เอเสเคน 25
25
โต่ว หว่า ก๊อง อัมโมน เมี่ยน
1เยีย แอ๋ง ตุ๊ ฒิบ เฒี้ยว เญย หว่า ก๊อง,#เยเลมี 49:1-6; เอเสเคน 21:28-32; อาโม้ด 1:13-15; เสฟันยา 2:8-11 2“ป้าม เมี่ยน อ้า! เม่ย อ๋อย หฒุ ฮวิน มี่ง อัมโมน เมี่ยน วั้ว, โต่ว หว่า ก๊อง นิ่น บัว. 3อ๋อย หฒุ บั๋ว อัมโมน เมี่ยน, ‘หมวัง เฒี้ยว ทิน-ฮู่ง เญย หว่า ม่าะ! เฒี้ยว ทิน-ฮู่ง ฮนั้ง น้าย ก๊อง. “เยีย เญย สีง ติ่น หฒุ ม่าย หวุย, อิสะลาเอน เต่ย-ปูง หฒุ ป่าย ฮวาง, ยูดา เญย เฒ้ย-ฟุน หย่า หฒุ กว๊าด มี่ง วั้ว หฒั่น, เม่ย บัว ก๊อง, ‘อ๊า ฮ่า!’ 4เหว่ย น้าย เยีย อ๋อย เฒาะ เม่ย บัว จิว ปุน ตง ปูง เญย ฝีง เหว่ย เป๋น นิ่น บัว เญย ป่วน. นิ่น บัว อ๋อย เหลียบ นิ่น บัว เญย เธี้ยง, ธอง นิ่น บัว เญย ด๊บ-ลิ่ว เยียม เม่ย บัว บุด๋ง. นิ่น บัว ฯฒฯ หญั่น เม่ย บัว เญย เปี๊ยว หย่า ฮบ เม่ย บัว เญย ง่ง หญอ. 5เยีย อ๋อย ปุน ลับบา ฒี่ง เป๋น ปู๋ง ล่อ ท่อ เญย เธี้ยง, หย่า ปุน อัมโมน เต่ย เญย ต๋อง เป๋น ยู่ง กวั้น, ปะกี ยู่ง กวั้น เญย เธี้ยง. วั้ว หฒั่น เม่ย บัว ฯฒฯ ฮิ้ว ตุ๊ เยีย เซ เฒี้ยว.” 6เฒี้ยว ทิน-ฮู่ง ฮนั้ง น้าย ก๊อง, “เหว่ย หฒุ เม่ย บัว ไบ๋ ปั์ว ดั่ม เหฒา อะเฮน้ย ม่าย เฮญี้ยว ฑอง ไห่ อิสะลาเอน เต่ย-ปูง, 7เยีย ฯฒฯ ซูง เยีย เญย ปั์ว โหฒว ปุน เม่ย บัว. เยีย เฒาะ เม่ย บัว จิว ปุน หม่าน กั๊วะ เป๋น ลู้ เญย กะน้าย. เยีย อ๋อย ปุน เม่ย บัว เยียม หม่าน ฝีง บุด๋ง หฒุ ไพ กวั่ง, หย่า ปุน เม่ย บัว เยียม หม่าน กั๊วะ หฒุ เหมียด. เยีย อ๋อย ปุน เม่ย บัว หฒุ ป่าย เหฑ่ง. วั้ว หฒั่น เม่ย บัว ฯฒฯ ฮิ้ว ตุ๊ เยีย เซ เฒี้ยว. ”’
โต่ว หว่า ก๊อง โมอับ
8“เฒี้ยว ทิน-ฮู่ง ฮนั้ง น้าย ก๊อง, ‘เหว่ย หฒุ โมอับ เหธา เสอี ก๊อง, “หมั่ง ม่าะ! ยูดา เญย เฒ้ย-ฟุน เหธา นอมๆ กั๊วะ เญย เมี่ยน ฟี่ ฮนั้ง เญย.”#อิสะยา 15:1—16:14; 25:10-12; เยเลมี 48:1-47; อาโม้ด 2:1-3; เสฟันยา 2:8-11 9เหว่ย น้าย เยีย อ๋อย ปุน โมอับ กั๊บ-จ๋าย กะเฮลน เญย ฒี่ง บ๋าย, เซ โมอับ เต่ย-ปูง เญย ฌัง-หล่าง ฒี่ง, เบดเยซิโม้ด ฒี่ง, บาอันเมโอน ฒี่ง เหธา คีลิยาทาอิม ฒี่ง. 10เยีย อ๋อย เฒาะ โมอับ เมี่ยน เหธา เจี๊ยน อัมโมน เมี่ยน จิว ปุน ตง ปูง เญย ฝีง เหว่ย เป๋น นิ่น บัว เญย ป่วน, ปุน หม่าน กั๊วะ บุด๋ง ไม้ ม่าย หาย เต้า จั๋ง ตุ๊ อัมโมน เมี่ยน. 11เยีย หย่า อ๋อย ตี่ง โมอับ เมี่ยน เญย ฒุ์ย, นิ่น บัว ฯฒฯ ฮิ้ว ตุ๊ เยีย เซ เฒี้ยว. ”’”
โต่ว หว่า ก๊อง เอโดม
12“เฒี้ยว ทิน-ฮู่ง ฮนั้ง น้าย ก๊อง, ‘เหว่ย หฒุ เอโดม เมี่ยน เฉีย เจี์ย เจี๊ยน จ๊าว วิน ปุน ยูดา เญย เฒ้ย-ฟุน, นิ่น บัว จ๊าว วิน โหฒว ต่อง ฒุ์ย โฮล ไห่.’#อิสะยา 34:5-17; 63:1-6; เยเลมี 49:7-22; เอเสเคน 35:1-15; อาโม้ด 1:11-12; โอบาดี 1-14; มาลาคี 1:2-5 13เฒี้ยว ทิน-ฮู่ง ฯฒฯ ฮนั้ง น้าย ก๊อง, ‘เยีย อ๋อย ซูง เยีย เญย ปั์ว โหฒว ปุน เอโดม, เลี่ยม เมี่ยน เลี่ยม แซง-คู้ เหมียด เหฑ่ง. เยีย หย่า อ๋อย ปุน เอโดม หฒุ ป่าย ฮวาง. เยียม เทมาน ฒี่ง มี่ง เถา เดดาน ฒี่ง นิ่น บัว อ๋อย หฒุ หฑุ ด๊าว ไต๋. 14เยีย อ๋อย หล่ง เยีย เญย แปะ ฝีง, อิสะลาเอน เมี่ยน, เญย ปั์ว จ๊าว วิน ปุน เอโดม เมี่ยน. หฒิว เยีย เฉีย เจี์ย, โน์ว เญย, อิสะลาเอน เมี่ยน อ๋อย เยียม เอโดม โหฒว ปุน นิ่น บัว. เอโดม เมี่ยน ฯฒฯ ฮิ้ว ตุ๊ เยีย จ๊าว วิน.’ น้าย เซ เฒี้ยว ทิน-ฮู่ง ก๊อง เญย หว่า.”
โต่ว หว่า ก๊อง ฟีลิสะเตีย
15“เฒี้ยว ทิน-ฮู่ง ฮนั้ง น้าย ก๊อง, ‘หลาย ฟีลิสะเตีย เมี่ยน เฉีย เจี์ย เจี๊ยน, ฑอง เจี๊ยน จ๊าว วิน, เซ เยียม โล์-ฮนอย หนิบ ต้าย เญย วิน,#อิสะยา 14:29-31; เยเลมี 47:1-7; โยเอน 3:4-8; อาโม้ด 1:6-8; เสฟันยา 2:4-7; เสคาลิยา 9:5-7 16เหว่ย น้าย เฒี้ยว ทิน-ฮู่ง ก๊อง, ‘หมั่ง ม่าะ! เยีย อ๋อย ซูง เยีย เญย ปั์ว โหฒว ปุน ฟีลิสะเตีย เมี่ยน. เยีย อ๋อย ไพ กวั่ง เคเลที เมี่ยน หย่า เหมียด เหฑ่ง เยียม ค้อย-เฮลน เหฒ่ง เหฌี่ย เญย เมี่ยน. 17เยีย อ๋อย เฮนี้ยๆ เญย จ๊าว วิน ปุน นิ่น บัว, เฉีย เจี์ย เจี๊ยน โหฒว ปุน นิ่น บัว. เยีย จ๊าว วิน ปุน นิ่น บัว เญย เฒี่ยง โห่ นิ่น บัว ฯฒฯ ฮิ้ว ตุ๊ เยีย เซ เฒี้ยว. ’”
Zur Zeit ausgewählt:
เอเสเคน 25: IuMiTH
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mien Bible (Thai Script) © Thailand Bible Society, 2007
