Roomankoo'en 14
14
To' on pel woɓɓe
1Njaɓee goonɗinɗo mo goonɗinki muuɗum semmbiɗaa, to' on pel mo dow ko o nyumata. 2Kiila, goɗɗo goonɗinki muuɗum hokkii ɗum nyaamgo koo ɗume, ammaa mo goonɗinki ki semmbiɗaa, naa koo nduye nyaamdu nyaamataa. 3Nyaamoowo koo nduye nyaamdu, to' yavo mo nyaamataa koo nduye nyaamdu. Kadimaa mo nyaamataa koo nduye nyaamdu, to' sernan nyaamoowo koo nduye nyaamdu, gam kanko maa Allah jaɓii mo. 4Aan a moye faa cernanaa kuwanoowo goɗɗo ? Ay jawmiiko tan waawi vi'igo kuugal ma'ako vooɗii koo vooɗaay. O do''ataako, gam Jawmiraawo e woodi baawɗe jogaago mo o daroo.
5Goɗɗo hooƴii woɗnde nyalnde e ɓuri woɗnde darajja, goɗɗo boo hooƴii nyalɗe fuu e poti. Sey koo moye fuu daroo dow anndal muuɗum. 6Kooyɗo woɗnde nyalnde e ɓuri woɗnde, o waɗii ɗum gam teddingo Jawmiraawo. Nyaameyɗo koo nduye nyaamdu, waɗii ɗum gam teddingo Jawmiraawo, emo yetta Allah. Mo nyaamataa koo nduye nyaamdu boo waɗii ɗum gam teddingo Jawmiraawo emo yetta Allah, kanko maa. 7Sabu nder meeɗen walaa poofeyɗo gam hoore muuɗum tan, noon boo walaa maayeyɗo gam hoore muuɗum. 8To faa nii en poofa, eɗen poofa gam Jawmiraawo. To en maayii boo, gam Jawmiraawo maayɗen. Gam ma'ajum, koo poofɗen, koo maayɗen, Jawmiraawo jeyi en. 9Kanjum waɗi Yeesu maayi ummitii, gam faa o laatoo Jawmiraawo maayɓe e foofeyɓe. 10To noon, ko jeyi aan pelantaa bannda goonɗinɗo ? Koo kay, ko jeyi njavortoɗaa mo ? Wanaa en fuu en ndaroto yeeso Allah, o sernana en naa ? 11Gam ɗum vinndaama :
« Jawmiraawo vi'i :
Mi hunorake hoore am,
koo moye no diccoto yeeso am,
koo moye no saaydiney miin woni Allah. »#14.11 Ecaaya 45.23
12Noon koo moye meeɗen toontorantoo hoore muuɗum yeeso Allah. 13Gam ma'ajum, en ngoor felfeltirgo hakkunde meeɗen.
Ta'a waɗ ko do''ata bannda nder hakke
Ko ɓuri fuu, en kooy anniya nder ɓerɗe meeɗen en kuwataa ko fergata banndiraaɓe meeɗen, ɓe ndo''o. 14Nder kawtal am e Yeesu Jawmiraawo, mi tabbitinii walaa nyaamdu harmundu yeeso Allah. Ammaa to goɗɗo nyumii woɗndu nyaamdu no harmundu, kanko ndu harmani. 15To ko nyaamataa mettinii ɓernde bannda goonɗinɗo, ndeen a tokkaay laawol yiɗde. Ta'a woor ko nyaamataa laatoo daliila halkere bannda mo *Almasiifu maayi gam muuɗum. 16Ta'a woor goɗɗo hallina ko laatii booɗɗum e maaɗa. 17Gam *laamu Allah naa ɗum haala nyaam e yar, ammaa ɗum haala aadilaaku e jam e velvelo ko *Ruhu Ceniiɗo hokkata. 18Kuuranoowo Almasiifu e iri ngu'u gikku no veley Allah, yimɓe boo no teddiney mo.
19Gam ma'ajum, en ti'ino yillaaago ko waddata jam hakkunde meeɗen, e ko semmbiɗinta goonɗinki koo moye meeɗen. 20Ta'a bonnu kuugal Allah gam nyaamdu. E goonga, koo nduye nyaamdu e halalti, ammaa ɗum vooɗaa nyaamaa nyaamdu waɗeyndu bannda goonɗinɗo yana nder hakke. 21Ɗum ɓurii vooɗgo ta'a nyaam kusel, ta'a yar *innaboojam, e koo ɗume ko do''ata bannda nder hakke. 22Woor ko nyumataa dow fii ɗuum fuu laatoo hakkunde maaɗa e Allah. Barkaa laatanoo mo nyumo muuɗum felaay ɗum dow ko resi no booɗɗum. 23Ammaa baɗɗo cekkaa dow ko nyaamata, to o nyaamii ɗum, Allah no sernaney mo, gam o nyaamraay ɗum e goonɗinki. Koo ɗume ko waɗaaka e goonɗinki no hakke.
Zur Zeit ausgewählt:
Roomankoo'en 14: fuq
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2015, Wycliffe Bible Translators, Inc. All rights reserved.
Roomankoo'en 14
14
To' on pel woɓɓe
1Njaɓee goonɗinɗo mo goonɗinki muuɗum semmbiɗaa, to' on pel mo dow ko o nyumata. 2Kiila, goɗɗo goonɗinki muuɗum hokkii ɗum nyaamgo koo ɗume, ammaa mo goonɗinki ki semmbiɗaa, naa koo nduye nyaamdu nyaamataa. 3Nyaamoowo koo nduye nyaamdu, to' yavo mo nyaamataa koo nduye nyaamdu. Kadimaa mo nyaamataa koo nduye nyaamdu, to' sernan nyaamoowo koo nduye nyaamdu, gam kanko maa Allah jaɓii mo. 4Aan a moye faa cernanaa kuwanoowo goɗɗo ? Ay jawmiiko tan waawi vi'igo kuugal ma'ako vooɗii koo vooɗaay. O do''ataako, gam Jawmiraawo e woodi baawɗe jogaago mo o daroo.
5Goɗɗo hooƴii woɗnde nyalnde e ɓuri woɗnde darajja, goɗɗo boo hooƴii nyalɗe fuu e poti. Sey koo moye fuu daroo dow anndal muuɗum. 6Kooyɗo woɗnde nyalnde e ɓuri woɗnde, o waɗii ɗum gam teddingo Jawmiraawo. Nyaameyɗo koo nduye nyaamdu, waɗii ɗum gam teddingo Jawmiraawo, emo yetta Allah. Mo nyaamataa koo nduye nyaamdu boo waɗii ɗum gam teddingo Jawmiraawo emo yetta Allah, kanko maa. 7Sabu nder meeɗen walaa poofeyɗo gam hoore muuɗum tan, noon boo walaa maayeyɗo gam hoore muuɗum. 8To faa nii en poofa, eɗen poofa gam Jawmiraawo. To en maayii boo, gam Jawmiraawo maayɗen. Gam ma'ajum, koo poofɗen, koo maayɗen, Jawmiraawo jeyi en. 9Kanjum waɗi Yeesu maayi ummitii, gam faa o laatoo Jawmiraawo maayɓe e foofeyɓe. 10To noon, ko jeyi aan pelantaa bannda goonɗinɗo ? Koo kay, ko jeyi njavortoɗaa mo ? Wanaa en fuu en ndaroto yeeso Allah, o sernana en naa ? 11Gam ɗum vinndaama :
« Jawmiraawo vi'i :
Mi hunorake hoore am,
koo moye no diccoto yeeso am,
koo moye no saaydiney miin woni Allah. »#14.11 Ecaaya 45.23
12Noon koo moye meeɗen toontorantoo hoore muuɗum yeeso Allah. 13Gam ma'ajum, en ngoor felfeltirgo hakkunde meeɗen.
Ta'a waɗ ko do''ata bannda nder hakke
Ko ɓuri fuu, en kooy anniya nder ɓerɗe meeɗen en kuwataa ko fergata banndiraaɓe meeɗen, ɓe ndo''o. 14Nder kawtal am e Yeesu Jawmiraawo, mi tabbitinii walaa nyaamdu harmundu yeeso Allah. Ammaa to goɗɗo nyumii woɗndu nyaamdu no harmundu, kanko ndu harmani. 15To ko nyaamataa mettinii ɓernde bannda goonɗinɗo, ndeen a tokkaay laawol yiɗde. Ta'a woor ko nyaamataa laatoo daliila halkere bannda mo *Almasiifu maayi gam muuɗum. 16Ta'a woor goɗɗo hallina ko laatii booɗɗum e maaɗa. 17Gam *laamu Allah naa ɗum haala nyaam e yar, ammaa ɗum haala aadilaaku e jam e velvelo ko *Ruhu Ceniiɗo hokkata. 18Kuuranoowo Almasiifu e iri ngu'u gikku no veley Allah, yimɓe boo no teddiney mo.
19Gam ma'ajum, en ti'ino yillaaago ko waddata jam hakkunde meeɗen, e ko semmbiɗinta goonɗinki koo moye meeɗen. 20Ta'a bonnu kuugal Allah gam nyaamdu. E goonga, koo nduye nyaamdu e halalti, ammaa ɗum vooɗaa nyaamaa nyaamdu waɗeyndu bannda goonɗinɗo yana nder hakke. 21Ɗum ɓurii vooɗgo ta'a nyaam kusel, ta'a yar *innaboojam, e koo ɗume ko do''ata bannda nder hakke. 22Woor ko nyumataa dow fii ɗuum fuu laatoo hakkunde maaɗa e Allah. Barkaa laatanoo mo nyumo muuɗum felaay ɗum dow ko resi no booɗɗum. 23Ammaa baɗɗo cekkaa dow ko nyaamata, to o nyaamii ɗum, Allah no sernaney mo, gam o nyaamraay ɗum e goonɗinki. Koo ɗume ko waɗaaka e goonɗinki no hakke.
Zur Zeit ausgewählt:
:
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2015, Wycliffe Bible Translators, Inc. All rights reserved.