ต้ม เจียน 10
10
โทลา
1อาบีเมเล้ก เกวย เสย ลิ์ว, ฆะฮ้า ม่าย อิดสาคา ฝีง, โดโด เญย ฟุน, พูอา เญย ตอน, โทลา, เจี์ย ต้าย เหฌียว อิสะลาเอน เมี่ยน. นิ่น เยียม เอฟาอิม บง-ไอ๊ ต๋อง เญย ซามี ฒี่ง. 2นิ่น โหฒว ต้ม เจียน ต้อ#10:2 ไฟ เซี้ยม. อิสะลาเอน เมี่ยน หญี่ เหฒียบ ฟาม หฮญัง ลิ์ว, ฯฒฯ เกวย เสย หมี่ อ๊ะ, หฒัง เจี๊ยน ซามี ฒี่ง.
จาอี
3เจี๋ย ต้าย ม่าย กิเลอาด เมี่ยน, จาอี, โหฒว ต้ม เจียน ต้อ อิสะลาเอน เมี่ยน หญี่ เหฒียบ เหญ่ย หฮญัง. 4นิ่น ม่าย ฟ่า เหฒียบ เต้า ตอน เก้ ฟ่า เหฒียบ เต้า ล่อ, หย่า ม่าย ฟ่า เหฒียบ นอม ฒี่ง เยียม กิเลอาด เต่ย. ฒี่ง เญย บั๋ว เห่ว ฮาวโว้ดจาอี#10:4 เอ๋ย เล์ย เซ จาอี เญย ฒี่ง. เถา อี้ จ๋า ฮนอย. 5จาอี เกวย เสย มี่ง, หฒัง เจี๊ยน เยียม คาโมน ฒี่ง.
อัมโมน เมี่ยน ห่อย อิสะลาเอน เมี่ยน
6หฒิว เฒี้ยว หมั่ง, อิสะลาเอน เมี่ยน แอ๋ง โหฒว หว่าย สี่. นิ่น บัว ฟู-สู บาอัน เฒี่ยน เหธา อัดทาโล้ด เฒี่ยน. นิ่น บัว หย่า ฟู-สู ซีเลีย เมี่ยน, ไซดอน เมี่ยน, โมอับ เมี่ยน, อัมโมน เมี่ยน เหธา ฟีลิสะเตีย เมี่ยน เญย เหยียด ฒู้ง เฒี่ยน. นิ่น บัว กวั่ง เฒี้ยว, ไม้ ฟู-สู นิ่น. 7เฒี้ยว ฯฒฯ เฉีย เจี์ย, โน์ว ไห่ อิสะลาเอน เมี่ยน, เฒาะ นิ่น บัว จิว ปุน เยียม ฟีลิสะเตีย เมี่ยน เหธา อัมโมน เมี่ยน เญย ปั์ว-เดี๊ย. 8วั้ว หฮญัง นิ่น บัว เหฒย หย่า ห่อย อิสะลาเอน เมี่ยน โค้ว ไห่. เหฒียบ เป๊ด หฮญัง กะญั์ว นิ่น บัว เหฒย เยียม จอแดน ด้าย ตง ปูง แหมง, อาโมไล เมี่ยน เญย เต่ย-ปูง, กิเลอาด เต่ย เญย อิสะลาเอน เมี่ยน. 9อัมโมน เมี่ยน หย่า เจี๋ย วั้ว หง่าน หฒิ จอแดน ด้าย มี่ง เบ๊าะ ยูดา เมี่ยน, เบนยามิน เมี่ยน, เหธา เอฟาอิม ฝีง เญย เฒ้ย-ฟุน. ฮนั้ง หน่าย อิสะลาเอน เมี่ยน หฒะเก้ง หฒุ โค้ว ไห่ อ๊ะ. 10อิสะลาเอน เมี่ยน ฯฒฯ เห่ว เจี๊ยน โจ้ว เฒี้ยว. นิ่น บัว ก๊อง, “เยีย บัว ป์าม ฒุ์ย ต่อง เม่ย, เหว่ย หฒุ เยีย บัว กวั่ง เยีย บัว เญย ทิน-ฮู่ง, มี่ง ฟู-สู บาอัน เฒี่ยน.”
11 เฒี้ยว ก๊อง บั๋ว อิสะลาเอน เมี่ยน, “เยีย ไม้ เฒ์ย เหฌียว เม่ย บัว เปย๋า ดุ๊ด อียิบ เมี่ยน, อาโมไล เมี่ยน, อัมโมน เมี่ยน เหธา ฟีลิสะเตีย เมี่ยน เญย ปั์ว-เดี๊ย ไฟ? 12ไซดอน เมี่ยน, อามาเล้ก เมี่ยน เหธา มาโอน เมี่ยน, เหฒย เม่ย บัว วั้ว หฒั่น, เม่ย บัว เห่ว เจี๊ยน โท้ เยีย เถง, เยีย หย่า เถง เม่ย บัว เปย๋า ดุ๊ด นิ่น บัว เญย ปั์ว-เดี๊ย ไม้ เฒ์ย? 13มป่า เม่ย บัว หธ่อ กวั่ง เยีย มี่ง ฟู-สู เหญี่ย เญย เฒี่ยน. เหว่ย น้าย, เยียม น้าย มี่ง เยีย ฯฒฯ ไม้ เหฌียว เม่ย บัว อ๊ะ. 14เม่ย บัว กุ๊น มี่ง เห่ว ต้ง เม่ย บัว กั้น กิ๊น ต้าย วั้ว เต๋ย เฒี่ยน อ๊ะ. เม่ย บัว หฒุ โค้ว เญย เฒี่ยง โห่, เห่ว นิ่น บัว เหฌียว เม่ย บัว ม่าะ!”
15อิสะลาเอน เมี่ยน เตา เฒี้ยว, “เยีย บัว เหยียด ฒู้ง ป์าม ฒุ์ย. หฒิว เม่ย ปวัด หอบ ฮนั้ง หาย นอ โหฒว, กุ๊น โหฒว ปุน เยีย บัว อ๊ะ. มป่า โท้ เม่ย อี้ ฮนอย เหฌียว เยีย บัว.” 16อิสะลาเอน เมี่ยน ฯฒฯ กวั่ง เยียม นิ่น บัว บุด๋ง กั้น ฝีง เมี่ยน เญย เฒี่ยน แอ๋ง ฟู-สู เฒี้ยว. เฒี้ยว ปวัด อิสะลาเอน เมี่ยน ด่ง น้าย โค้ว, ทิน-ฮู่ง ไฮ์ เฮญี้ยว มุน, เตี๊ย ไม้ ตุ๊ อ๊ะ.
17โหฒว โฮล เญย อัมโมน เมี่ยน เห่ว นิ่น บัว เญย แปง เฒาะ นิ่น บัว เบ๊าะ จ๋า เญย หวัวะ กิ่น, นิ่น บัว ฯฒฯ มี่ง เหลียบ เธี้ยง เยียม กิเลอาด เต่ย. อิสะลาเอน เมี่ยน หย่า กั๊บ ฒุ้น มี่ง เหลียบ เธี้ยง เยียม มิดปา. 18กิเลอาด เมี่ยน เญย หฒวัง เปย๊ย เฒ้ย, ล่าน เหธา ล่าน ธ่าง ล่าง ก๊อง, “หาย เต้า มี่ง เบ๊าะ อัมโมน เมี่ยน ด่าง, วั้ว เต้า ตุ๊ โหฒว เยียม กิเลอาด เต่ย เหยียด ฒู้ง แปะ ฝีง เญย เปย๊ย เฒ้ย อ๊ะ.”
Zur Zeit ausgewählt:
ต้ม เจียน 10: IuMiTH
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mien Bible (Thai Script) © Thailand Bible Society, 2007