อาโม้ด 1
1
1น้าย เซ เหยียด ล่าน เมี่ยน, บั๋ว เห่ว อาโม้ด, ก๊อง เญย หว่า. นิ่น เยียม เทโคอา, โก๋ว ปะกี ยู่ง เมี่ยน บุด๋ง. เดา ไม้ แก้ง ต์ง ฒิ่น ด่าง อี หฮญัง, ต้ง อุดซียา โหฒว ยูดา เญย ฮู่ง,#2 ฮู่ง โต้ว 15:1-7; 2 ฒุ่น ต่อย โต้ว 26:1-23 โยอาด#1:1 โยอาด ไฟ เห่ว เยโฮอาด. เญย ตอน, เยโลโบอัม, โหฒว อิสะลาเอน เญย ฮู่ง วั้ว หฒั่น,#2 ฮู่ง โต้ว 14:23-29 อาโม้ด ปวัด หล่าว ย่าง เญย สี่ ก๊อง อิสะลาเอน เญย เจ๊า.
ทิน-ฮู่ง ตี่ง เว่ย ก๋อม อิสะลาเอน วั้ว เต๋ย กั๊วะ เญย ฒุ์ย
2อาโม้ด ก๊อง,
“ เฒี้ยว เยียม สิโอน เห่ว บุย,
เยียม เยลูซาเลม เห่ว ฮนั้ง บะอง,#โยเอน 3:16
โก๋ว ปะกี ยู่ง เมี่ยน เญย เมี้ย-เธี้ยง ฆาย เหฑ่ง, #1:2 ไฟ “โก๋ว ปะกี ยู่ง เมี่ยน เฑ่า เญี้ยม”.
คานเมน บง- นี้ง เญย เมี้ย หย่า เหญา หมี่ อ๊ะ.”
ซีเลีย กั๊วะ
3 เฒี้ยว ฮนั้ง น้าย ก๊อง,
“เหว่ย ดามัดกัด ป์าม ฒุ์ย ปัว หฑุ่น,
แอ๋ง ป์าม เปยย หฑุ่น, เยีย ฒู้ง ตี่ง ฒุ์ย, ไม้ กวั่ง.
เหว่ย หฒุ นิ่น บัว หล่ง เบ๊าะ เบย้า เญย จา-สี่ #1:3 ม่าย เต๋ย หล่ง เดี๋ยง ไฟ เฮลียะ-ปย๊า เบ๊าะ เบย้า. ม่าย เต๋ย หล่ง กั้น หญู่ง จา-สี่. น้าย เต๋ย จา-สี่ หล่ง เดี๋ยง-เป๊น โหฒว ต้าย, กะเดี๊ย แหมง ม่าย เฮลียะ ไฟ หละเปย๊ย ปุน นิ่น ไหล่. ง่ง ฯฒฯ ทอ เจี๊ยน มี่ง เญว่ย เบย้า.
เบ๊าะ กิเลอาด เมี่ยน. #อิสะยา 17:1-3; เยเลมี 49:23-27; เสคาลิยา 9:1
4เยีย ฯฒฯ ปุน โต์ว เหฌี่ย ฮาซาเอน เญย เปย๊า,
โต์ว ฯฒฯ ปั๊ว ชุย เบนฮาดัด ว้วน ไห่ เญย ติ่น.
5เยีย อ๋อย เบ๊าะ ป่าย ดามัดกัด เญย ฒี่ง แก้ง,
หย่า เหมียด เหฑ่ง อาเวน ฮ์อง #1:5 อาเวน เญย เอ๋ย เล์ย เซ หว่าย ไห่. เญย แปะ ฝีง, #1:5 ม่าย เต๋ย โซว ก๊อง ฮู่ง เตี๋ย.
เหธา เยียม เบดเอเดน นั้น เจี๊ยน ฮู่ง ปย๊า วั้ว เต้า.
ซีเลีย เมี่ยน หย่า อ๋อย หฒุ กว๊าด มี่ง เถา คีอา.”
น้าย เซ เฒี้ยว ก๊อง เญย หว่า.
ฟีลิสะเตีย กั๊วะ
6 เฒี้ยว ฮนั้ง น้าย ก๊อง,
“เหว่ย กาซา ป์าม ฒุ์ย ปัว หฑุ่น,
แอ๋ง ป์าม เปยย หฑุ่น, เยีย ฒู้ง ตี่ง ฒุ์ย, ไม้ กวั่ง.
เหว่ย หฒุ นิ่น บัว กว๊าด เหยียด ฒู้ง แปะ ฝีง มี่ง หย่า จิว ปุน เอโดม เมี่ยน.#อิสะยา 14:29-31; เยเลมี 47:1-7; เอเสเคน 25:15-17; โยเอน 3:4-8; เสฟันยา 2:4-7; เสคาลิยา 9:5-7
7เยีย ฯฒฯ ปุน โต์ว เหฌี่ย กาซา เญย ฒี่ง หลาด,
โต์ว ฯฒฯ ปั๊ว ชุย นิ่น บัว เว่ย ว้วน เญย ติ่น.
8เยีย อ๋อย เหมียด เหฑ่ง อัดโดด เญย เมี่ยน, #1:8 ไฟ ฮู่ง.
เหธา เยียม อัดเคโลน ฒี่ง ม่าย หลี่ง กุ๊น วั้ว เต้า. #1:8 ฟาน หฒะ ฮิบลู หว่า ก๊อง “นั้น ฮู่ง ปย๊า วั้ว เต้า”.
เยีย อ๋อย หล่ง ปั์ว ตี่ง เอโคโลน ฒี่ง เญย ฒุ์ย,
เหฒ่ง เหฌี่ย เญย ฟีลิสะเตีย เมี่ยน หย่า อ๋อย หฒุ เหมียด.”
น้าย เซ เฒี้ยว ทิน-ฮู่ง ก๊อง เญย หว่า.
ไทละ ฒี่ง
9 เฒี้ยว ฮนั้ง น้าย ก๊อง,
“เหว่ย ไทละ ป์าม ฒุ์ย ปัว หฑุ่น,
แอ๋ง ป์าม เปยย หฑุ่น, เยีย ฒู้ง ตี่ง ฒุ์ย, ไม้ กวั่ง,
เหว่ย หฒุ นิ่น เฒาะ เหยียด ฒู้ง แปะ ฝีง จิว ปุน เอโดม,
หย่า ไม้ จั๋ง ก๋อ-โย์ว เหธา ก๋อ-โย์ว เหลียบ เญย แหง่ง หว่า. #อิสะยา 23:1-18; เอเสเคน 26:1—28:19; โยเอน 3:4-8; เสคาลิยา 9:1-4; มัดทาย 11:21-22; ลูกา 10:13-14
10เยีย ฯฒฯ ปุน โต์ว เหฌี่ย ไทละ เญย ฒี่ง หลาด,
โต์ว ฯฒฯ ปั๊ว ชุย นิ่น ว้วน เญย ติ่น.”
เอโดม
11 เฒี้ยว ฮนั้ง น้าย ก๊อง,
“เหว่ย เอโดม ป์าม ฒุ์ย ปัว หฑุ่น,
แอ๋ง ป์าม เปยย หฑุ่น, เยีย ฒู้ง ตี่ง ฒุ์ย, ไม้ กวั่ง.
เหว่ย หฒุ นิ่น หล่ง หฑุ ด๊าว หฒุ่น นิ่น เญย โย์ว, #1:11 ยาโค้บ โหฒว เอซาว เญย โย์ว. เอซาว โหฒว เอโดม เมี่ยน เญย อง-ถาย-แงะ. ยาโค้บ โหฒว อิสะลาเอน เมี่ยน เญย อง-ถาย-แงะ.
หย่า ไม้ ค้อ-เลี่ยน เหยียด เต๋ย.
นิ่น หฒั่นๆ เฉีย เจี์ย เจี๊ยน,
เหยียด ลิ์ว ไม้ ปู๋ง กวั่ง. #อิสะยา 34:5-17; 63:1-6; เยเลมี 49:7-22; เอเสเคน 25:12-14; 35:1-15; โอบาดี 1-14; มาลาคี 1:2-5
12เยีย ฯฒฯ ปุน โต์ว เหฌี่ย เทมาน ฒี่ง,
โต์ว ฯฒฯ ปั๊ว ชุย โบซาลา เว่ย ว้วน เญย ติ่น.”
อัมโมน
13 เฒี้ยว ฮนั้ง น้าย ก๊อง,
“เหว่ย อัมโมน เมี่ยน ป์าม ฒุ์ย ปัว หฑุ่น,
แอ๋ง ป์าม เปยย หฑุ่น, เยีย ฒู้ง ตี่ง ฒุ์ย, ไม้ กวั่ง.
เหว่ย หฒุ นิ่น บัว เยียม กิเลอาด พิ ม่าย เจี๊ยน กู้งว์า เญย มเซียะ ตอน เญย กะเซีย,
เหว่ย ปุน นิ่น บัว เญย กั๊บ-จ๋าย จั๊ง ธ้วด. #เยเลมี 49:1-6; เอเสเคน 21:28-32; 25:1-7; เสฟันยา 2:8-11
14เยีย ฯฒฯ เตี๊ยม โต์ว ปั๊ว ลับบา เญย ฒี่ง หลาด.
โต์ว ฯฒฯ ปั๊ว ชุย ฒี่ง กะญั์ว เว่ย ว้วน เญย ติ่น.
วั้ว ฮนอย ม่าย เบ๊าะ จ๋า เญย เฉีย บุย,
ฮนั้ง ป์อง ต้ม หฑยาว-หฒุ่น.
15นิ่น บัว เญย ฮู่ง อ๋อย หฒุ กว๊าด มี่ง,
เลี่ยม นิ่น เหธา นิ่น เญย ต้ม เจียน.”
น้าย เซ เฒี้ยว ก๊อง เญย หว่า.
Zur Zeit ausgewählt:
อาโม้ด 1: IuMiTH
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mien Bible (Thai Script) © Thailand Bible Society, 2007