1 ซามูเอน 22
22
ดาวิด เยียม อาดุนลัม เหธา มิดปา
1ดาวิด ธ้วด กัด ฒี่ง เปย๋า มี่ง เยียม อาดุนลัม แบ๋ง-ค้วด. นิ่น เญย ก๋อ บัว เหธา นิ่น เญย เตีย เญย เปย๊า ฒง เมี่ยน หมวัง ไฮ์, นิ่น บัว ฯฒฯ มี่ง วั้ว ล์อ นิ่น.#สีง ฑูง 57; 142 2ตะฟ่าน หฒุ โค้ว เญย เมี่ยน เหธา เฉียม แฒะ เญย เมี่ยน เหธา ไม้ ปวั๊ง เฮญี้ยว เญย เมี่ยน ต้าย ล์อ นิ่น. ดาวิด โหฒว วั้ว เต๋ย หฒวัง เมี่ยน เญย เปย๊ย เฒ้ย. ต้าย กัน นิ่น เญย เมี่ยน ม่าย เล่ย ไม้ โก เฝย แป๊ะ เต้า.
3ดาวิด ฯฒฯ ธ้วด วั้ว นอม ต๋อง มี่ง โมอับ กั๊วะ, มิดปา วั้ว นอม ต๋อง. นิ่น ก๊อง บั๋ว โมอับ เญย ฮู่ง เตี๋ย, “โท้ ปุน เยีย เญย เตีย มา ต้าย เหธา เม่ย เยียม น้าย, ฒั้ว เถา เยีย ฮิ้ว ตุ๊ ทิน-ฮู่ง อ๋อย เหว่ย เยีย โหฒว หาย หญู่ง.” 4ดาวิด ฯฒฯ ต้อ นิ่น เญย เตีย มา ต้าย เหธา โมอับ เญย ฮู่ง เยียม. ตะฟ่าน ดาวิด หธ่อ ปี๋ง เจี๊ยน เยียม เญย เฒี่ยง โห่,#22:4 ไฟ “เยียม เว่ย ว้วน เญย ต๋อง,” ไฟ เยียม แบ๋ง-ค้วด. นิ่น เญย เตีย มา เหธา โมอับ เญย ฮู่ง เยียม. 5โต่ว หว่า เมี่ยน, กาด, ก๊อง บั๋ว ดาวิด, “เม่ย ไม้ ตู๋ง เยียม น้าย อ๊ะ. ก๊าน มี่ง ยูดา เต่ย-ปูง เยียม.” ดาวิด ฯฒฯ เล่ย ฆอย วั้ว นอม ต๋อง มี่ง เยียม เฮเล้ดที หล่ม.
เซาโล ไต๋ โน้บ มู้ง เญย ไซ เมี่ยน
6เซาโล ไฮ์ ก๊อง ม่าย เมี่ยน ตุ๊ ปวัด ดาวิด เหธา กัน นิ่น เญย เมี่ยน. วั้ว หฒั่น เซาโล เยียม กิเบอา เต่ย, เฒว์ย เจี๊ยน ฒอง กู้ หงว่าย เญย ลิ่น เลี์ยว เดี๋ยง กะเดี๊ย นั้น เจี๊ยน ธัง. นิ่น เญย โปว โซ้ว เจี๊ยน เว่ย ก๋อม นิ่น. 7เซาโล ฯฒฯ ก๊อง บั๋ว โซ้ว เว่ย ก๋อม นิ่น วั้ว เต๋ย โปว, “เบนยามิน เมี่ยน อ้า! หมวัง ม่าะ! เจียดซี เญย ตอน อ๋อย เฒาะ ลี่ง เต่ย เหธา อะหงุ่น หฮวีง จิว ปุน เม่ย บัว เก๊าะ-เมี่ยน ไฟ? นิ่น อ๋อย เหลียบ เม่ย บัว เก๊าะ-เมี่ยน โหฒว แปง-เปย๊ย กุ๊น เหยียด ธิน เต้า แปง ไฟ เหยียด แป๊ะ เต้า แปง ไฟ? 8เซ เหว่ย น้าย เม่ย บัว หธีง ต้าย เป่ย เดี๊ย ธ่าง ล่าง อ๋อย ห่อย เยีย? เยีย เญย ตอน เหธา เจียดซี เญย ตอน ต๊า โล์-แกง เญย เฒี่ยง โห่ ไม้ ม่าย หาย เต้า บั๋ว เยีย, เถง เยีย เฑ่า. หย่า ไม้ ม่าย หาย เต้า ปุน เยีย ฮิ้ว ตุ๊ เยีย เญย ตอน โธะ เยีย เญย โปว ห่อย เยีย, ฒั้ว เจี๊ยน เฒาะ เยีย ฮนั้ง อี้ ฮนอย นอ.”
9เอโดม เมี่ยน, โดเอก โซ้ว นิด เจี๊ยน เซาโล เญย โปว. นิ่น ก๊อง, “เยีย ปวัด เจียดซี เญย ตอน เยียม โน้บ วั้ว, ล์อ อาหิทู้บ เญย ตอน, อาหิเมเล้ก.#1 ซามูเอน 21:7-9; สีง ฑูง 52 10อาหิเมเล้ก เถง ดาวิด หน่าย เฒี้ยว หย่า ปุน หญั่น ฮบ เหธา ฟีลิสะเตีย เมี่ยน, โกลิอัด, เญย หฑุ ด๊าว นิ่น.”
11เซาโล ฯฒฯ พ้าย เมี่ยน มี่ง เห่ว อาหิทู้บ เญย ตอน, อาหิเมเล้ก ไซ เมี่ยน เหธา อาหิเมเล้ก เญย เตีย เญย โต้ว ฒง เมี่ยน, ต้ง เยียม โน้บ โหฒว ไซ เมี่ยน วั้ว เต๋ย. นิ่น บัว เหยียด ฒู้ง ฯฒฯ ต้าย ฮู่ง เตี๋ย วั้ว. 12เซาโล ฯฒฯ ก๊อง, “อาหิทู้บ เญย ตอน อ้า! หมวัง ม่าะ!”
อาหิเมเล้ก เตา เซาโล, “เยีย เญย เฒี้ยว อ้า! เยีย เยียม น้าย โอ่.”
13เซาโล ก๊อง บั๋ว นิ่น, “เม่ย เหว่ย หาย ติ่ว เหธา เจียดซี เญย ตอน กั๊บ ฒุ้น ต่อย ธ่าง ล่าง ห่อย เยีย? เม่ย ปุน ฌั้ว เหธา หฑุ ด๊าว นิ่น, หย่า เถง นิ่น หน่าย ทิน-ฮู่ง, นิ่น ฯฒฯ แหง่ง เยีย, ฒั้ว เจี๊ยน อ๋อย เฒาะ เยีย ฮนั้ง อี้ ฮนอย นอ.”
14อาหิเมเล้ก เตา ฮู่ง เตี๋ย, “เยียม ฮู่ง เตี๋ย เญย หฒวัง โปว บุด๋ง วั้ว เต๋ย โหฒว เจียน เญย เมี่ยน ม่าย หาย เต้า ไฮ่ ด่ง ฮู่ง เตี๋ย เญย เซียะ-ล่าง, ดาวิด, เฮญี้ยว หฒีง? นิ่น โหฒว โก๋ว ฮู่ง เตี๋ย วั้ว เต๋ย แปง เญย เปย๊ย. เยียม เม่ย เญย เปย๊า ฒง กะญั์ว เญย เหยียด ฒู้ง เมี่ยน หย่า ท่าย นิ่น. 15วั้ว ฮนอย เยีย เถง นิ่น หน่าย ทิน-ฮู่ง ต้าว หฑุ่น ไฟ? ฒู้ง ไม้ เฒ์ย? โท้ ฮู่ง เตี๋ย ไม้ ตู๋ง ตี่ง เยีย, เม่ย เญย โปว ไฟ เม่ย เญย โปว เญย เตีย เญย โต้ว ฒง หาย เต้า ม่าย เญย ฒุ์ย, เหว่ย หฒุ เยีย, เม่ย เญย โปว, ไม้ ฮิ้ว หาย หญู่ง เถา น้าย เต๋ย สี่.”
16ฮู่ง เตี๋ย ก๊อง, “อาหิเมเล้ก อ้า! เม่ย ด่ง หาย ฒู้ง อ๋อย หฒุ ไต่ อ๊ะ, เลี่ยม เม่ย เหธา เม่ย เญย เตีย เญย โต้ว ฒง เมี่ยน.” 17ฮู่ง เตี๋ย ฯฒฯ พ้าย โซ้ว เจี๊ยน นิ่น เญย กะเฮลน วั้ว เต๋ย ซิน-เฮลน เมี่ยน, “ฮวิน มี่ง ไต๋ เหฑ่ง เฒี้ยว เญย น้าย เต๋ย ไซ เมี่ยน ม่าะ! เหว่ย หฒุ นิ่น บัว เถง ดาวิด วั้ว ปูง. นิ่น บัว ฮิ้ว ตุ๊ ดาวิด เปย๋า, หย่า ไม้ มี่ง บั๋ว เยีย.”
มป่า ฮู่ง เตี๋ย เญย ซิน-เฮลน เมี่ยน ไม้ คั้ง เหฌี่ย ปั์ว ไต๋ เฒี้ยว เญย ไซ เมี่ยน.
18ฮู่ง เตี๋ย ฯฒฯ ก๊อง บั๋ว โดเอก, “เม่ย มี่ง ไต๋ วั้ว เต๋ย ไซ เมี่ยน ม่าะ!” เอโดม เมี่ยน, โดเอก, ฯฒฯ มี่ง ไต๋ วั้ว เต๋ย ไซ เมี่ยน. วั้ว ฮนอย นิ่น หล่ง หฑุ ด๊าว ไต๋ ฒุ ล่าม่า เดีย เอโฟ้ด เญย เมี่ยน เป๊ด เหฒียบ ฮม์ เต้า. 19นิ่น หล่ง หฑุ ด๊าว แอ๋ง ไต๋ ไซ เมี่ยน เญย มู้ง, โน้บ, เญย มจั่ง มเซียะ, ฝุเจว๊ย เหธา กู้งว์า, เลี่ยม ง่ง, ล่อ เหธา ปะกี ยู่ง. 20มป่า ม่าย เต้า อาหิทู้บ เญย ฟุน, อาหิเมเล้ก เญย ตอน, บั๋ว เห่ว อาบียาทา, เปย๋า ดุ๊ด ฯฒฯ มี่ง เถา ดาวิด วั้ว. 21อาบียาทา หย่า ก๊อง บั๋ว ดาวิด, เซาโล ไต๋ เฒี้ยว เญย ไซ เมี่ยน หมี่ อ๊ะ. 22ดาวิด ก๊อง บั๋ว อาบียาทา, “วั้ว ฮนอย เยีย ปวัด เอโดม เมี่ยน, โดเอก, เยียม วั้ว, เยีย ฮิ้ว ตุ๊ นิ่น ด่ง หาย ฒู้ง อ๋อย บั๋ว เซาโล. เซ หลาย เยีย เม่ย เญย เตีย เญย โต้ว ฒง เมี่ยน หธีง หฒุ ไต๋ ไต่ เหฑ่ง. 23เม่ย กุ๊น เหธา เยีย เยียม น้าย อ๊ะ. ไม้ ตู๋ง กั้ม เหฑีย เหว่ย หฒุ อ๋อย เฒาะ เม่ย เญย แหม่ง วั้ว เต้า หย่า อ๋อย เฒาะ เยีย. เม่ย เหธา เยีย เยียม น้าย นอ, เม่ย ฯฒฯ เปย๋า ดุ๊ด แหม่ง อ๊ะ.”
Zur Zeit ausgewählt:
1 ซามูเอน 22: IuMiTH
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mien Bible (Thai Script) © Thailand Bible Society, 2007