diluk kagakonem ʼbukalogo mberisasi dogono. 12It akoni amberek limago kagarigogi mende eti inabok yisi dogu inenggarli asusak eti paga, inabok yisi dogusak dek o. 13Yi mende ndi mende ʼbukalogo o liya paga ʼbisinem, enggagat arigogo o. 14Esigit diluk liya paga ʼbisinem enggagat atluk, liya arigogo eti paga, men yiligogi:
“Kat noge yiligogon eti kebe kiluk asin o. Nen, warek negen werek eti kiluk asin o. At Kristus nen liya kabigin o,”
yiluk yiligogi o. 15Eti paga, kinobabut kwalogo kagako dogono o! Akoni inendainggen abit mende nen kagarigogi kak kagakidek, inendainggen nggagalek mende nen kagarigogi kak, kagako dogono o. 16Yogondak ya akoni inebe dogalekmangge inobabut weyak kagarigogi eti paga, kit kinobabut we yugunat wirlikogo kagako dogunogo yiluk, ebenggena pano asuwak nen yiluk kinobabut pano mende etiat kagako dogono o. 17Kinendainggen dambulik dogusak dek o. At ninewe Endaganggok akla warlok ambaligogo mende etiat erlo kweya ʼbiluk motogo kagako dogono o. 18Anggur enggen ambusu nggokogo nasinem eti nen kinebe kunu-gunu atluk weyagat kinabunogo nen, nasi dogogup o. At te, Allah Agurengge etiat kinakla nggerlekogo waganino o. 19Kit-kit wenenggak yisi dogolik, endai Mazmur mende oba wakik, endai Allah oba keyagi wakik, endai Allah wene mende endai wakik, warigogo mende etiat waganiluk yisi dogono o. Kinendainggen oba nen endai wakik, silon yigik, kagako dogolik, ninewe Endaganggok ebe pogorako dogono o. 20Kibitngge-yogongge yi mende ndi mende taʼbokogonat pasik, ninewe Endaganggok Yesus Kristus endaga mbalogo, ninombae Allah keyagi wako dogono o.
Kumi-ap waganek mende nen inobabut kagako dogusak wene
21Allah esigit diluk keyagi wako dogolik, Kristus alon palko dogolik, kit-kit omanggi nen omanggi apma dogolik inane kologo kagako dogono o. 22-23Nit Allah aʼburi ninebe Kristus ebe negen werekma, at nen ndil ninakikesik, ebe Ninewe Nggok werek kak, kumi ineugi, inaguniat eti paga, kit kumi ninewe Endaganggok apma dogolik ane kologo kagarigogi kagat, kinagoni dombok inapma dogolik, inane kologo kagako dogono o. 24Nen, nit Allah aʼburi Kristus apma dogolik ane kologo kagarigogi kak, kit kumi, yi mende ndi mende pasik taʼbokogonat kagasuwogoluk, kinagoni inapma dogolik inane kologo kagako dogono o. 25At Kristus nen nit Allah aʼburi ninebe ninaʼbuwa niyasikesik nen,
“It inake nasuwak,” yiluk ambasike paga ebe wakukama watlagike kak, kit ap nen, kinagugi esigit dilugat inaʼbuwarogo kagako dogono o. 26-27At Kristus nen esigit diluk kagakike eti, nit Allah aʼburi taʼbokogonat ninebe, ninoba ninoʼbam dek, ninowado kurarlo dek, pano dogu kak, at il oba wene ninoba dek, pano mondok nggaʼberek dogowagaluk, ninebe ima wusa ʼbinanggonem, at ane etnogo paga, sobalogo ʼbinaniluk, at enggaerek ake ʼbakagaluk ebe watlagike o. 28Eti kak, kit ap nen, kinenggaerek kinebe kinaʼbuwa werek eti kak, kinagugi dombok inebe,
“An nenggaerek nebe ndak-ndak at o,” yiluk, inaʼbuwarogo dogono o. Ap, inagugi inaʼbuwarogo werek mende eti inenggaerek inebeat inaʼbuwarogo werek o. 29-30Akoni amberek nen inenggaerek inebe inaʼit amberek werek nogo? Dek o. Ninenggaerek ninambiri pano mende ninggik, ninebe panorogo kagarigik, kagarigogi kak, at Kristus nen,
“Allah aʼburi an nenggaerek nebe mende ninggi niyok negen,” yiluk esigit diluk panorogo paknisek werek o. 31Eti pasik, Allah wene men yisike,
“Eti paga, ap nen agoya ombae togot diyalok, age inom dambulik dogolik nen, inebe mbere mende, omanggiat kagat latluk dogowak o,” (Kej. 2:24)
yiluk, yisikemo kolal mbalogo ʼbisuka o. 32Wene yisike eti akla limago wene nggok mende omanggi werek. Wene eti an nakla nen, at Kristus nit Allah aʼburi ninom pano dambulik dogusak mende pasik yisike ambigi. 33Mende, kit kinebe pasik inomat yisike. Kit ap, kinenggaerek kinebe kinaʼbuwarogo dogoligogi kak, kinagugi dombok inaʼbuwarogo welagik, kit kumi kinagoni dombok inalon palkik, kagako dogono o.
Zur Zeit ausgewählt:
Efesus 5: DNA
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Efesus 5
5
“Kinebe Allah aʼburi o liya paga dogolik, kagako dogono o,” yiluk yogisasike wene
1Kinebe Allah aʼburi at kinaʼbuwa mende werek eti paga, at obabut waganino o. 2Akoni nen yi mende ndi mende Allah ake ʼbiluk, ebe warogo kindu kungonem, Allah akla panorogo obasi pano mende liyako laguka eti kak, at Kristus nit ninebe ninaʼbuwa kasikesik nen,
“It pasik an nebe nasuwak o,” yiluk ambasike paga ebe wakuka eti paga, Allah akla pano agike eti kak, nit-nit naʼbuwa-kaʼbuwarogo kagako doguwok o. 3Kinebe Allah aʼburi dogolik kinobabut kagako dogusak mendeat kagako dogusak. Eti paga, ap-kumi inil arurlu pak-pak yigik, inenggarli degat weyak kagakik,
“Yi mende ndi mende an arlek woknetlep,” yiluk inakla nen ambigik, kagarigogi eti mende, akoni amberek nen,
“It amberek esigit diluk weyak kagarigogi,” yiluk kinabok weyak wikakogo asunogo yiluk, weyak omanggi kagakup o. 4Ap-kumi inil arurlu pak-pak yiligogi mende abok yigik, wene inendainggen dek yiligogi mende yigik, inenggarlimo mende abok aik dagok yigik, yusak dek mende eti yigidegat dogolik, Allah arligat keyagi wako dogono o. 5It akoni inil arurlu paʼbiyiligogi mende inom, inenggarli dek weyak kagarigogi mende inom, inendainggen ngganengge oba panggot diluk dogolik kagarigogi kagat,
“Yi mende ndi mende an mende arlek dogolep a,” yiluk inakla nen ambalok kagarigogi mende inom, kagarigogi kalok, Kristus Allah imbisak inapma ʼbiyasinem dogoligogoma etoma indewerek asugun mondok dek o, yiluk, panorogo kinakla ambano.
6It akoni Allah wene motogo waganuʼbuk mende nen, wene yigi esigit diluk kagarigogima, Allah akla agaga dagiluk weyagarinabigin eti paga, it amberek nen inane we yugunat yisi dogolik,
“Weyak mende esigit diluk kagasumo panoat,” yiluk, nuket dinagunogo. 7Eti paga, kit it kinom dambukogo eti mende kagako dogusak dek o. 8Kit alebagik, o amummo welagagip mende, yogondak ninewe Endaganggok kinom kun diluk, o liya paga werek eti paga, kinobabut o liya paga dogolik kagako dogusak mendeat motogo kagako dogono o. 9O erlo pano mende nen enggen pano mendeat yirigogo kak, akoni o liya paga dogolik yi mende ndi mende panorogo motogonat inendainggen oba nen eberogonat kagarigogi o. 10Kinakla nen,
“Ninobabut ninggit diluk kagako dogogun oba ninewe Endaganggok akla nen pano yigin,” yiluk, kinakla didiluk, kinobabut eti mendeat yanggulino o. 11It o amummo dogolik, panorinabigin dek mende weyak kagarigogi mende eti kinom dambukogo kagako dogusak dek. At te, esigit diluk kagakonem ʼbukalogo mberisasi dogono. 12It akoni amberek limago kagarigogi mende eti inabok yisi dogu inenggarli asusak eti paga, inabok yisi dogusak dek o. 13Yi mende ndi mende ʼbukalogo o liya paga ʼbisinem, enggagat arigogo o. 14Esigit diluk liya paga ʼbisinem enggagat atluk, liya arigogo eti paga, men yiligogi:
“Kat noge yiligogon eti kebe kiluk asin o. Nen, warek negen werek eti kiluk asin o. At Kristus nen liya kabigin o,”
yiluk yiligogi o. 15Eti paga, kinobabut kwalogo kagako dogono o! Akoni inendainggen abit mende nen kagarigogi kak kagakidek, inendainggen nggagalek mende nen kagarigogi kak, kagako dogono o. 16Yogondak ya akoni inebe dogalekmangge inobabut weyak kagarigogi eti paga, kit kinobabut we yugunat wirlikogo kagako dogunogo yiluk, ebenggena pano asuwak nen yiluk kinobabut pano mende etiat kagako dogono o. 17Kinendainggen dambulik dogusak dek o. At ninewe Endaganggok akla warlok ambaligogo mende etiat erlo kweya ʼbiluk motogo kagako dogono o. 18Anggur enggen ambusu nggokogo nasinem eti nen kinebe kunu-gunu atluk weyagat kinabunogo nen, nasi dogogup o. At te, Allah Agurengge etiat kinakla nggerlekogo waganino o. 19Kit-kit wenenggak yisi dogolik, endai Mazmur mende oba wakik, endai Allah oba keyagi wakik, endai Allah wene mende endai wakik, warigogo mende etiat waganiluk yisi dogono o. Kinendainggen oba nen endai wakik, silon yigik, kagako dogolik, ninewe Endaganggok ebe pogorako dogono o. 20Kibitngge-yogongge yi mende ndi mende taʼbokogonat pasik, ninewe Endaganggok Yesus Kristus endaga mbalogo, ninombae Allah keyagi wako dogono o.
Kumi-ap waganek mende nen inobabut kagako dogusak wene
21Allah esigit diluk keyagi wako dogolik, Kristus alon palko dogolik, kit-kit omanggi nen omanggi apma dogolik inane kologo kagako dogono o. 22-23Nit Allah aʼburi ninebe Kristus ebe negen werekma, at nen ndil ninakikesik, ebe Ninewe Nggok werek kak, kumi ineugi, inaguniat eti paga, kit kumi ninewe Endaganggok apma dogolik ane kologo kagarigogi kagat, kinagoni dombok inapma dogolik, inane kologo kagako dogono o. 24Nen, nit Allah aʼburi Kristus apma dogolik ane kologo kagarigogi kak, kit kumi, yi mende ndi mende pasik taʼbokogonat kagasuwogoluk, kinagoni inapma dogolik inane kologo kagako dogono o. 25At Kristus nen nit Allah aʼburi ninebe ninaʼbuwa niyasikesik nen,
“It inake nasuwak,” yiluk ambasike paga ebe wakukama watlagike kak, kit ap nen, kinagugi esigit dilugat inaʼbuwarogo kagako dogono o. 26-27At Kristus nen esigit diluk kagakike eti, nit Allah aʼburi taʼbokogonat ninebe, ninoba ninoʼbam dek, ninowado kurarlo dek, pano dogu kak, at il oba wene ninoba dek, pano mondok nggaʼberek dogowagaluk, ninebe ima wusa ʼbinanggonem, at ane etnogo paga, sobalogo ʼbinaniluk, at enggaerek ake ʼbakagaluk ebe watlagike o. 28Eti kak, kit ap nen, kinenggaerek kinebe kinaʼbuwa werek eti kak, kinagugi dombok inebe,
“An nenggaerek nebe ndak-ndak at o,” yiluk, inaʼbuwarogo dogono o. Ap, inagugi inaʼbuwarogo werek mende eti inenggaerek inebeat inaʼbuwarogo werek o. 29-30Akoni amberek nen inenggaerek inebe inaʼit amberek werek nogo? Dek o. Ninenggaerek ninambiri pano mende ninggik, ninebe panorogo kagarigik, kagarigogi kak, at Kristus nen,
“Allah aʼburi an nenggaerek nebe mende ninggi niyok negen,” yiluk esigit diluk panorogo paknisek werek o. 31Eti pasik, Allah wene men yisike,
“Eti paga, ap nen agoya ombae togot diyalok, age inom dambulik dogolik nen, inebe mbere mende, omanggiat kagat latluk dogowak o,” (Kej. 2:24)
yiluk, yisikemo kolal mbalogo ʼbisuka o. 32Wene yisike eti akla limago wene nggok mende omanggi werek. Wene eti an nakla nen, at Kristus nit Allah aʼburi ninom pano dambulik dogusak mende pasik yisike ambigi. 33Mende, kit kinebe pasik inomat yisike. Kit ap, kinenggaerek kinebe kinaʼbuwarogo dogoligogi kak, kinagugi dombok inaʼbuwarogo welagik, kit kumi kinagoni dombok inalon palkik, kagako dogono o.
Zur Zeit ausgewählt:
:
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.