2 ทิโมไท 4
4
1เยีย ตอง เจี๊ยน ทิน-ฮู่ง หย่า ตอง เจี๊ยน กีตู่ เยซู, ต้ง อ๋อย เซี้ยม เฒี่ยง เจี๊ยน เญย เมี่ยน เหธา ไต่ มี่ง เญย เมี่ยน, แอ๋ง อ๋อย ต้าย โหฒว เฒี้ยว กุ๊น เมี่ยน วั้ว เต้า, หลงๆ ขวิน เม่ย. 2อ๋อย หฒุ ฒุ่น ทิน-ฮู่ง เญย โต์. ไม้ กุ๊น ม่าย ฉัง ไฟ ไม้ ม่าย ฉัง, ฒู้ง อ๋อย หฒุ ฒุ่น อ๊ะ. อ๋อย หฒุ หฒะเก้ง หล่ง หน่อย หลงๆ เญย หฌาว, พ้อ ปุน เมี่ยน เม่ง แปะ, ก๊อง-เหม, ขวิน เมี่ยน. 3เฒี่ยง โห่ อ๋อย เถา, เมี่ยน อ๋อย แหง่ง ไม้ หมวัง ม่าย กอน-ป๊วน เญย โต์. ขูง อ๋อย เอย กั้น เญย เฮญี้ยว หญุ่น ล์อ ฟิน-แซง ธั้ม เญย ต้าย หฌาว ผุย นิ่น บัว เญย มน่อม อ๋อย หมวัง เญย. 4นิ่น บัว ไม้ อ๋อย หมวัง เฒียน เล์ย ฯฒฯ เหฮลียว มน่อม มี่ง หมวัง ไม้ ม่าย กอน-ป๊วน เญย โก๊ว-ไหล่. 5มป่า เม่ย กั้น เยียม หม่าน สี่ อ๋อย หฒุ กุ๊น เจี๊ยน กั้น, อ๋อย หฒุ เตี๊ย โค้ว หน่าน, อ๋อย หฒุ โหฒว ฒุ่น โต์ เมี่ยน เญย กง. ทิน-ฮู่ง พ้าย เม่ย โหฒว เญย กง, หญู่งๆ อ๋อย หฒุ โหฒว เถา เหฑ่ง.
6เยีย อี้ หฒั่น หฒุ เธี้ย เหฒี่ย. เยีย เล่ย เสย เญย เฒี่ยง โห่ หย่า เถา อ๊ะ. 7เยีย หล่ง เหฑ่ง ชะ เบ๊าะ ลิ์ว หลง เญย จ๋า อ๊ะ. เยีย สาย ถิว หย่า ถิว เถา ต๋อง หมี่ อ๊ะ. เยีย เสียน เญย โต์ เยีย โก๋ว หลง อ๊ะ. 8อี้ หฒั่น ม่าย นอม นี้ง เลี่ยว เจี๊ยน ปุน เยีย, ต้ง ปุน ธีง เยีย โหฒว ตุ๊ หอบ วั้ว หญู่ง นี้ง. เถา วั้ว นอม ฮนอย, แป้ง ฟิม เญย เซี้ยม ฒุ์ย เจียน, เซ เฒี้ยว, อ๋อย เฒาะ วั้ว นอม นี้ง โหฒว ฒี่ง เหญ่ย ปุน เยีย. ไม้ ตาน ปุน เยีย ฮนั้ง, หย่า ปุน เหยียด ฒู้ง ฮนั้ม นิ่น ฯฒฯ ฒั้ว นิ่น แอ๋ง ต้าย วั้ว เต๋ย เมี่ยน.
เปาโล แอ๋ง ก๊อง เต๋ย นิ่น เญย สิ เจ๊ย เจ๊า
9โท้ เม่ย เซี้ยบๆ เญย ต้าย เยีย น้าย โอ่, 10เหว่ย หฒุ เดม้าด#โคโลสี 4:14; ฟีเลโมน 24 ฮนั้ม น้าย ป้าม เกน เญย เจ๊า ฯฒฯ กวั่ง เยีย มี่ง เทสะโลนิกา ฒี่ง หมี่ อ๊ะ. เคเลเซน มี่ง กาลาเทีย แซ้ง, ทิตัด#2 โคลินโท 8:23; กาลาเทีย 2:3; ทิตัด 1:4 หย่า มี่ง ดานมาเทีย. 11ขูง ลูกา#โคโลสี 4:14; ฟีเลโมน 24 เหธา เยีย เยียม น้าย ฮนั้ง. โท้ เม่ย มี่ง ล์อ มาโค,#กง-โฒ่ 12:12,25; 13:13; 15:37-39; โคโลสี 4:10; ฟีเลโมน 24 ต้อ นิ่น เหธา เม่ย เหยียด เจ๊า ต้าย, เหว่ย หฒุ นิ่น ไฮ่ ปอง เยีย โหฒว เญย กง. 12เยีย พ้าย ทีคิกัด#กง-โฒ่ 20:4; เอเฟโซ 6:21-22; โคโลสี 4:7-8 มี่ง เอเฟโซ ฒี่ง หมี่ อ๊ะ. 13เม่ย ต้าย เญย เฒี่ยง โห่, โท้ เถง ต้อ เยีย เญย ต้ม ลุย ต้าย. ต้ม ลุย เยีย จุ๋ย โตอัด ฒี่ง,#กง-โฒ่ 20:6 คานปัด วั้ว, แอ๋ง ต้อ เยีย เญย โซว-หฌุ่น ต้าย โอ่. หล่ง เจี๊ยน เจี๋ย เซ ต้ง หล่ง ด๊บ โหฒว ต้าย วั้ว เต๋ย.
14วั้ว เต้า ต้ง หฒั่ง, อาเล้กซานเด,#1 ทิโมไท 1:20 โหฒว ห่อย เยีย ธั้ม ไห่. เอย นิ่น โหฒว เญย สี่, เฒี้ยว อ๋อย วิ่น ปุน นิ่น.#สีง ฑูง 62:12; โลมา 2:6 15เม่ย กั้น อ๋อย หฒุ บู้ง เจี๊ยน นิ่น, เหว่ย หฒุ นิ่น เหฌี่ย ชะ ล่าน เจี๊ยน บัว เญย โต์.
16เยีย ไจ๊ ตะเยี้ยด หฑุ่น ซิน วั้ว หฒั่น, ไม้ ม่าย หาย เต้า เยียม กะเฮลน เถง เยีย. เหยียด ฒู้ง กวั่ง เยีย. โท้ ทิน-ฮู่ง ไม้ ตู๋ง หล่ง นิ่น บัว เญย ฒุ์ย. 17มป่า เฒี้ยว เหธา เยีย เยียม, ปุน เยีย ม่าย ชะ ฒุ่น เหฑ่ง นิ่น เญย โต์ ปุน หฒวัง จั๋น หมวัง. เยีย หย่า ตุ๊ เยียม เซี่ยน เญย ฑุ่ย แป๋ง เหฌียว ธ้วด ต้าย อ๊ะ. 18เฒี้ยว หย่า อ๋อย เหฌียว เยีย เล่ย ดุ๊ด หญู่งๆ เอ๊าะ สี่, หย่า ต้อ เยีย แป้ง ออน เญย มี่ง เถา นิ่น เญย ทิน-ต้อง กั๊วะ. อ๋อย หฒุ เหยียด ลิ์ว เธง นิ่น เถา หม่าน โก๊ว หม่าน ต่อย. อาเมน.
เซ้ด เมว์ย หว่า
19เยีย จั๋ง เถา ปิดสินลา#4:19 กีก หว่า ก๊อง ปิดซาคา. เหธา อาควินลา#กง-โฒ่ 18:2 หย่า จั๋ง เถา โอเนสิโฟลัด#2 ทิโมไท 1:16-17 วั้ว เปย๊า เมี่ยน. 20เอลัดทัด#กง-โฒ่ 19:22; โลมา 16:23 หธ่อ เยียม โคลินโท ฒี่ง. โตฟีมัด#กง-โฒ่ 20:4; 21:29 ปุ๊ด แป่ง, เยีย ฯฒฯ เลี่ยว นิ่น เยียม มิเลทัด มู้ง. 21โท้ เม่ย เจี๊ยน สี่ ต้าย เยีย น้าย ด่าง ตง-เกน ฮนอย โอ่.
ยูบูลัด, ปูเดน, ลีนัด, คาลาวเดีย เหธา เสียน เยซู เญย หฒวัง ก๋อ-โย์ว จั๋ง เถา เม่ย.
22โท้ เฒี้ยว เหธา เม่ย เยียม#4:22 กีก หว่า ก๊อง “เหธา เม่ย เญย ลี่ง ว่วน เยียม”. หย่า โท้ นิ่น เหธย เอน ปุน เม่ย บัว.
Zur Zeit ausgewählt:
2 ทิโมไท 4: IuMiTH
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mien Bible (Thai Script) © Thailand Bible Society, 2007
