หล่าว ย่าง 8
8
ตะเธี้ยด นอม เหยียน
1ปะกี ยู่ง ตอน แมะ ฆอย ตะเธี้ยด นอม เหยียน วั้ว หฒั่น, ทิน-ต้อง เซ้ก เหฑียะ เญย เล่ย ไม้ โก ด๊าม-นอม เฒี่ยง โห่.
2เยีย ฯฒฯ ปวัด โซ้ว เจี๊ยน ทิน-ฮู่ง เญย หฑะเฮมียน วั้ว เต๋ย เสี่ย เต้า ฟิน-เมี่ยน. นิ่น บัว หย่า ตุ๊ ฒิบ เสี่ย นอม หฑัด.
3แอ๋ง กั้น ม่าย เต้า ฟิน-เมี่ยน โป้ว เจี๊ยน เจียม-ฮูง-โล่ว ต้าย โซ้ว เจี๊ยน ปั๊ว ฮูง เตี้ย.#อาโม้ด 9:1 นิ่น หย่า ตุ๊ ฒิบ ฮูง ธั้ม เญย เหว่ย หฒอบ เจี๊ยน ทิน-ฮู่ง เญย หฒวัง เมี่ยน เต๋า เก๋า เญย หว่า ฯฒฯ เยียม ฮู่ง เหว่ย หฑะเฮมียน วั้ว นอม ปั๊ว ฮูง เญย เจียม-เตี้ย ปั๊ว.#ธ้วด อียิบ 30:1,3 4ฮูง-เสียว เหธา ทิน-ฮู่ง เญย เมี่ยน เต๋า เก๋า เญย หว่า ฯฒฯ เยียม ฟิน-เมี่ยน เญย ปั์ว ฝาว เถา ทิน-ฮู่ง เญย หฑะเฮมียน. 5น้าย เต้า ฟิน-เมี่ยน แอ๋ง ต้อ ฮูง-โล่ว มี่ง เฒาะ เหฒี่ย-ต้อง เญย โต์ว ตั๊บ ปวั๊ง ฯฒฯ ฒอย เหฌี่ย ป้าม เกน.#เลวี 16:12; เอเสเคน 10:2 เลี่ยม เฒ่ย ป์อง บะอง แพ์งๆ เญย, ม่าย เหฒีย หญู่ง เฉีย บุย, ป์อง บะหลี่ง หฌับๆ เญย, เดา หย่า ต์ง.#ธ้วด อียิบ 19:16; หล่าว ย่าง 11:19; 16:18
ฟิน-เมี่ยน ปย๊ม หฑัด
6วั้ว เต๋ย เสี่ย เต้า ฟิน-เมี่ยน นั้น เจี๊ยน วั้ว เต๋ย เสี่ย นอม หฑัด เบ่น เหฒียง ปย๊ม. 7ตะเยี้ยด เต้า ฟิน-เมี่ยน เยี้ยด ปย๊ม หฑัด, ม่าย เปาะ เหธา โต์ว หฒอบ เจี๊ยน ฑย้าม หฒุ ฒอย เหฌี่ย ป้าม เกน. เดา-เป้ย เหธา เดี๋ยง ปัว โก๊ว เญย เหยียด โก๊ว ปั๊ว ชุย เหฑ่ง. ติ้วๆ เมี้ย-เญี์ยม หย่า ปั๊ว ชุย เหฑ่ง.#ธ้วด อียิบ 9:23-25; เอเสเคน 38:22
8ตะเหญ่ย เต้า ฟิน-เมี่ยน เยี้ยด ปย๊ม หฑัด, ม่าย หญู่ง กะน้าย ปวัด ฮนั้ง ต้ม บง เหฒียะ เจี๊ยน โต์ว นอ, หฒุ ฒอย เหฌี่ย ค้อย. ค้อย เญย ปัว โก๊ว เญย เหยียด โก๊ว เป๋น ฑย้าม. 9เยียม ค้อย ม่าย แหม่ง เญย กะน้าย ปัว โก๊ว เญย เหยียด โก๊ว หฒุ ไต่. ฑั้ง ปัว โก๊ว เญย เหยียด โก๊ว หย่า หฒุ เหมียด.
10ตะฟาม เต้า ฟิน-เมี่ยน เยี้ยด ปย๊ม นิ่น เญย หฑัด, ม่าย นอม ต้ม เหฮลย เหฒียะ เจี๊ยน ฮนั้ง โต์ว-ป๊า นอ, เยียม ลู่ง ด๊อด เหฌี่ย ต้าย, ด๊อด หฒุ ด้าย ปัว โก๊ว เญย เหยียด โก๊ว เหธา เหยียด ฒู้ง ววม-ฒี้ง.#อิสะยา 14:12 11วั้ว นอม เหฮลย เญย บั๋ว เห่ว “ยั่ง เม์ว.” ววม ปัว โก๊ว เญย เหยียด โก๊ว ฯฒฯ อิม หมี่ อ๊ะ. เมี่ยน ธั้ม เญย ฮบ หฒุ วั้ว เต๋ย ววม ฯฒฯ ไต่ หมี่ อ๊ะ, เหว่ย หฒุ ววม อิม.#เยเลมี 9:15
12ตะเฝย เต้า ฟิน-เมี่ยน เยี้ยด ปย๊ม นิ่น เญย หฑัด, บะฮนอย ปัว โก๊ว เญย เหยียด โก๊ว หฒุ เบ๊าะ. หฮลา เหธา เหฮลย ปัว โก๊ว เญย เหยียด โก๊ว หย่า หฒุ เบ๊าะ. บะฮนอย เหธา หฮลา เหธา เหฮลย เญย ฌัง ปัว โก๊ว เญย เหยียด โก๊ว หฮมวัง มี่ง. ลู่ง ฮนอย หฒั่น ปัว โก๊ว เญย เหยียด โก๊ว ฯฒฯ ไม้ ฌัง. ลู่ง ม์วน หฒั่น ปัว โก๊ว เญย เหยียด โก๊ว หย่า ไม้ ฌัง.#อิสะยา 13:10; เอเสเคน 32:7; โยเอน 2:10,31; 3:15
13เยีย หมั่ง เจี๊ยน วั้ว หฒั่น, เยีย แอ๋ง ไฮ์ นอม ต้ม จ๊าง เยียม กู้ หงว่าย ลู่ง ได๋ เจี๊ยน มี่ง, เห่ว เจี๊ยน บุย เญย ก๊อง, “หฒุ โค้ว อ๊ะ! หฒุ โค้ว อ๊ะ! เยียม ป้าม เกน เญย หฒวัง เมี่ยน อ๋อย หฒุ โค้ว อ๊ะ! เหว่ย หฒุ วั้ว เต๋ย ปัว เต้า ฟิน-เมี่ยน อ๋อย ปย๊ม เหฒ่ง เหฌี่ย วั้ว เต๋ย ปัว นอม หฑัด.”
Zur Zeit ausgewählt:
หล่าว ย่าง 8: IuMiTH
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mien Bible (Thai Script) © Thailand Bible Society, 2007
