1 ทิโมไท 4
4
หฌาว จ๊า เล์ย เญย ฟิน-แซง
1สีง ลี่ง เม่งๆ เญย ก๊อง, ฆะฮ้า ฮี้ง ม่าย เต๋ย เมี่ยน อ๋อย กวั่ง นิ่น บัว เสียน เญย เจ๊า, หมวัง เมี้ยน ดั๊ว นิ่น บัว หย่า กัน เมี้ยน หฌาว เญย เจ๊า. 2เป้ย หฒะ เฮญี้ยว ฌ้วด เญย เมี่ยน หล่ง ก๊อง-แปะ เญย หว่า ดั๊ว เหว่ย หฒุ นิ่น บัว เญย ล่าง ฟิม ฮนั้ง ปั๊ว เฮลียะ น้าด ไต่ หมี่ อ๊ะ. 3นิ่น บัว ไม้ ปุน เมี่ยน ตอง จา, หย่า หัด เมี่ยน ม่าย เต๋ย หญั่น ฮบ อ๋อย หฒุ เก่. มป่า น้าย เต๋ย หญั่น ฮบ ทิน-ฮู่ง เหฒย ต้าย ปุน เสียน เญย เหธา ฮิ้ว ตุ๊ เฒียน เล์ย เญย เมี่ยน แล์ง ฒี่ง ลิ์ว, หญั่น ตุ๊ อ๊ะ. 4เหว่ย หฒุ ทิน-ฮู่ง เหฒย ต้าย เญย กะน้าย, หญู่งๆ เซ หลง เญย, ไม้ หฒุ เฆ่ม หาย หญู่ง. ตะฟ่าน แล์ง ฒี่ง ลิ์ว ทิน-ฮู่ง, หญู่งๆ หญั่น ตุ๊ เญย, 5เหว่ย หฒุ ทิน-ฮู่ง เญย หว่า เหธา บัว เต๋า เก๋า เญย หว่า ปุน หญู่งๆ ธีง-เหฑ่ง ต้าย.
กีตู่ เยซู เญย คู้ โปว
6สี ก๊อง เม่ย เฒาะ น้าย เต๋ย เจ๊า บั๋ว ก๋อ-โย์ว บัว, เม่ย ฯฒฯ โหฒว กีตู่ เยซู เญย คู้ โปว. หย่า ม่าย เม่ย เสียน เญย เฒียน เล์ย เหธา เม่ย กัน เญย คู้ โต์-เล์ย ยู์ง กั้น เญย ลี่ง ว่วน. 7อ๋อย หฒุ ซิ้ม ฆอย ไม้ เสียน ทิน-ฮู่ง วั้ว เต๋ย เมี่ยน เญย โก๊ว-ไหล่. หย่า อ๋อย หฒุ โหะ หลิ่น กัน หลง ทิน-ฮู่ง. 8โหะ หลิ่น ซิน หฒั่ง เญย ชะ ไฮ่ เถง ตุ๊ หญู่ง ป๊า. มป่า โหะ หลิ่น กัน หลง ทิน-ฮู่ง เหว่ย หญู่งๆ ม่าย ลั่ม หล่ง, หย่า เถง น้าย เสย เหธา ฆะฮ้า ฮี้ง วั้ว เสย.
9น้าย โจ๋ว หว่า หฒะเก้ง เฒียน เญย, ผุย ตุ๊ หม่าน เมี่ยน เสียน. 10เหว่ย น้าย เยีย บัว โหฒว กง โค้ว, เตี๊ย โค้ว, เหว่ย หฒุ เยีย บัว ม่าย ลั่ม ฮนั้ม ต๋อง เยียม เฒี่ยง เจี๊ยน เญย ทิน-ฮู่ง, นิ่น โหฒว หม่าน เมี่ยน เญย เหฌียว เฒี้ยว, หย่า เหล่ง เจ๊ย เญย โหฒว เสียน นิ่น วั้ว เต๋ย เมี่ยน เญย เหฌียว เฒี้ยว.
11น้าย เต๋ย สี่ เม่ย อ๋อย หฒุ หัด เมี่ยน, หฌาว เมี่ยน. 12ไม้ ตู๋ง ปุน หาย เต้า หลาย เม่ย หฮญัง-เจ๊ย หลุน หมั่ง ไฝ เม่ย. ต๋าว หฑวน อ๋อย หฒุ โหฒว หญู่ง เฒ้ย หลง, ปุน เสียน เญย หฒวัง เมี่ยน หฒวด เม่ย ก๊อง เญย หว่า เหธา โหฒว เญย สี่, เม่ย ฮนั้ง หาย นอ ฮนั้ม เมี่ยน, ฮนั้ง หาย นอ เสียน เยซู หย่า โหฒว ธีง-เหฑ่ง เมี่ยน. 13อ๋อย หฒุ หล่ง เฮญี้ยว ตอง หฒวัง โตะ กีง-โซว, ฒุ่น โต์, หฌาว เมี่ยน, หย่า โหฒว เจี๊ยน มี่ง ฒั้ว เยีย เถา เม่ย หน่าย. 14ไม้ ตู๋ง ปู๋ง หลอ เม่ย ฒิบ ต้าย เญย ฒี่ง เหญ่ย, ต้ง หฒวัง เมี่ยน โก๋ มาน เจี๊ยน เม่ย, หย่า ม่าย เมี่ยน โต่ว ทิน-ฮู่ง เญย หว่า วั้ว หฒั่น เม่ย ตุ๊ ต้าย เญย ฒี่ง เหญ่ย. 15น้าย เต๋ย เจ๊า อ๋อย หฒุ เหลียบ เฟียม เหลียบ เอ๋ย จอม เฮญี้ยว โหฒว, เหว่ย ปุน หฒวัง เมี่ยน ปวัด เม่ย เปียะ โป่ว. 16อ๋อย หฒุ ไฝ ฟิม หลงๆ เญย โก๋ว เจี๊ยน กั้น เหธา กั้น หฌาว เญย โต์-เล์ย. เม่ย หล่ง เฮญี้ยว โหฒว นอ, เม่ย ฯฒฯ เหฌียว กั้น หย่า เหฌียว หมวัง เม่ย เญย หว่า วั้ว เต๋ย เมี่ยน.
Zur Zeit ausgewählt:
1 ทิโมไท 4: IuMiTH
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mien Bible (Thai Script) © Thailand Bible Society, 2007