โยซูวา 14
14
พ้าย จอแดน ด้าย ไฟ ปูง แหมง เญย เดา ปุน ฆอย
1น้าย เซ อิสะลาเอน เมี่ยน เยียม คานาอัน เต่ย-ปูง ตุ๊ ฒิบ เป๋น นิ่น บัว หฑิบ เญย ป่วน. เซ เอเลอาซา ไซ เมี่ยน เหธา นุน เญย ตอน, โยซูวา, เหธา ฝีงๆ อิสะลาเอน เมี่ยน เญย เปย๊ย เฒ้ย พ้าย ปุน นิ่น บัว เญย ป่วน. 2นิ่น บัว หฒิว เฒี้ยว พ้าย เหฒียง โมเซ ตี่ง แหม่ง หมั่ง เหว่ย เฒาะ น้าย เต๋ย เดา ปุน ฆอย ดั้ว ฝีง-เปี๋ยน เมี่ยน หฑิบ.#ซ้าว เมี่ยน 26:52-56; 34:13 3โมเซ ฒู้ง เฒาะ เยียม จอแดน ด้าย ตง ปูง แหมง เญย เดา ปุน ฆอย เป๋น วั้ว เต๋ย อี ฝีง-เปี๋ยน เมี่ยน หฑิบ เญย ป่วน หมี่ อ๊ะ. มป่า นิ่น ไม้ ปุน เลวี เมี่ยน เยียม นิ่น บัว บุด๋ง ม่าย นิ่น บัว หฑิบ เญย ป่วน,#ซ้าว เมี่ยน 32:33; 34:14-15; หฑั่ม เล์ย-หลัด 3:12-17 4เหว่ย หฒุ โยเซ้บ เญย ตอน ปุน เหฌี่ย โหฒว อี ฝีง, เซ มะนัดเส เหธา เอฟาอิม ฝีง. เลวี ฝีง ไม้ ตุ๊ ปุน ฆอย เญย ป่วน. ขูง ตุ๊ ฒี่ง เป๋น นิ่น บัว เยียม เญย ต๋อง เหธา ฒี่ง เญย เมี้ย-เธี้ยง ยู์ง ง่ง ยู์ง ยู่ง ฮนั้ง.#14:4 ยู์ง ยู่ง ไฟ “เหว่ย นิ่น บัว เญย กะน้าย”. 5อิสะลาเอน เมี่ยน หฒิว เฒี้ยว พ้าย เหฒียง โมเซ เญย หว่า เฒาะ เดา ปุน ฆอย.
พ้าย เฮโบโลน ฒี่ง ปุน คาเล้บ
6ม่าย เต๋ย ยูดา เมี่ยน มี่ง กินกาน ล์อ โยซูวา. เคนัด เมี่ยน เญย เฒ้ย-ฟุน, เยฟุนเน เญย ตอน, คาเล้บ, ก๊อง บั๋ว โยซูวา, “เยียม คาเดดบาเนีย วั้ว หฒั่น, เฒี้ยว ฮนั้ง หาย นอ ก๊อง เถา เม่ย เหธา เยีย บั๋ว ทิน-ฮู่ง เญย เมี่ยน, โมเซ, เม่ย ฮิ้ว หมี่ อ๊ะ.#ซ้าว เมี่ยน 14:24,30 7เยีย เญย หฮญัง-เจ๊ย ตุ๊ เฝย เหฒียบ หฮญัง วั้ว หฒั่น, เฒี้ยว เญย โปว, โมเซ, พ้าย เยีย เยียม คาเดดบาเนีย มี่ง ธ้าย จั๊วะ ฒ่า หมั่ง เต่ย-ปูง.#ซ้าว เมี่ยน 13:1-30 หฒิว เยีย ปวัด เญย, เยีย หฑวน ต้าย ก๊อง บั๋ว นิ่น. 8มป่า เหธา เยีย มี่ง เญย ก๋อ-โย์ว ก๊อง แฮะ แปะ ฝีง, บะฑิว หยุ เหฑ่ง. มป่า เยีย กั้น แอ๊ะ, เยีย หล่ง เหฑ่ง เฮญี้ยว กัน เฒี้ยว, เยีย เญย ทิน-ฮู่ง. 9วั้ว ฮนอย โมเซ โฮ้ว เจี๊ยน ก๊อง, ‘เม่ย เญย เหฒา ธ้าย วั้ว เต๋ย เดา ด่ง หาย ฒู้ง อ๋อย เป๋น เม่ย เหธา เม่ย เญย เฒ้ย-ฟุน เหยียด ลิ์ว หฑิบ เญย ป่วน, เหว่ย หฒุ เม่ย หล่ง เหฑ่ง เฮญี้ยว กัน เฒี้ยว, เยีย เญย ทิน-ฮู่ง.’#ซ้าว เมี่ยน 14:24; หฑั่ม เล์ย-หลัด 1:36
10หมั่ง ม่าะ! เยียม เฒี้ยว เหธา โมเซ ก๊อง น้าย เต๋ย หว่า วั้ว หฒั่น, เซ ต๋อย อิสะลาเอน เมี่ยน ยั่ง เต่ย-ปูง ฮวาง เญย เฒี่ยง โห่, เยีย เฒี่ยง ตุ๊ เจี๋ย ต้าย น้าย เต๋ย เฝย เหฒียบ ฮม์ หฮญัง. อี้ หฒั่น#14:10 ฟาน หฒะ ก๊อง อี้ ฮนอย. เยีย ฒู้ง ตุ๊ เป๊ด เหฒียบ ฮม์ หฮญัง อ๊ะ. 11อี้ ฮนอย เยีย หธ่อ เฮ้น ด่ง ฒิ่น ด่าง โมเซ พ้าย เยีย มี่ง ธ้าย จั๊วะ วั้ว ฮนอย. เยีย หธ่อ ม่าย ชะ มี่ง เบ๊าะ จ๋า ไฟ เปียะ ธ้วด ฮนั้ง ฒิ่น ด่าง วั้ว นอ. 12เหว่ย น้าย, หฒิว เฒี้ยว วั้ว ฮนอย แล์ง ปุน เยีย เญย, โท้ เม่ย อี้ หฒั่น เฒาะ น้าย เต๋ย บง-ไอ๊ ต๋อง จิว ปุน เยีย. วั้ว ฮนอย เม่ย กั้น ไฮ์ ก๊อง, อาน้าก เมี่ยน เยียม วั้ว เต๋ย ต๋อง. นิ่น บัว เญย ฒี่ง โฮล ไห่ หย่า เว่ย เจี๊ยน ว้วน เญย. มป่า สี ก๊อง เฒี้ยว เถง เยีย นอ, เยีย ฯฒฯ ไฮ่ หฒุ่น นิ่น บัว ธ้วด ฮนั้ง เฒี้ยว ก๊อง วั้ว นอ.”
13โยซูวา ฯฒฯ ปวัง หว่า เยฟุนเน เญย ตอน, คาเล้บ, หย่า พ้าย เฮโบโลน ฒี่ง เป๋น นิ่น หฑิบ เญย ป่วน. 14ฮนั้ง หน่าย เฮโบโลน ฒี่ง ฯฒฯ เป๋น เคนัด เมี่ยน, เยฟุนเน เญย ตอน, คาเล้บ, หฑิบ เญย ป่วน เถา อี้ จ๋า ฮนอย, เหว่ย หฒุ นิ่น หล่ง เหฑ่ง เฮญี้ยว กัน เฒี้ยว, อิสะลาเอน เมี่ยน เญย ทิน-ฮู่ง. 15เฮโบโลน ฒี่ง ฒิ่น ด่าง เห่ว คีลิย้าดอานบา, กัน โหฒว โฮล เจี๋ย วั้ว เต้า อาน้าก เมี่ยน, อานบา, เญย บั๋ว เห่ว.
วั้ว นอม เต่ย-ปูง ฯฒฯ ถาย-แป้ง, ไม้ เบ๊าะ จ๋า อ๊ะ.
Zur Zeit ausgewählt:
โยซูวา 14: IuMiTH
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mien Bible (Thai Script) © Thailand Bible Society, 2007