เอเสเคน 6
6
หลาย ป๋าย หมิ่ว-ฝัง หฒุ ตี่ง ฒุ์ย
1เยีย ตุ๊ ฒิบ เฒี้ยว เญย หว่า ก๊อง, 2“ป้าม เมี่ยน อ้า! เม่ย อ๋อย หฒุ ฮวิน เฮมียน มี่ง อิสะลาเอน เญย หฒวัง บง หย่า โต่ว หว่า ก๊อง วั้ว เต๋ย บง. 3อ๋อย หฒุ ก๊อง, ‘อิสะลาเอน เญย หฒวัง บง อ้า! อ๋อย หฒุ หมวัง เฒี้ยว ทิน-ฮู่ง เญย หว่า ก๊อง ต้ม ฒอง ฟิ้ว-บง, โด๊ะ-หฒวน เหธา ฮ์อง. นิ่น ก๊อง, “เยีย อ๋อย ปุน เม่ย บัว หฒุ หฑุ ด๊าว หย่า เหมียด เหฑ่ง เม่ย บัว เยียม ฮลัง หฒั่ง เฒี่ยน เญย ต๋อง. 4เม่ย บัว เญย เหฒี่ย-ต้อง อ๋อย หฒุ ป่าย ฮวาง. เม่ย บัว เญย ปั๊ว ฮูง เตี้ย หย่า อ๋อย หฒุ เบ๊าะ ฮู้. เยียม เม่ย บัว วั้ว หฒุ ไต๋ ไต่ เญย เมี่ยน เยีย หย่า อ๋อย ฒอย เหฌี่ย เม่ย บัว เญย หมิ่ว-ฝัง เญย หฑะเฮมียน. 5เยีย อ๋อย เฒาะ อิสะลาเอน เมี่ยน เญย เซย อัน เจี๊ยน นิ่น บัว เญย หมิ่ว-ฝัง หฑะเฮมียน แอ๋ง เฒาะ เม่ย บัว เญย บู๊ง ฟ้าด หฑาน ฮวีง ก๋อม เม่ย บัว เญย เหฒี่ย-ต้อง. 6เม่ย บัว เยียม หาย, เม่ย บัว เญย ฒี่ง อ๋อย หฒุ ป่าย ฮวาง, เม่ย บัว เยียม ฮลัง หฒั่ง เฒี่ยน เญย ต๋อง หย่า หฒุ เบ๊าะ หว่าย. ฮนั้ง หน่าย เม่ย บัว เญย เหฒี่ย-ต้อง ฯฒฯ ป่าย ฮวาง หฒุ เหมียด. เม่ย บัว เญย หมิ่ว-ฝัง หย่า หฒุ เบ๊าะ ฮู้ เหมียด เหฑ่ง. เม่ย บัว เญย ปั๊ว ฮูง เตี้ย อ๋อย หฒุ เบ๊าะ ฮู้. เม่ย บัว โหฒว เญย กง ฯฒฯ ป่า เหฑ่ง หมี่ อ๊ะ. 7หฒุ ไต๋ เญย เมี่ยน อ๋อย คีง เหฌี่ย เยียม เม่ย บัว บุด๋ง. เม่ย บัว ฯฒฯ ฮิ้ว ตุ๊ เยีย เซ เฒี้ยว.
8“‘“มป่า เยีย อ๋อย เลี่ยว เต๋ย เม่ย บัว, เหว่ย หฒุ เม่ย บัว หฒุ หฑาน มี่ง เยียม เหฒีย กั๊วะ เหฒีย ฝีง บุด๋ง วั้ว หฒั่น, เม่ย บัว ม่าย เต๋ย เปย๋า ดุ๊ด หฑุ ด๊าว. 9ฮนั้ง น้าย เยียม เยีย ปุน นิ่น บัว หฒุ กว๊าด มี่ง เญย กั๊วะ บุด๋ง นิ่น บัว ฯฒฯ จั๋ง เยีย. เยีย ตี่ง นิ่น บัว เญย ฒุ์ย ปุน นิ่น บัว ไญ้ หลาย นิ่น บัว กั้น ม่าย เฮยี่ย เฮญี้ยว#6:9 เป๊ย หมั่ง ธ้วด อียิบ 34:15. เล่ย เยีย. นิ่น บัว เญย มฒีง หมั่ง หมิ่ว-ฝัง แอ๋ง หั่น ไห่. นิ่น บัว ฯฒฯ ฑอง นิ่น บัว กั้น หลาย นิ่น บัว โหฒว เญย เอ๊าะ สี่ เหธา เหยียด ฒู้ง กั้ม เฑี้ย ไห่ เญย สี่. 10นิ่น บัว ฯฒฯ ฮิ้ว ตุ๊ เยีย เซ เฒี้ยว. เยีย ก๊อง อ๋อย ปุน นิ่น บัว หฒุ เหฒะ หน่าน เซ ไม้ เฒ์ย ก๊อง ขูง-หว่า.”
11“‘เฒี้ยว ทิน-ฮู่ง ฮนั้ง น้าย ก๊อง, “เม่ย อ๋อย หฒุ ไบ๋ ปั์ว, ดั่ม เดา ก๊อง, ‘โค้ว อ๊ะ!’ หลาย อิสะลาเอน เญย เฒ้ย-ฟุน โหฒว เญย เหยียด ฒู้ง กั้ม เฑี้ย ไห่ เญย เอ๊าะ สี่, นิ่น บัว ฒู้ง อ๋อย หฒุ หฑุ ด๊าว, หฒุ หง่อ หฮนาง, หฒุ ววน-แป่ง ไต่. 12เยียม โก เญย ต๋อง นิ่น บัว อ๋อย หฒุ ววน-แป่ง ไต่. เยียม ฟัด วั้ว เต๋ย อ๋อย หฒุ หฑุ ด๊าว ไต๋. เหฒ่ง เหฌี่ย ไม้ แก้ง ไต่ วั้ว เต๋ย ฒู้ง อ๋อย หฒุ หง่อ หฮนาง ไต่. เยีย ฯฒฯ ฮนั้ง น้าย นอ โน์ว นิ่น บัว เถา เยีย เญย กะเฉีย ฟิว. 13นิ่น บัว หฒุ ไต๋ เญย เมี่ยน เญย เซย เปว๋ย เจี๊ยน ฮวีง ก๋อม นิ่น บัว เญย เหฒี่ย-ต้อง, นิ่น บัว เญย หมิ่ว-ฝัง บุด๋ง, เยียม นอมๆ บง-ฮลัง บง-นี้ง เหธา ติ้วๆ เญี์ยม เญย เดี๋ยง เหธา ติ้วๆ ม่าย น่อม ธั้ม เญย ต้ม บะอง เฒวย เดี๋ยง กะเดี๊ย, ตะฟ่าน ปั๊ว ฮูง ปุน นิ่น บัว เญย หมิ่ว-ฝัง เญย ต๋อง, วั้ว หฒั่น เม่ย บัว ฯฒฯ ฮิ้ว ตุ๊ เยีย เซ เฒี้ยว. 14เยีย ฯฒฯ ซูง ปั์ว เบ๊าะ นิ่น บัว, ปุน นิ่น บัว เหยียด ฒู้ง เยียม เญย ต๋อง เป๋น เดา-ฮวาง, เยียม เต่ย-ปูง-ฮวาง มี่ง เถา ดิบลา ฒี่ง.#6:14 ม่าย เต๋ย ก๊อง ลิบลา ฒี่ง. นิ่น บัว ฯฒฯ ฮิ้ว ตุ๊ เยีย เซ เฒี้ยว.”’”
Zur Zeit ausgewählt:
เอเสเคน 6: IuMiTH
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mien Bible (Thai Script) © Thailand Bible Society, 2007
