กาลาเทีย 2

เปาโล มี่ง เยลูซาเลม ฒี่ง ล์อ กง-โฒ่ บัว

1ฆะฮ้า เหฒียบ เฝย หฮญัง เยีย เหธา บานาบัด แอ๋ง มี่ง เยลูซาเลม ฒี่ง หย่า ต้อ ทิตัด เหธา เจี๊ยน มี่ง.#กง-โฒ่ 11:30; 15:2 2เยีย มี่ง เยลูซาเลม เหว่ย หฒุ ทิน-ฮู่ง หล่าว ย่าง ปุน เยีย ฮิ้ว ตุ๊ อ๋อย หฒุ มี่ง. เยียม วั้ว เยีย เฒาะ เยีย ฒุ่น ปุน จั๋น เญย คู้ เฝียน เหล่ง เจ๊ย ก๊อง เม่ง บั๋ว โหฒว โฮล วั้ว เต๋ย หมวัง. เยีย ฮนั้ง น้าย โหฒว เหว่ย หฒุ เฑ่า เหย เยีย ฒิ่น ด่าง โหฒว เญย กง เหธา อี้ หฒั่น โหฒว เญย กง ด๊อด.#2:2 กีก หว่า ก๊อง “เฑ่า เหย เยีย สาย ถิว ไฟ ถิว ลิ์ว หย่า ไม้ ลั่ม หล่ง”. 3ทิตัด หย่า เหธา เยีย มี่ง. ไม้ กุ๊น นิ่น เซ จั๋น-กีก, นิ่น ไม้ หฒุ นิ่น บัว อ๊าบ เจี๋ย ก๊าด เญย เล์ย 4ฮนั้ง ม่าย เต๋ย จ๊า ก๋อ-โย์ว อ๋อย นิ่น เจี๋ย นอ. น้าย เต๋ย เมี่ยน ปี๋ง เจี๊ยน เปียะ ต้าย เหว่ย ฒ่า หมั่ง ก๋า, เยีย บัว เสียน กีตู่ เยซู ตุ๊ โหฒว ปู๋ง ฆอย เญย เมี่ยน ฮนั้ง หาย นอ. นิ่น บัว อ๋อย ปุน เยีย บัว หฒุ โหฒว โน่ว.#2:4 เอ๋ย เล์ย ต๋าย ก๊อง หฒุ โหฒว ยิวไท เมี่ยน เญย เล์ย-หลัด เญย โน่ว. 5มป่า เยีย บัว อ๋อย เหว่ย เม่ย บัว เปว เจี๊ยน คู้ เฝียน เญย เฒียน เล์ย ฯฒฯ แหง่ง เจี๊ยน, เหยียด ตั้ง ไม้ เซวย. 6แอ๋ง ม่าย ต้ง ปวัด ฮนั้ง โหฒว โฮล เญย วั้ว เต๋ย. (นิ่น บัว โหฒว เจี๋ย หาย หญู่ง เมี่ยน เยีย ไม้ กุ๊น อ๊ะ, เหว่ย หฒุ ทิน-ฮู่ง ไม้ หมั่ง หาย เต้า เญย เฮมียน.) วั้ว เต๋ย โหฒว โฮล เญย เมี่ยน หย่า ไม้ จา ทิบ หาย หญู่ง หว่า เยีย.#หฑั่ม เล์ย-หลัด 10:17 7ต๋าว หฑวน นิ่น บัว เฒียะ ตุ๊ ทิน-ฮู่ง พ้าย เยีย ฒุ่น คู้ เฝียน ปุน จั๋น ฮนั้ง นิ่น พ้าย ปีเต ฒุ่น คู้ เฝียน ปุน ยิวไท เมี่ยน วั้ว นอ.#2:7 เยียม 2:7-10 ยิวไท เมี่ยน วั้ว โจ๋ว หว่า, กีก หว่า ก๊อง “เจี๋ย ก๊าด เญย เล์ย วั้ว เต๋ย”. จั๋น วั้ว โจ๋ว, กีก หว่า ก๊อง “ไม้ แก้ง เจี๋ย ก๊าด เญย เล์ย วั้ว เต๋ย”. 8เหว่ย หฒุ ทิน-ฮู่ง เยียม เยีย เญย เฮญี้ยว โหฒว กง ปุน เยีย โหฒว กง-โฒ่ เถง หม่าน ฝีง จั๋น ฮนั้ง ปุน ปีเต โหฒว กง-โฒ่ เถง ยิวไท เมี่ยน วั้ว นอ. 9ยากอบ, ปีเต#2:9 กีก หว่า ก๊อง เคฟ้าด. เยียม 2:11, 14 ฟี่ ฮนั้ง เญย. แอ๋ง เป๊ย หมั่ง โยฮัน 1:42. เหธา โยฮัน, ต้ง ม่าย เม่ง โห่ โหฒว เปย๊ย#2:9 เปย๊ย กีก หว่า ก๊อง เดี้ยว. วั้ว เต๋ย, เฒียะ ตุ๊ ทิน-ฮู่ง เหธย เอน ปุน เยีย โหฒว น้าย หญู่ง กง. นิ่น บัว ฯฒฯ นั้น เยีย เหธา บานาบัด เญย บย่าว เจี๊ยะ ปั์ว โหฒว จั๋ง-โห่ ปุน ธีง เยีย บัว เหธา นิ่น บัว จวั่ง กง โหฒว, ฯฒฯ ต้ง เฮญี้ยว ตี่ง บานาบัด เหธา เยีย อ๋อย หฒุ มี่ง ฒุ่น คู้ เฝียน ปุน จั๋น. นิ่น บัว มี่ง ฒุ่น ปุน ยิวไท เมี่ยน. 10นิ่น บัว ขูง อ๋อย เยีย บัว จั๋ง เจี๊ยน เมี่ยน จ่ม เมี่ยน. น้าย เต๋ย เจ๊า เยีย มต้าย ม่าย เฮญี้ยว โหฒว อ๊ะ.

เปาโล ตอง หฒวัง ก๊อง ปีเต

11ปีเต ต้าย เถา อันทีโอก ฒี่ง วั้ว หฒั่น, เยีย ต๋อย เฮมียน ก๊อง นิ่น เหว่ย หฒุ นิ่น หฒะเก้ง โหฒว ต่อง. 12ยากอบ พ้าย ต้าย เญย เมี่ยน ไม้ แก้ง เถา, ปีเต หฒั่นๆ เหธา จั๋น จวั่ง หญั่น จวั่ง ฮบ. มป่า วั้ว เต๋ย เมี่ยน ต้าย เถา, นิ่น ฯฒฯ ซิ้ม ฆอย, ไม้ เหธา จั๋น อ๊ะ, เหว่ย หฒุ นิ่น กั้ม เหฑีย อ๋อย อ๊าบ จั๋น เจี๋ย ก๊าด เญย เล์ย วั้ว เต๋ย เมี่ยน. 13เยียม วั้ว เสียน เยซู เญย ยิวไท เมี่ยน ฯฒฯ กัน เจี๊ยน ปีเต โหฒว จ๊า. เลี่ยม บานาบัด หย่า กัน เจี๊ยน นิ่น บัว ฟี่ ฮนั้ง เญย โหฒว.

14เยีย ปวัด นิ่น บัว ยั่ง ไม้ เหฒียง คู้ เฝียน เญย เฒียน เล์ย ฯฒฯ ตอง เจี๊ยน หฒวัง เมี่ยน บั๋ว ปีเต, “เม่ย โหฒว ยิวไท เมี่ยน, มป่า เม่ย ฮนั้ง จั๋น นอ เยียม, ไม้ ฮนั้ง ยิวไท เมี่ยน. วั้ว หญู่ง, เม่ย ฝู่ง ไฮ่ อ๊าบ จั๋น กัน ยิวไท เมี่ยน เญย เล์ย?

ยิวไท เมี่ยน เหธา จั๋น เหว่ย เสียน เยซู ตุ๊ เหฌียว

15“เยีย บัว ธ้วด เสย ต้าย โหฒว ยิวไท เมี่ยน, ไม้ เฒ์ย ต้ง เมี่ยน เห่ว, ‘ป์าม ฒุ์ย เญย จั๋น.’ 16มป่า เยีย บัว ฮิ้ว ตุ๊ เมี่ยน ไม้ เฒ์ย กัน เล์ย-หลัด หธีง ตุ๊ เหธา ทิน-ฮู่ง หอบ เฮญี้ยว, เซ เหว่ย เสียน เขา เยซู กีตู่ ฮนั้ง. เยีย บัว หย่า เสียน ลิ์ว กีตู่ เยซู เหว่ย ปุน เยีย บัว เหว่ย เสียน กีตู่ ไม้ เฒ์ย เหว่ย กัน เล์ย-หลัด ตุ๊ เหธา ทิน-ฮู่ง หอบ เฮญี้ยว. เหว่ย หฒุ ไม้ ม่าย หาย เต้า ไฮ่ กัน เล์ย-หลัด ตุ๊ เหธา ทิน-ฮู่ง หอบ เฮญี้ยว.#สีง ฑูง 143:2; โลมา 3:20,22

17“สี ก๊อง เยีย บัว ชะ ล์อ อ๋อย เขา กีตู่ ตุ๊ เหธา ทิน-ฮู่ง หอบ เฮญี้ยว มป่า หธ่อ โหฒว ฒุ์ย-เมี่ยน นอ, วั้ว หญู่ง, กีตู่ ปุน เมี่ยน ป์าม ฒุ์ย ไฟ? ฒู้ง ไม้ เฒ์ย. 18สี ก๊อง เยีย แอ๋ง เหธย เจี์ย ต้ง ฒิ่น ด่าง เยีย แธะ กวั่ง เญย, เยีย ฯฒฯ ปุน ธีง เยีย โหฒว ป์าม เล์ย-หลัด เญย เมี่ยน. 19ก๊อง เถา เล์ย-หลัด นอ, เยีย ต๋อง ไต่ หมี่ อ๊ะ, เซ เล์ย-หลัด กั้น ปุน เยีย หฒุ ไต่ ฯฒฯ ปุน เยีย เหว่ย ทิน-ฮู่ง ตุ๊ เฒี่ยง เจี๊ยน. 20เยีย เหธา กีตู่ จวั่ง ตีง เหฒียบ หฑั่ง จ๋า ไต่ หธีง ต้าย อี้ หฒั่น เฒี่ยง เจี๊ยน วั้ว เต้า เซ ไม้ เฒ์ย เยีย, เซ กีตู่ เยียม เยีย กะญั์ว เฒี่ยง เจี๊ยน. เยีย อี้ หฒั่น เฒี่ยง เญย แหม่ง เยีย ตุ๊ เฒี่ยง เหว่ย หฒุ เยีย เสียน ทิน-ฮู่ง เญย ตอน, ต้ง ฮนั้ม เยีย หย่า เหว่ย เยีย เซี้ย แหม่ง วั้ว เต้า. 21เยีย ไม้ เฆ่ม ทิน-ฮู่ง เญย เอน. สี ก๊อง เมี่ยน ไฮ่ กัน เล์ย-หลัด ตุ๊ เหธา ทิน-ฮู่ง หอบ เฮญี้ยว นอ, กีตู่ ไต่ เซ ไม้ ลั่ม หล่ง.”

Zur Zeit ausgewählt:

กาลาเทีย 2: IuMiTH

Markierung

Kopieren

Vergleichen