Efesus 3
3
Wene Allah akla limago welagike mende Paulus nen akoni sikmangge mende yogisawagaluk ayonggo ʼbisike wene
1Eti paga, na Paulus kit akoni sikmangge mende Kristus Yesus nen ndil kinabuwagaluk, at pasik ninggi kerle warogo ʼbanggama werek o. 2Akoni nen,
“Allah obabut pano etnogo nen, it akoni o Efesus mende pano asuwagaluk, at Paulus ayonggo ʼbisikemo pano wene yogisilik liligogo,” yiluk yisinem kinasuk arat kolkigip ambigi o. 3Wene at Allah akla limago welagike mende eti, an ʼbukakogo yanggul nikike, yiluk, kolal ʼberoat yanggul kisigi o. 4Kit nen wene eti endaga wenako dogolik,
“Wene Kristus pasik limago welagike mende eti, at Paulus ilu agasik werek o,” yiluk, enggagat didugun o. 5O paganeat, wene eti akoni amberek ʼbukakogo yogisigidekma, inonggodegat welagukama, yogondak Allah Agurengge nen, it ap Allah aʼburi Yesus nen inayonggo ʼbiluk laʼbiyasike mende yomenogo inom, Allah wene yogisiligogi mende yomenogo inom, ʼbukakogo yanggul isasikemo inilu aguka eti wene ebe yigit diluk. 6Pano wene eti paga, it akoni sikmangge mende inom, Yahudi mende inom, ndak-ndagat indewerek kagat lagik, Kristus ebe omanggiat mende ninom ndak-ndagat kunogo ʼbinanggik, kagakemo werek o. Wene paganeat Allah nen,
“Esigit diluk kagat kinabigin,” yiluk abok yoknisasike etnogo paga,
“Akoni sikmangge mende Kristus Yesus inom kunik werekma, pano wene eti paga ninom ndak-ndagat kagat ninabigin,” yiluk, ninilu aga o. 7An akoni inanduwanengge negen dogolik, wene eti sumburisasi dogowagaluk, Allah obabut pano nen obatnerogo kagat ninabigogo ndak-ndagat nayonggo ʼbisike o. 8Allah aʼburi mende taʼbokogonat inendaga werek kak werek nggorlegat, an nendaga dek, erlok dek mende, at Allah obabut pano nen, pano wene mbilelogo yusak erlok dek mende, Kristus nen wogisaligogo etnogo akoni sikmangge mende yogisilik noko dogowagaluk nayonggo ʼbiluk neyabu eti woknikikemo werek o. 9-10At Allah yi mende ndi mende taʼbokogonat winamet disike mende etnogo nen ambasi dogolik,
Ebe esigit diluk kagat lasigin, yiluk, wene akla limago welagike mende, akoni taʼbokogonat selekmaat yogisilik noko dogowagaluk nayonggo ʼbisike o. Nen, it ap malaikat mbogot obangge yonggo liligogi mende yomenogo ineugi nggokndek inane kologo dogoligogi mende inom, nit Allah aʼburi nen,
“At Allah yi mende ndi mende pasik akla mondok nggagalek,” yiluk yogisasinem yogondak ya inilu asuwagaluk, paganeat nen wene eti Allah akla limago mondok welagike. 11Erlo paga nen, at Allah nen yigit diluk kagat ninabigiluk akla ambasike mende eti, at ninewe Endaganggok Kristus Yesus nen kagasuwagaluk laʼbi wagikemo, ebe kagakike o. 12Nit ninendainggen at oba panggot diluk, at ninom kunik dogolik, ninayuk dekogo ninendainggen anggin dek Allah oba unggusak o. 13Eti paga, an yogondak ya kit kinake weyagat nabigogi eti paga kinakla mbuk agidek dogogun kalok, pogot kinabugun eti paga, kinasuk warogo yokisigi o.
At Paulus nen Allah ayonggo ʼbigik, ebe pogorakik, kagakike wene
14Eti paga, an ninombae elokoma nindibagal yunggulogo ayonggo ʼbiligogo o. 15It mbogot oba dogoligogi mende inom, nit agat oba yoma werek mende inom nen, ninombaelak dombok yogisasi dogolik,
“Nombae,” yiluk, yiligogi eti, ninombae erlo Allah mende oba lisogo yiligogi o. 16At Allah yi mende ndi mende ilumo mondok pakalok yiluk yu kak, pogorako mondok dogoligogi etnogo nen, Agurengge paga kinobatnerogo kinendainggen korlet kinabuwagaluk ayonggo ʼbiligogo o. 17Kinendainggen at Kristus oba panggot dumo, at ebe kinakla ago palogo werekma, yi mende ndi mende ai yakonem omanggen yakik, o andorli obatnerogo ʼbigik kagarigogi kak, kinobabut akoni amberek inebe inaʼbuwarogo dogoligogi eti mende paga kinomanggen yaʼbiluk aʼbetogo dogobagik nen yiluk, Allah ayonggo ʼbiligogoat o. 18-19Akoni nen o paluwogoluk, kurli uwanat mende eti paga, ʼberoat mende eti paga, wurowak liyabugun eti paga, kerlaga ʼbugun eti paga, yiluk walkiligogi mende, ninebe Kristus nen ninaʼbuwarogo werek eti mende,
“Kurli eti paga,” yiluk walkausak erlok dek. Ninaʼbuwa nggogat werek o. Walkausak erlok dek mende ogwe, Allah aʼburi taʼbokogonat kinom motogo didubagik nen yiluk, Allah nen kinendainggen korlet disinem, at ebe abit mondok ʼbogokogo kinakla nggerlekogo dogowagaluk ayonggo ʼbiligogoat o. 20-21At Allah at pogorako doguwok o. At ebe ninakla dogolik obatnerogo kagat ninabigogo eti mondok nggogat eti paga, nit nen ninakla ebekik, nggino yogokik, yiligogo mende ndak-ndakogo kagakidek, omanggi inom nggokogo kagat ninabigogo o. Nit Allah aʼburi nandorligogi mende taʼbokogonat Kristus Yesus ninom kunik dogolik inebe amberek yabunggane mende ngget endak larik lago nggorlek, Allah eberogonat pogorako mondok doguwok nen, yiluk,
“Amin,” yigi o.
Zur Zeit ausgewählt:
Efesus 3: DNA
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Efesus 3
3
Wene Allah akla limago welagike mende Paulus nen akoni sikmangge mende yogisawagaluk ayonggo ʼbisike wene
1Eti paga, na Paulus kit akoni sikmangge mende Kristus Yesus nen ndil kinabuwagaluk, at pasik ninggi kerle warogo ʼbanggama werek o. 2Akoni nen,
“Allah obabut pano etnogo nen, it akoni o Efesus mende pano asuwagaluk, at Paulus ayonggo ʼbisikemo pano wene yogisilik liligogo,” yiluk yisinem kinasuk arat kolkigip ambigi o. 3Wene at Allah akla limago welagike mende eti, an ʼbukakogo yanggul nikike, yiluk, kolal ʼberoat yanggul kisigi o. 4Kit nen wene eti endaga wenako dogolik,
“Wene Kristus pasik limago welagike mende eti, at Paulus ilu agasik werek o,” yiluk, enggagat didugun o. 5O paganeat, wene eti akoni amberek ʼbukakogo yogisigidekma, inonggodegat welagukama, yogondak Allah Agurengge nen, it ap Allah aʼburi Yesus nen inayonggo ʼbiluk laʼbiyasike mende yomenogo inom, Allah wene yogisiligogi mende yomenogo inom, ʼbukakogo yanggul isasikemo inilu aguka eti wene ebe yigit diluk. 6Pano wene eti paga, it akoni sikmangge mende inom, Yahudi mende inom, ndak-ndagat indewerek kagat lagik, Kristus ebe omanggiat mende ninom ndak-ndagat kunogo ʼbinanggik, kagakemo werek o. Wene paganeat Allah nen,
“Esigit diluk kagat kinabigin,” yiluk abok yoknisasike etnogo paga,
“Akoni sikmangge mende Kristus Yesus inom kunik werekma, pano wene eti paga ninom ndak-ndagat kagat ninabigin,” yiluk, ninilu aga o. 7An akoni inanduwanengge negen dogolik, wene eti sumburisasi dogowagaluk, Allah obabut pano nen obatnerogo kagat ninabigogo ndak-ndagat nayonggo ʼbisike o. 8Allah aʼburi mende taʼbokogonat inendaga werek kak werek nggorlegat, an nendaga dek, erlok dek mende, at Allah obabut pano nen, pano wene mbilelogo yusak erlok dek mende, Kristus nen wogisaligogo etnogo akoni sikmangge mende yogisilik noko dogowagaluk nayonggo ʼbiluk neyabu eti woknikikemo werek o. 9-10At Allah yi mende ndi mende taʼbokogonat winamet disike mende etnogo nen ambasi dogolik,
Ebe esigit diluk kagat lasigin, yiluk, wene akla limago welagike mende, akoni taʼbokogonat selekmaat yogisilik noko dogowagaluk nayonggo ʼbisike o. Nen, it ap malaikat mbogot obangge yonggo liligogi mende yomenogo ineugi nggokndek inane kologo dogoligogi mende inom, nit Allah aʼburi nen,
“At Allah yi mende ndi mende pasik akla mondok nggagalek,” yiluk yogisasinem yogondak ya inilu asuwagaluk, paganeat nen wene eti Allah akla limago mondok welagike. 11Erlo paga nen, at Allah nen yigit diluk kagat ninabigiluk akla ambasike mende eti, at ninewe Endaganggok Kristus Yesus nen kagasuwagaluk laʼbi wagikemo, ebe kagakike o. 12Nit ninendainggen at oba panggot diluk, at ninom kunik dogolik, ninayuk dekogo ninendainggen anggin dek Allah oba unggusak o. 13Eti paga, an yogondak ya kit kinake weyagat nabigogi eti paga kinakla mbuk agidek dogogun kalok, pogot kinabugun eti paga, kinasuk warogo yokisigi o.
At Paulus nen Allah ayonggo ʼbigik, ebe pogorakik, kagakike wene
14Eti paga, an ninombae elokoma nindibagal yunggulogo ayonggo ʼbiligogo o. 15It mbogot oba dogoligogi mende inom, nit agat oba yoma werek mende inom nen, ninombaelak dombok yogisasi dogolik,
“Nombae,” yiluk, yiligogi eti, ninombae erlo Allah mende oba lisogo yiligogi o. 16At Allah yi mende ndi mende ilumo mondok pakalok yiluk yu kak, pogorako mondok dogoligogi etnogo nen, Agurengge paga kinobatnerogo kinendainggen korlet kinabuwagaluk ayonggo ʼbiligogo o. 17Kinendainggen at Kristus oba panggot dumo, at ebe kinakla ago palogo werekma, yi mende ndi mende ai yakonem omanggen yakik, o andorli obatnerogo ʼbigik kagarigogi kak, kinobabut akoni amberek inebe inaʼbuwarogo dogoligogi eti mende paga kinomanggen yaʼbiluk aʼbetogo dogobagik nen yiluk, Allah ayonggo ʼbiligogoat o. 18-19Akoni nen o paluwogoluk, kurli uwanat mende eti paga, ʼberoat mende eti paga, wurowak liyabugun eti paga, kerlaga ʼbugun eti paga, yiluk walkiligogi mende, ninebe Kristus nen ninaʼbuwarogo werek eti mende,
“Kurli eti paga,” yiluk walkausak erlok dek. Ninaʼbuwa nggogat werek o. Walkausak erlok dek mende ogwe, Allah aʼburi taʼbokogonat kinom motogo didubagik nen yiluk, Allah nen kinendainggen korlet disinem, at ebe abit mondok ʼbogokogo kinakla nggerlekogo dogowagaluk ayonggo ʼbiligogoat o. 20-21At Allah at pogorako doguwok o. At ebe ninakla dogolik obatnerogo kagat ninabigogo eti mondok nggogat eti paga, nit nen ninakla ebekik, nggino yogokik, yiligogo mende ndak-ndakogo kagakidek, omanggi inom nggokogo kagat ninabigogo o. Nit Allah aʼburi nandorligogi mende taʼbokogonat Kristus Yesus ninom kunik dogolik inebe amberek yabunggane mende ngget endak larik lago nggorlek, Allah eberogonat pogorako mondok doguwok nen, yiluk,
“Amin,” yigi o.
Zur Zeit ausgewählt:
:
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.