2Korintus 3
3
“At Allah nen wene ngget wene nit watnisasikemo, at ake kagarigogi,” yogisasike wene
1Esigit diluk yigi eti, nit ninenggaerek nen yabunggane ninanggengge ʼbakasi lago nogo? Mondok dek o. At te, it akoni amberek nen kagarigogi eti kak, nit wokninabuwagaluk surat kit wokisigik, it amberek nen wokninabuwagaluk surat kit nen wogisigik, kagako lago nogo? Dek o. 2Nit wokninabuwagaluk, kit kinebeat kolal kak mbalek nit ninendainggenma werekma, akoni taʼbokogonat nen endaga wenakik, didinanggik, kagasusak werek o. 3Kit kinebe, wene Kristus nen kolal mbalogo ʼbisikemo nit nen laʼbisugu mende kak werek o. Kolal eti, disu ambusu paga mbalkidek, Allah iluk mondok dogoligogo mende etnogo Agurengge paga mbalkike o. Nen, nggit sabak oba waganggidegat. Akoni inendainggen obaat mbalkike o.
4At Kristus nen nit ninendainggen wene munini uwan ʼbero ebekidek, Allah oba panggot diluk dogowagaluk kagat ninakike eti paga wene esigit diluk yigi o. 5Nit ninenggaerek ninobatne paga yi mende ndi mende kagasusak erlok, yiluk, ninakla ambaligogi dek o. At Allah nenat ninobatnet ninakikemo kagasusak erlogat werek o. 6Allah nen wene ngget wene nit watnisasike eti, nit nen wolok lowagaluk, at nenat ninobatnet ninakikemo erlogat wolok lausak werek o. Wene alep inasuk wakikemo kolal mbalogo ʼbisuka mende ndak-ndagat kagakidek kalok, eti paga inebe inarigogo. Mende, Allah Agurengge nen inilugut inabigogo eti paga nit wene alep kolal mbalek mende wolok lagidek, at Agurengge nen yoknisiligogo mende wolok liligogi o.
7-8Allah nen wene nggit oba kolal mbalkike eti togot diligogi eti paga wene ninoba ʼbakalok ninebe watlarigogi o. Mende, alep wene eti wogisasinem, pogorakuka. Nggit eti at Musa nen wolok wusa wagonem, at elokonggen aʼbigil weyak mende dek ago nggorlegat, it akoni Israel mende inilenggen lakau kikip agike. Wene kolal mbalek eti wogisasinem, pogorakuka eti kak, at Allah Agurengge woknisasinem, nggogat pogorasusak o. 9Wene kolal mbalek eti ndak-ndagat kagakidek oba nen wene ninoba ʼbakasugu o. Mende, wene eti yogisasinem pogorakuka mende, eti ʼbugurlagat o. At Yesus nen wene ninoba mende nggorogo ʼbiluk nen Allah oba suguluk kunogo ʼbinanggike eti paga wene woknisasike eti akeat, ebeluk mondok nggogat pogorasusak o. 10Wene yabunggane mende mondok nggogat pogorasusak eti paga, alep mende pogorakuka eti kak, yabunggane pogorasusak dek aga o. 11Wene alep mende eti dek asigin werek nggorlek, pogorako kalok, mondok dogogin mende eti ebeluk mondok nggogat pogorasusak o.
12Yabunggane esigit dilugat pano asigin yiluk, ninakla arlenggen kasi dogolik, wene etnogo ninayuk mondok degat yogisaligogi o. 13Nit at Musa elokonggen aʼbigil weyak etnogo mondok dek asigiluk dek ago nggorlegat; it akoni Israel mende inom inilenggen niyaunogo yiluk, elokonggen su paga labekike eti kak, nit esigit diluk kagasusak dek o. (Kel. 34:33) 14Mende, it eti inendainggen dambul disikemo welaguka. Yogondak Allah nen,
“Esigit diluk kagarinabigin,” yiluk wene inom wakuka mende kolal mbalek mende eti, it nen endaga wenakonem, inendainggen nggagalasusak dek dambul lagikesik amukak laberek werek. Esigit diluk laberek mende eti, at Kristus inom kunggonem, inendainggen amukak laberek mende eti erlok ʼbunggalarigogo. 15Yogondak nen wene at Musa nen kolal mbalkike mende eti, it nen endaga wenakonem, inendainggen nggagalasusak dek dambulik werek. 16Esigit diluk mende, akoni it mende amberek inobabut kwalogo inendainggen ninewe Endaganggok oba panggot disinem, inendainggen amukak laberek mende eti ʼbunggalarigogo. (Kel. 34:34)
17“Ninewe Endaganggok,” yiluk yigi eti, Allah Agurengge pasigat o. Akoni ninewe Endaganggok Agurengge inakla werekma, kerle piyalek inasokne dogoligogi o. 18Inilenggen wukagi paga it akoni amberek inebe enggagat lagiyaligogi eti kak, nit taʼbokogonat ninelokonggen amukak laberek dekma, akoni nen ninewe Endaganggok pogorarigogi mende eti amukak negen inilenggen lakniyiligogi o. Nit ninebe at ninewe kak asuwagaluk, alep-yabungga kagat ninako mondok werekma, pogot ninabusak arigogo. At Allah Agurengge eti ebe Endaganggogatma, at nenat kagat ninabigogo.
Zur Zeit ausgewählt:
2Korintus 3: DNA
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
2Korintus 3
3
“At Allah nen wene ngget wene nit watnisasikemo, at ake kagarigogi,” yogisasike wene
1Esigit diluk yigi eti, nit ninenggaerek nen yabunggane ninanggengge ʼbakasi lago nogo? Mondok dek o. At te, it akoni amberek nen kagarigogi eti kak, nit wokninabuwagaluk surat kit wokisigik, it amberek nen wokninabuwagaluk surat kit nen wogisigik, kagako lago nogo? Dek o. 2Nit wokninabuwagaluk, kit kinebeat kolal kak mbalek nit ninendainggenma werekma, akoni taʼbokogonat nen endaga wenakik, didinanggik, kagasusak werek o. 3Kit kinebe, wene Kristus nen kolal mbalogo ʼbisikemo nit nen laʼbisugu mende kak werek o. Kolal eti, disu ambusu paga mbalkidek, Allah iluk mondok dogoligogo mende etnogo Agurengge paga mbalkike o. Nen, nggit sabak oba waganggidegat. Akoni inendainggen obaat mbalkike o.
4At Kristus nen nit ninendainggen wene munini uwan ʼbero ebekidek, Allah oba panggot diluk dogowagaluk kagat ninakike eti paga wene esigit diluk yigi o. 5Nit ninenggaerek ninobatne paga yi mende ndi mende kagasusak erlok, yiluk, ninakla ambaligogi dek o. At Allah nenat ninobatnet ninakikemo kagasusak erlogat werek o. 6Allah nen wene ngget wene nit watnisasike eti, nit nen wolok lowagaluk, at nenat ninobatnet ninakikemo erlogat wolok lausak werek o. Wene alep inasuk wakikemo kolal mbalogo ʼbisuka mende ndak-ndagat kagakidek kalok, eti paga inebe inarigogo. Mende, Allah Agurengge nen inilugut inabigogo eti paga nit wene alep kolal mbalek mende wolok lagidek, at Agurengge nen yoknisiligogo mende wolok liligogi o.
7-8Allah nen wene nggit oba kolal mbalkike eti togot diligogi eti paga wene ninoba ʼbakalok ninebe watlarigogi o. Mende, alep wene eti wogisasinem, pogorakuka. Nggit eti at Musa nen wolok wusa wagonem, at elokonggen aʼbigil weyak mende dek ago nggorlegat, it akoni Israel mende inilenggen lakau kikip agike. Wene kolal mbalek eti wogisasinem, pogorakuka eti kak, at Allah Agurengge woknisasinem, nggogat pogorasusak o. 9Wene kolal mbalek eti ndak-ndagat kagakidek oba nen wene ninoba ʼbakasugu o. Mende, wene eti yogisasinem pogorakuka mende, eti ʼbugurlagat o. At Yesus nen wene ninoba mende nggorogo ʼbiluk nen Allah oba suguluk kunogo ʼbinanggike eti paga wene woknisasike eti akeat, ebeluk mondok nggogat pogorasusak o. 10Wene yabunggane mende mondok nggogat pogorasusak eti paga, alep mende pogorakuka eti kak, yabunggane pogorasusak dek aga o. 11Wene alep mende eti dek asigin werek nggorlek, pogorako kalok, mondok dogogin mende eti ebeluk mondok nggogat pogorasusak o.
12Yabunggane esigit dilugat pano asigin yiluk, ninakla arlenggen kasi dogolik, wene etnogo ninayuk mondok degat yogisaligogi o. 13Nit at Musa elokonggen aʼbigil weyak etnogo mondok dek asigiluk dek ago nggorlegat; it akoni Israel mende inom inilenggen niyaunogo yiluk, elokonggen su paga labekike eti kak, nit esigit diluk kagasusak dek o. (Kel. 34:33) 14Mende, it eti inendainggen dambul disikemo welaguka. Yogondak Allah nen,
“Esigit diluk kagarinabigin,” yiluk wene inom wakuka mende kolal mbalek mende eti, it nen endaga wenakonem, inendainggen nggagalasusak dek dambul lagikesik amukak laberek werek. Esigit diluk laberek mende eti, at Kristus inom kunggonem, inendainggen amukak laberek mende eti erlok ʼbunggalarigogo. 15Yogondak nen wene at Musa nen kolal mbalkike mende eti, it nen endaga wenakonem, inendainggen nggagalasusak dek dambulik werek. 16Esigit diluk mende, akoni it mende amberek inobabut kwalogo inendainggen ninewe Endaganggok oba panggot disinem, inendainggen amukak laberek mende eti ʼbunggalarigogo. (Kel. 34:34)
17“Ninewe Endaganggok,” yiluk yigi eti, Allah Agurengge pasigat o. Akoni ninewe Endaganggok Agurengge inakla werekma, kerle piyalek inasokne dogoligogi o. 18Inilenggen wukagi paga it akoni amberek inebe enggagat lagiyaligogi eti kak, nit taʼbokogonat ninelokonggen amukak laberek dekma, akoni nen ninewe Endaganggok pogorarigogi mende eti amukak negen inilenggen lakniyiligogi o. Nit ninebe at ninewe kak asuwagaluk, alep-yabungga kagat ninako mondok werekma, pogot ninabusak arigogo. At Allah Agurengge eti ebe Endaganggogatma, at nenat kagat ninabigogo.
Zur Zeit ausgewählt:
:
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.