मत्ती 28
28
येसु सिउनी सैंसिद ओसोव
(मर्कूस १६:१-८; लूका २४:१-१२; यूहन्ना २०:१-१०)
1ऩासिन्या छ्याम ओखेमोत सातालाव उस॰कताव छ्याम नम उसँनाक मरियम मग्दलिनी, ओनैं मरियमस खादर पोदा चिऊनाकिनी। 2हाःत ज़ तोबो बनै घ्योःव भोंचालो हुद परमेस्वरए ओचाकर्या स्वर्गतिन झरिहुद नो कसिउ लुँलाई पल्तैद नो लुँत च़ुसिके। 3नो चाकर्याए ओङाः बनै ज़ झिलिक झिलिको उलिज़्याव, ओक्वार ब पोम स्यासो तक तकौर यालिज़्याव। 4नो गुज़्याव पाल्यार नोलाई रँःद याछ्याचेए भुम भुम गूद धलिद सिउ स्यासो ज़ ताकेर।
5नो चाकर्याए नो मेंमानिलाई, “जिन ताछे·चिन, नो क्रुसत तङ्गैद यासैःव येसुलाई जिन्खिम्हुज़्याव ज़ ताखेहो। 6नो आल माले। ङ़ादाकिनकाव है ओदाचिज़्याव मिताव नो सैंसिद सोधुके। अछादी आव यानैव पो चिऊचिन्केदा, 7उसिसराए ल्योदा हतप्त ज़ बाद, ‘गेप्रभु सिउनी सैंसिद सोके। जेङ़ादा ज़ गालीलदा बाज़्या दी, होङ ज़ ओलस दैसिन्या जेले,’ है यारादोनाचिन्के,” है दाद फरी नोनिलाई, “आव भरी साचो ज़ है दाद ङानैचिने,” है उनिदोव प़ाइँना, 8नोनी बनै छे·द निरेंतए चह चह ताद खादर पुपनी पुलुस्द धोंःनाद उसिसरालाई है यारादोनाकिनी। 9निबाज़्याक येमक ज़ येसु उमँःजानी निङ़ाक च्याँःसिद, “जिनयुँ होलाँ जैचिन्के,” है उनिदोव प़ाइँना ज़, नोनी उखँ क्योःद धो दोकिनी। 10नकिन येसुए नोनिलाई, “ताछे·चिन, नो ङाभाइरालाई, ‘जे प़ाइँ गालीलदा बाचिके दी, प्रभुस होङ ज़ दैसिन्या जेले दी,’ है यारादोचिन,” है निदोक्यो।
पाल्यारालाई धुत पाँव यारापरींव
11नोनी येमत निबाज़्याव बेलाक, येसुए ओमोरोलाई गुज़्याव ख्वा पाल्यार सहरल बाद नो यारँःव भरी प़ाइँ ज़ मुख्या पुजारीरालाई है यारादोकेर। 12नो पुजारीराए पाल्याराए यापाँ थैद यहूदीराए यास़ेररास दुप्सिद सल्ला दाद नो पाल्यारालाई, कुधु पैसार याद, 13“आव जेपाँ सुलाई ज़ है तारादोच्यो। बुरू जे, ‘गे रील ङ़ल्द गेलिज़्याक उसिसर हुद गेमासैंद हाइद यालाँव ओल्यो,’ है लिच्यो।” 14फरी, “आव पाँर कैताराक हाकिमए ल्योक ओकेस्किन जे ताछे·च्यो, जेजूँनी पाँन्या गे ज़ गेलिज़्या,” है लिद यारापरींकेर। 15है जैद नो पाल्याराए नो पैसार रैद नो है यारादोव मिताव ज़ है यारादोनाकेर। है जैद नो पाँ हो छ्यामकिन ज़ यहूदीराए खार्ल प़ाइँदा ज़ फींजिके।
येसुए उसिसरालाई ओपाँ सथैव ओरापरींव
(मर्कूस १६:१४-१८; लूका २४:३६-४९; यूहन्ना २०:१९-२३; ओसाचीर १:६-८)
16नकिन एघार जना येसुए उसिसर गालील खन्दल बाद येसुए है ओरादोव दाँदात बाकेर। 17नङ येसुस यादैसिउ प़ाइँना ज़ उसिसर उखँत फुलुप्सिद धो दोकेर। तोबो ऩेब्लोए फरी, ‘आव ओल ज़ सैं माःक ओताव’ लिद जाँ यायुँ ओमाहुप्ज़्याव। 18नाःत ज़ येसुए, “नाम नमलाव हक भरी परमेस्वरए ङाकुइत ज़ याद नैनाव। 19है जैद जे बाद प़ाइँ जातलाव मिँरालाई ङासिसर जैद ङाबाबु परमेस्वरए उमिननी, ङा ओज़ाए ङामिननी, छैंव पुरूसए उमिननी सछैंद, 20ङा जेलाई किताव किताव ङापैचिउ, जे होरालाई मनी हितावनी ज़ यारापैच्यो। आव ब सैंच्यो, आव जुक ओमाखेमा पै ङा जेस ज़ ङातारिज़्या,” है यादोक्यो।
Zur Zeit ausgewählt:
मत्ती 28: NKham
Markierung
Teilen
Vergleichen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2015, Wycliffe Bible Translators, Inc. All rights reserved.
