2Petrus 3
3
“Yesus wisigin, yiluk abok yoknisasuka etnogo, eberogonat wisigin,” yiluk yogisasike wene
1Nagarlagi nirugi o. Kinebe kinaʼbuwa o. Surat alep omanggi mbalogo kinoba laʼbi wagagi eti inom, yabunggane laʼbi wagi eti inom, kit wene ebe kinilu mende, kinakla motogo ebesubagik nen yiluk laʼbi wago lagi o. 2Wene eti, it ap paganeat Allah nen inayonggo ʼbisikemo at ane yogisasi laguka mende nen yisukaat. Nen, ninewe Endaganggok ninebe ndil ninabigogo mende etnogo nen wene ninasuk wakike mende, nit ninayonggo ʼbiluk kinoba laʼbinani wagikemo yokisasuguat. 3Wene ebe yi ndak didusak. O ilugun kurli paga, akoni amberek inane aik dagok weyak mende inendainggen nen nasinem inakla nen nggagalogo weyak kagako dogolik, kinoba witluk, inane aik dagok yokisasi dogolik,
4“Kinewe Endaganggok nen,
An yabunggane wisigin, yiluk abok yokisasike etnogo ebe nggi waga. Wagidek werek nggorlek ninombaelak arat watlaguka mende, yi mende ndi mende Allah nen ebe-alep walkasikemo welagike kagat, ikok mondok werek yi,” yiluk inane aik dagok yokisa wisugun o. 5Esigit diluk yisi dogolik, wene yi obarlikmat diligogi. Ebe-alep Allah wene pagaat mbogot walkasikesik nen, agat inom, i inom dambukogo werekma, i ombongge wemangge laʼbisike eti paga agat walkasike, yiluk wene eti inilu dogoligat, inonggodek-inonggodek yiligogi o. 6Esigit diluk walkasikesik nen, yabunggane nen i saluk-palukogo kagat lasuwagaluk yisikemo, agat eti i eti pagaat weyagat disike o. 7Mende, mbogot eti inom, agat eti inom, yabunggane kindu paga weyagat digiluk, Allah wene eti pagaat elalma ake pago dogoluk nen, akoni Allah ebe inaʼit dogolik inobabut weyak kagarigogi mende eti, wene inoba ʼbiluk weyagarinakik, mbogot agat weyagat digik, omanggi pasigat kagasigiluk eramenat inggi pago werek o.
8Mende, nagarlagi nirugi o. Kinebe kinaʼbuwa o. Wene omanggiat yi obarlikma agup. Ninewe Endaganggok akla ambasi dogolik, nininggi omanggiat werek eti, 1.000 tahun negen ambaligogo. Nen, 1.000 tahun eti, nininggi omanggiat werek eti negenat ambaligogo. Imbisak ndak-ndagat ambaligogo o. 9It akoni amberek nen,
“Ninewe Endaganggok nen abok yoknisasike wene etnogo, ebe ibat wagidek erambigat werek,” yiluk ambiligogi eti, erambigat werek ʼbuk. Kit kinebe kinaʼbuwa nen, at akla nen,
“It amberek nuk asunogo,” yiluk akoni taʼbokogonat inobabut weyak kagarigogi mende togot diyalok inobabut kwalasuwagaluk, eramenat akla ambalok erambigat werek o. 10Esigit diluk werek mende, akoni akerak werek nggorlek, yi mende ndi mende inil arurlu wagani unggiligogi eti kak, ninewe Endaganggok wisigin eti, esigit dilugat wisigin o. Etinem, mbogot ebe omanggi pasigat kwiyakne ane negen yilik-yilik dek agik, yi mende ndi mende mbogot oba dogoligogo mende erlo inomat kali ninggik, agat ebe inom, yi mende ndi mende agat oba dogoligogo mende inom, taʼbokogonat dek agik, kagasigin o. 11-12Yi mende ndi mende taʼbokogonat esigit diluk dek asigin eti paga, kit kinobabut ninggit diluk kagako dogusak ambegep. Allah nen kagasigin etinem mbogot kali ʼbumo, amulok nen taʼbokogonat ninggik, yi mende ndi mende erlo inom taʼbokogo ninggik, kagasigin eti paga, weyak kagakidek kinobabut nggaʼberekogo dogolik, kinebe Allah ake ʼbiyalok, at ebe anggorlem dogolik, ebe ibat wisuwagaluk kinobatnerogo kagako dogono. 13Esigit diluk kagako dogolik, ninakla nen,
“Allah nen abok yoknisasi dogolik,
Mbogot ngget mende kagakik, agat ngget mende kagakik, kagasiginmo etoma unggiluk motogonat kagako dogogun,” yiluk, abok yoknisasike etnogo anggorlem werek o.
14Nagarlagi nirugi o. Kinebe kinaʼbuwa o. Esigit diluk wisigin yiluk, anggorlem dogolik, wene kinoba ʼbakigidegat, weyak agidegat, Allah kinom pano werekma at ebe ʼbikiya wisuwak nen, at ake kinobatnerogo kagako dogono. 15Esigit diluk kagako dogolik, kinakla nen,
“Ninewe Endaganggok endainggen sebekogo dogolik, ibat wagidek awan werek eti, ndil ninabigiluk eramenat awan ninanggorlem werek,” yiluk kinakla ambano o. At ninewe Paulus ebe ninendainggen kunik mende etnogo Allah nen akla nggagal kikemo wene esigit diluk yiluk kolal mbalogo kinoba laʼbi wagike o. 16At nen wene surat mbalogo kibitngge-yogongge kinoba laʼbi wago dogolik, wene eti mende ake yisiat werek o. Mende, wene at nen kolal mbalogo kinoba laʼbi wirigogo mende eti wene amberek didusak erlok dek negen werek o. Werekma, it amberek inendainggen mbere aborlok werek mende nen, wene eti inonggodek dogolik, wene Allah nen yisikemo Paulus nen kolal mbaligogo mende eti inom, it amberek nen kolal mbalkuka mende eti inom, wene mot werek mende, mirlokogo yogisaligogi o. Wene mirlokogo nggorlo yisi dogolik, inenggaerek nenat inebe weyagat dakiligogi o.
17Nagarlagi nirugi o. Kinebe kinaʼbuwa o. Wene eti awan kagat lagidek werek nggorlek, kinilurogo dogobagik nen yiluk dikogo yokisigi eti. Kinilu dogolik, kinenggaerek kinendainggen korlerogonat dogono. It akoni amberek inasuk warek dek kagarigogi mende eti nen, wene nggorlo wene yokisasi dogolik, kit nen,
“Eberogonat,” yiluk kinakla ambalok kinendainggen korle welagap mende eti, nggolelogo togot diyalok kinebe nuk asunogo yiluk, kinobabut kwalogo dogono o! 18Ninewe Endaganggok ndil ninabigogo mende obabut pano etnogo nen woknisaligogo mende eti waganggik, ebe kinilu agik, kagako dogolik, kinendainggen korle atluk dogono o. Yogondak ya inom, yabunggane inom, at Yesus Kristus arligat pogorako mondok doguwok o, yiluk,
“Amin,” yigi o.
Zur Zeit ausgewählt:
2Petrus 3: DNA
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
2Petrus 3
3
“Yesus wisigin, yiluk abok yoknisasuka etnogo, eberogonat wisigin,” yiluk yogisasike wene
1Nagarlagi nirugi o. Kinebe kinaʼbuwa o. Surat alep omanggi mbalogo kinoba laʼbi wagagi eti inom, yabunggane laʼbi wagi eti inom, kit wene ebe kinilu mende, kinakla motogo ebesubagik nen yiluk laʼbi wago lagi o. 2Wene eti, it ap paganeat Allah nen inayonggo ʼbisikemo at ane yogisasi laguka mende nen yisukaat. Nen, ninewe Endaganggok ninebe ndil ninabigogo mende etnogo nen wene ninasuk wakike mende, nit ninayonggo ʼbiluk kinoba laʼbinani wagikemo yokisasuguat. 3Wene ebe yi ndak didusak. O ilugun kurli paga, akoni amberek inane aik dagok weyak mende inendainggen nen nasinem inakla nen nggagalogo weyak kagako dogolik, kinoba witluk, inane aik dagok yokisasi dogolik,
4“Kinewe Endaganggok nen,
An yabunggane wisigin, yiluk abok yokisasike etnogo ebe nggi waga. Wagidek werek nggorlek ninombaelak arat watlaguka mende, yi mende ndi mende Allah nen ebe-alep walkasikemo welagike kagat, ikok mondok werek yi,” yiluk inane aik dagok yokisa wisugun o. 5Esigit diluk yisi dogolik, wene yi obarlikmat diligogi. Ebe-alep Allah wene pagaat mbogot walkasikesik nen, agat inom, i inom dambukogo werekma, i ombongge wemangge laʼbisike eti paga agat walkasike, yiluk wene eti inilu dogoligat, inonggodek-inonggodek yiligogi o. 6Esigit diluk walkasikesik nen, yabunggane nen i saluk-palukogo kagat lasuwagaluk yisikemo, agat eti i eti pagaat weyagat disike o. 7Mende, mbogot eti inom, agat eti inom, yabunggane kindu paga weyagat digiluk, Allah wene eti pagaat elalma ake pago dogoluk nen, akoni Allah ebe inaʼit dogolik inobabut weyak kagarigogi mende eti, wene inoba ʼbiluk weyagarinakik, mbogot agat weyagat digik, omanggi pasigat kagasigiluk eramenat inggi pago werek o.
8Mende, nagarlagi nirugi o. Kinebe kinaʼbuwa o. Wene omanggiat yi obarlikma agup. Ninewe Endaganggok akla ambasi dogolik, nininggi omanggiat werek eti, 1.000 tahun negen ambaligogo. Nen, 1.000 tahun eti, nininggi omanggiat werek eti negenat ambaligogo. Imbisak ndak-ndagat ambaligogo o. 9It akoni amberek nen,
“Ninewe Endaganggok nen abok yoknisasike wene etnogo, ebe ibat wagidek erambigat werek,” yiluk ambiligogi eti, erambigat werek ʼbuk. Kit kinebe kinaʼbuwa nen, at akla nen,
“It amberek nuk asunogo,” yiluk akoni taʼbokogonat inobabut weyak kagarigogi mende togot diyalok inobabut kwalasuwagaluk, eramenat akla ambalok erambigat werek o. 10Esigit diluk werek mende, akoni akerak werek nggorlek, yi mende ndi mende inil arurlu wagani unggiligogi eti kak, ninewe Endaganggok wisigin eti, esigit dilugat wisigin o. Etinem, mbogot ebe omanggi pasigat kwiyakne ane negen yilik-yilik dek agik, yi mende ndi mende mbogot oba dogoligogo mende erlo inomat kali ninggik, agat ebe inom, yi mende ndi mende agat oba dogoligogo mende inom, taʼbokogonat dek agik, kagasigin o. 11-12Yi mende ndi mende taʼbokogonat esigit diluk dek asigin eti paga, kit kinobabut ninggit diluk kagako dogusak ambegep. Allah nen kagasigin etinem mbogot kali ʼbumo, amulok nen taʼbokogonat ninggik, yi mende ndi mende erlo inom taʼbokogo ninggik, kagasigin eti paga, weyak kagakidek kinobabut nggaʼberekogo dogolik, kinebe Allah ake ʼbiyalok, at ebe anggorlem dogolik, ebe ibat wisuwagaluk kinobatnerogo kagako dogono. 13Esigit diluk kagako dogolik, ninakla nen,
“Allah nen abok yoknisasi dogolik,
Mbogot ngget mende kagakik, agat ngget mende kagakik, kagasiginmo etoma unggiluk motogonat kagako dogogun,” yiluk, abok yoknisasike etnogo anggorlem werek o.
14Nagarlagi nirugi o. Kinebe kinaʼbuwa o. Esigit diluk wisigin yiluk, anggorlem dogolik, wene kinoba ʼbakigidegat, weyak agidegat, Allah kinom pano werekma at ebe ʼbikiya wisuwak nen, at ake kinobatnerogo kagako dogono. 15Esigit diluk kagako dogolik, kinakla nen,
“Ninewe Endaganggok endainggen sebekogo dogolik, ibat wagidek awan werek eti, ndil ninabigiluk eramenat awan ninanggorlem werek,” yiluk kinakla ambano o. At ninewe Paulus ebe ninendainggen kunik mende etnogo Allah nen akla nggagal kikemo wene esigit diluk yiluk kolal mbalogo kinoba laʼbi wagike o. 16At nen wene surat mbalogo kibitngge-yogongge kinoba laʼbi wago dogolik, wene eti mende ake yisiat werek o. Mende, wene at nen kolal mbalogo kinoba laʼbi wirigogo mende eti wene amberek didusak erlok dek negen werek o. Werekma, it amberek inendainggen mbere aborlok werek mende nen, wene eti inonggodek dogolik, wene Allah nen yisikemo Paulus nen kolal mbaligogo mende eti inom, it amberek nen kolal mbalkuka mende eti inom, wene mot werek mende, mirlokogo yogisaligogi o. Wene mirlokogo nggorlo yisi dogolik, inenggaerek nenat inebe weyagat dakiligogi o.
17Nagarlagi nirugi o. Kinebe kinaʼbuwa o. Wene eti awan kagat lagidek werek nggorlek, kinilurogo dogobagik nen yiluk dikogo yokisigi eti. Kinilu dogolik, kinenggaerek kinendainggen korlerogonat dogono. It akoni amberek inasuk warek dek kagarigogi mende eti nen, wene nggorlo wene yokisasi dogolik, kit nen,
“Eberogonat,” yiluk kinakla ambalok kinendainggen korle welagap mende eti, nggolelogo togot diyalok kinebe nuk asunogo yiluk, kinobabut kwalogo dogono o! 18Ninewe Endaganggok ndil ninabigogo mende obabut pano etnogo nen woknisaligogo mende eti waganggik, ebe kinilu agik, kagako dogolik, kinendainggen korle atluk dogono o. Yogondak ya inom, yabunggane inom, at Yesus Kristus arligat pogorako mondok doguwok o, yiluk,
“Amin,” yigi o.
Zur Zeit ausgewählt:
:
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.