อิสะยา 61
61
เหฌียว เอน เญย คู้ เฝียน ต้าย เถา สิโอน
1เฒี้ยว ทิน-ฮู่ง เญย สีง ลี่ง เหธา เยีย เยียม,
เหว่ย หฒุ เฒี้ยว หล่ง โย่ว ออน#61:1 ไฟ กิ๊น. เยีย ต้าย
ฒุ่น คู้ เฝียน บั๋ว เมี่ยน จ่ม เมี่ยน.
นิ่น พ้าย เยีย ต้าย หฒ่อ เฮญี้ยว มุน เญย เมี่ยน หลง,
ฒุ่น บั๋ว หฒุ ธ้าง เญย เมี่ยน นิ่น บัว อ๋อย ตุ๊ ปู๋ง ฆอย,
หฒุ หววน เญย เมี่ยน หย่า อ๋อย ตุ๊ ธ้วด โล่,#มัดทาย 11:5; ลูกา 4:18-19; 7:22
2แอ๋ง ฒุ่น ก๊อง, เฒี้ยว เหธย เอน เญย หฮญัง-ต้าว เถา อ๊ะ,
เยีย บัว เญย ทิน-ฮู่ง จ๊าว วิน เญย ฮนอย-เหญียะ เถา.
นิ่น พ้าย เยีย ออน เหยียด ฒู้ง เฑ่า เญี้ยม เญย เมี่ยน เญย เฮญี้ยว,#มัดทาย 5:4
3ปุน เยียม สิโอน เฑ่า เญี้ยม เญย เมี่ยน
ม่าย เฌียน-โย่ว อะเฮน้ย ตี๊ ซ้าย,#61:3 ฟาน หฒะ ฮิบลู หว่า ก๊อง “ด๋ง นอม เหฑว่ย เญย นี้ง ตี๊ ซ้าย.”
หย่า ม่าย เธง เญย ฑูง ตี๊ เฮญี้ยว เฑ่า.#61:3 ฟาน หฒะ ฮิบลู หว่า ก๊อง “ตุ๊ เธง เญย ลุย ตี๊ เฮญี้ยว เฑ่า โค้ว”.
เมี่ยน อ๋อย เห่ว นิ่น บัว ฮนั้ง โหฒว หอบ เญย เดี๋ยง,
ต้ง เฒี้ยว กั้น หฒวัง ต้าย เหว่ย ปิ๋ว เม่ง นิ่น เญย ฌัง-หล่าง.
4นิ่น บัว อ๋อย เหธย เจี์ย โล์! ฮนอย บาง หว่าย เญย กะน้าย,
แอ๋ง เหลียบ เจี์ย ฒิ่น ด่าง กวั่ง ฮวาง เญย ต๋อง.
นิ่น บัว อ๋อย หฒ่อ ป่าย หว่าย เญย ฒี่ง,
เซ หฒ่อ เหฒีย ต่อย กวั่ง ฮวาง เญย ฒี่ง.
5กั้น ฝีง เมี่ยน อ๋อย ต้าย โก๋ว เม่ย บัว เญย ปะกี ยู่ง กวั้น.
กั้น กั๊วะ เมี่ยน อ๋อย โหฒว เม่ย บัว เญย เด่ย
หย่า โก๋ว เม่ย บัว เญย อะหงุ่น หฮวีง.
6มป่า เมี่ยน อ๋อย เห่ว เม่ย บัว โหฒว เฒี้ยว เญย ไซ เมี่ยน.
เมี่ยน หย่า อ๋อย ก๊อง เม่ย บัว โหฒว โปว ฟู-สู เยีย บัว เญย ทิน-ฮู่ง.
เม่ย บัว ตุ๊ หญั่น ธั้ม-กั๊วะ เญย ฒิ่น ฒ่อย.
เหว่ย ตุ๊ นิ่น บัว เญย ฒิ่น ฒ่อย เม่ย บัว ฯฒฯ อะเฮน้ย ไห่.#61:6 ไฟ ปู๋ง หว่า-เหมา.
7เม่ย บัว หฒุ ไญ้,
ต๋าว หฑวน เม่ย บัว อ๋อย ตุ๊ หลง อี โก๊ว.
เม่ย บัว หฒุ ป่าย เฮมียน,
ต๋าว หฑวน เม่ย บัว อะเฮน้ย เม่ย บัว ตุ๊ หฑิบ เญย ป่วน.
ฮนั้ง หน่าย เม่ย บัว เยียม เม่ย บัว เญย เต่ย-ปูง
ตุ๊ หฑิบ ซูง-โก๊ว เป๋น เม่ย บัว เญย ป่วน,
หย่า ตุ๊ เหยียด ลิ์ว เฌียน-โย่ว.
8“เหว่ย หฒุ เยีย, เฒี้ยว, ฮนั้ม แป้ง ฟิม เญย เจ๊า.
เยีย ฑอง โหฒว หฒะ เหธา โหฒว ต่อง เญย สี่.
เยีย อ๋อย เหฒียบ ฒัวะ เญย วิ่น ปุน เยีย เญย แปะ ฝีง,
หย่า อ๋อย เหธา นิ่น บัว เหลียบ เจี์ย เหยียด ลิ์ว เญย แหง่ง หว่า.
9เยียม หม่าน กั๊วะ บุด๋ง,
เมี่ยน ฯฒฯ เฒียะ ตุ๊ นิ่น บัว เญย โฮ์ ต่อย เฒ้ย-ฟุน,
เยียม หม่าน ฝีง บุด๋ง หย่า เฒียะ ตุ๊ นิ่น บัว เญย ฟุน-ฟะ.
ตะฟ่าน ปวัด นิ่น บัว เญย เมี่ยน
ฯฒฯ เฒียะ ตุ๊ นิ่น บัว เซ เฒี้ยว เหธย ฟุ เญย แปะ ฝีง.”
10เยีย เหว่ย เฒี้ยว หฒะเก้ง! เฌียน-โย่ว.
เยีย เญย เฮญี้ยว เขา เยีย เญย ทิน-ฮู่ง ม่าย ออน-เหลาะ,
เหว่ย หฒุ นิ่น หล่ง เหฌียว เอน โหฒว ลุย ปุน เยีย ฒุ,
หล่ง โหฒว หอบ เญย เจ๊า เป๋น ต้ม ลุย-ด๊าว ปุน เยีย ปุ๋ย เจี๊ยน,
ฮนั้ง เซียง-ล่าง ด๋ง นอม เหฑว่ย เญย นี้ง ฒอง เจี๊ยน,
หย่า ฮนั้ง เซียง-บวั์ง หล่ง เซียว-เซ้ด ฒอง ซิน.#หล่าว ย่าง 21:2
11เหว่ย หฒุ เดา ฮนั้ง หาย นอ ปุน กะน้าย ธ้วด,
หฮวีง กะญั์ว เญย ญิม ฮนั้ง หาย นอ กุ ญ่า,#61:11 ฟาน หฒะ ก๊อง “หฮวีง ฮนั้ง หาย นอ ปุน ญิม กุ ญ่า’.
เฒี้ยว ทิน-ฮู่ง อ๋อย ฮนั้ง วั้ว นอ
ปุน โหฒว หอบ เญย เจ๊า เหธา เธง ทิน-ฮู่ง เญย หว่า
ตอง เจี๊ยน หม่าน ฝีง ธ้วด ต้าย.
Zur Zeit ausgewählt:
อิสะยา 61: IuMiTH
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mien Bible (Thai Script) © Thailand Bible Society, 2007
