เอเฟโซ 6

เตี๋ย หม่า เหธา ฝุเจว๊ย เญย เจ๊า-โหล่ว

1ฝุเจว๊ย อ่า, เหว่ย หฒุ เม่ย บัว เสียน เฒี้ยว เยซู, เม่ย บัว อ๋อย หฒุ หมวัง เตี๋ย หม่า เญย หว่า. ฮนั้ง น้าย โหฒว เซ หอบ เญย.#โคโลสี 3:20 2“อ๋อย หฒุ ถง หนิ่ม เม่ย บัว เญย เตี๋ย หม่า.” น้าย เซ ตะเยี้ยด ติ้ว หลี่ง ม่าย แล์ง เญย หว่า เหธา เจี๊ยน.#ธ้วด อียิบ 20:12; หฑั่ม เล์ย-หลัด 5:16 3ฮนั้ง น้าย, “เหว่ย ปุน เม่ย บัว ตุ๊ หลง หย่า เฒี่ยง ตุ๊ เสี่ยว ญ่วน ด๊าว เยียม ป้าม เกน.”

4โหฒว เตีย เญย เมี่ยน อ้า! ไม้ ตู๋ง ธัวะ เม่ย บัว เญย ฝุเจว๊ย เฉีย เจี์ย. อ๋อย หฒุ เอย เฒี้ยว เญย เล์ย ต้อ หลง ฝุเจว๊ย, หฌาว นิ่น บัว หมวัง หว่า.#โคโลสี 3:21

เฒี้ยว เหธา โน่ว เญย เจ๊า-โหล่ว

5โหฒว โน่ว เญย เมี่ยน อ้า! อ๋อย หฒุ กั้ม เหฑีย, ซิน หฒิน เจี๊ยน หมวัง เม่ย บัว น้าย ป้าม เกน เญย เฒี้ยว. หย่า อ๋อย หฒุ หล่ง เหฒียบ ฒัวะ เญย เฮญี้ยว หมวัง ฮนั้ง หมวัง กีตู่ นอ.#โคโลสี 3:22-25 6ไม้ ตู๋ง ขูง ตอง เฒี้ยว เยียม เญย เฒี่ยง โห่ โหฒว หลง เหว่ย ปุน นิ่น บัว อะเฮน้ย ฮนั้ง. อ๋อย หฒุ ฮนั้ง กีตู่ เญย โน่ว นอ, หล่ง เฮญี้ยว เอย ทิน-ฮู่ง เญย หฒะเอ๋ย โหฒว. 7โหฒว กง อ๋อย หฒุ ฌัง เฮมียน ฌัง เหมว่ย เญย โหฒว, ฮนั้ง เถง เฒี้ยว โหฒว นอ, ไม้ เฒ์ย เถง ป้าม เมี่ยน. 8เหว่ย หฒุ เม่ย บัว ฮิ้ว ตุ๊, ไม้ กุ๊น โหฒว โน่ว ไฟ โหฒว ปู๋ง ฆอย เญย เมี่ยน, หาย เต้า โหฒว หาย หญู่ง หลง เญย สี่, เฒี้ยว เยซู ฯฒฯ วิ่น ฒี่ง เหญ่ย ปุน นิ่น.

9โหฒว เฒี้ยว เญย เมี่ยน อ้า! เม่ย บัว หย่า อ๋อย หฒุ ฟี่ ฮนั้ง เญย โหฒว ปุน เม่ย บัว เญย โน่ว. ไม้ ตู๋ง ก๊อง แฮะ นิ่น บัว เหว่ย หฒุ เม่ย บัว ฮิ้ว ตุ๊ เม่ย บัว เหธา นิ่น บัว จวั่ง เต้า เยียม ทิน-ต้อง เญย เฒี้ยว. นิ่น หย่า ไม้ หมั่ง หาย เต้า เญย เฮมียน.#หฑั่ม เล์ย-หลัด 10:17; โคโลสี 3:25; 4:1

ทิน-ฮู่ง ปุน เบ๊าะ จ๋า เญย หวัวะ กิ่น

10เซ้ด เมว์ย เยีย ขวิน เม่ย บัว, เม่ย บัว อ๋อย หฒุ เขา เฒี้ยว เยซู หย่า หล่ง นิ่น เญย ต้ม ชะ เป๋น เมี่ยน เฮ้น เมี่ยน. 11อ๋อย หฒุ เฒาะ ทิน-ฮู่ง ปุน เญย เหยียด ฒู้ง เบ๊าะ จ๋า เญย หวัวะ กิ่น ฒอง เจี๊ยน. เม่ย บัว ฯฒฯ ไฮ่ โซ้ว ตุ๊ ว้วน, แหง่ง เจี๊ยน เมี้ยน เญย ฮู่ง กู๊ ไกว๋ เญย หฒะเอ๋ย. 12เหว่ย หฒุ บัว ไม้ เหธา ป้าม เมี่ยน#6:12 กีก หว่า ก๊อง “ม่าย อ๊อ ม่าย ฑย้าม เญย”. เบ๊าะ จ๋า. เซ เหธา เยียม ด๊าม-ลู่ง โหฒว โฮล เญย, ม่าย หลี่ง ม่าย ชะ กุ๊น น้าย หฮมวัง ไห่ เญย ป้าม เกน วั้ว เต๋ย, เหธา เหยียด ฒู้ง หว่าย ไห่ เญย เมี้ยน เบ๊าะ จ๋า. 13เหว่ย น้าย อ๋อย หฒุ เฒาะ ทิน-ฮู่ง ปุน ต้าย เบ๊าะ จ๋า เญย เหยียด ฒู้ง หวัวะ กิ่น ฒอง เจี๊ยน. เถา วั้ว นอม เอ๊าะ ไห่ เญย ฮนอย เม่ย บัว ฯฒฯ ไฮ่ เหธา วั้ว เต๋ย วิน-วั้ง ต๋อย-เตก. โหฒว ลิ์ว หญู่งๆ เม่ย บัว หธ่อ ไฮ่ เยียม ตุ๊ ว้วน เญย.

14ฮนั้ง หน่าย, โซ้ว ว้วน ม่าะ! หล่ง เฒียน เล์ย โหฒว โหว-ฮลาง ไซ เจี๊ยน จ๊าย. หล่ง โหฒว หอบ เญย เจ๊า โหฒว เฮลียะ-จ๊าบ ปวัง เจี๊ยน หละค้วด.#อิสะยา 11:5; 59:17 15หย่า อ๋อย หฒุ หฒั่นๆ หลิ่ว เล์ย เหฒียง ฒุ่น แป้ง ออน เญย คู้ เฝียน เหว่ย โหฒว เฮ่ ตาบ.#อิสะยา 52:7 16ไม้ ตาน บัวะ น้าย. อ๋อย หฒุ หล่ง เสียน ฟิม โหฒว ท้อง-ป้าย นั้น เจี๊ยน ฯฒฯ ไฮ่ เหมียด ฮยวัง เอ๊าะ วั้ว เต้า ม่าย โต์ว เญย ฟอง-ธัง. 17อ๋อย หฒุ หล่ง เหฌียว เอน โหฒว เฮลียะ-หมั่ว ด๋ง เจี๊ยน. หย่า นั้น เจี๊ยน สีง ลี่ง เญย หฑุ ด๊าว, เซ ต้ง ทิน-ฮู่ง เญย หว่า.#อิสะยา 59:17 18อ๋อย หฒุ เขา สีง ลี่ง หฒั่นๆ เหว่ย หญู่งๆ เจ๊า เต๋า เก๋า โท้ ทิน-ฮู่ง. เหว่ย น้าย อ๋อย หฒุ กีง เจี๊ยน เฮญี้ยว เต๋า เก๋า, ไม้ ตู๋ง กวั่ง. อ๋อย หฒุ ไม้ ตี้ง เลี่ยว เญย เหว่ย ทิน-ฮู่ง เญย หฒวัง เมี่ยน เต๋า เก๋า.

19หย่า เหว่ย เยีย เต๋า เก๋า โท้ ทิน-ฮู่ง เถง เยีย เถา ก๊อง เญย เฒี่ยง โห่ ไฮ่ ม่าย หว่า ก๊อง ฯฒฯ ปู๋ง หล่าง เญย ฒุ่น ย่าง คู้ เฝียน ไม้ แก้ง บย๋าง ย่าง เญย เจ๊า. 20เยีย เหว่ย น้าย คู้ เฝียน โหฒว โต่ว เฝียน เมี่ยน หย่า หฒุ เฮลียะ-หลิ่ม โด้ เจี๊ยน. โท้ เม่ย บัว เถง เยีย โท้ ทิน-ฮู่ง ปุน เยีย ปู๋ง หล่าง เญย ฒุ่น คู้ เฝียน หฒิว เยีย หอบ หฒุ ฒุ่น นอ.

เซ้ด เมว์ย หว่า

21เฒี้ยว เญย เหฒียบ ฒัวะ โปว, บัว ฮนั้ม เญย ก๋อ-โย์ว, ทีคิกัด,#กง-โฒ่ 20:4; 2 ทิโมไท 4:12 อ๋อย บั๋ว หญู่งๆ เม่ย บัว, เม่ย บัว ฯฒฯ ไฮ่ ฮิ้ว ตุ๊ เยีย ฮนั้ง หาย นอ, หย่า ฮิ้ว ตุ๊ เยีย โหฒว หาย หญู่ง.#โคโลสี 4:7-8 22เหว่ย น้าย เยีย พ้าย นิ่น มี่ง เม่ย บัว หน่าย, นิ่น ฯฒฯ ไฮ่ ปุน เม่ย บัว ฮิ้ว ตุ๊ เยีย บัว เยียม น้าย ฮนั้ง หาย นอ. นิ่น หย่า ไฮ่ ออน เม่ย บัว เญย เฮญี้ยว.

23โท้ หฒั่ง เตี๋ย ทิน-ฮู่ง เหธา เฒี้ยว เยซู กีตู่ เหธย แป้ง ออน, ปุน หฒวัง ก๋อ-โย์ว ม่าย เฮญี้ยว ฮนั้ม เมี่ยน หย่า ม่าย เสียน ฟิม. 24โท้ ทิน-ฮู่ง เหธย เอน ปุน เหยียด ฒู้ง ม่าย เฮญี้ยว ฮนั้ม เฒี้ยว เยซู กีตู่ เถา ต้าว เถา เมว์ย เญย เมี่ยน.

Zur Zeit ausgewählt:

เอเฟโซ 6: IuMiTH

Markierung

Kopieren

Vergleichen