Roomankoo'en 11
11
Yurmeende Allah dow Isiraa'iila'en
1Emi ƴama, Allah hibinii yimɓe muuɗum naa ? A'aa, o hibinaay ɓe. Wanaa miin e hoore am mi *Isiraa'iilankeejo, taan *Ibraahim mo lenyol Bennyamin ? 2Allah hibinaay yimɓe muuɗum ɓe o suɓani hoore ma'ako ila fuɗɗoode duuniyaaru. Kiimtee ko *Deftere vi'i dow Iliya, nde o wullii Isiraa'iila'en to Allah. 3O vi'i : « Jawmiraawo, ɓe mbarii annabo'en maaɗa, ɓe pusii cakkirle maaɗa. Miin tan hori, ammaa eɓe ndaara wargo yam. »#11.3 1 Laamiiɓe 19.10,14 4Noye Allah toontorii mo ? Allah vi'ii : « E horanii yam worɓe dubuuje njoveeɗiɗo (6 000) ɓe meeɗaay sujjidango gumki bi'eteeki Ba'al. »#11.4 1 Laamiiɓe 19.18 5Noon boo ɗum va'i nder ndu'u jaamaniiru, e horii yimɓe seɗɗa ɓe Allah suɓri enɗam muuɗum. 6To enɗam ma'ako o suɓri ɓe, ndeen en anndi o suɓraay ɓe kuuɗe maɓɓe. Gam kul emo suɓra yimɓe kuuɗe mu''en, ndeen enɗam ma'ako laatataako enɗam kadi.
7To noon, ɗume laatii ? Isiraa'iila'en keɓaay ko ngilloto. Sey ɓe Allah suɓi nder maɓɓe tan keɓi ɗum, ammaa horiiɓe, ko'e mu''en njo'orinaama. 8Noon no *Deftere vi'i :
« Allah warii ɓerɗe maɓɓe.
O vumnii gite maɓɓe, o fahaɗinii noppi maɓɓe.
Noon ɗum laatii faa hannde. »#11.8 Tokkitaaki Tawreeta 29.4 ; Ecaaya 29.10
9Dawda boo vi'i :
« Woor nyaamduuji maɓɓe laatanoo ɓe teppinirgol e fergere,
ɗum laatanoo ɓe do''ere, e riiba kuuɗe maɓɓe kalluɗe.
10Gite maɓɓe mbuma ɓe keppa yi'igo,
torraa naawka laatanoo ɓe donngal faa abadaa. »#11.9-10 Jabuura 69.22-23
11To noon mi ƴamey, do''ere nde Yahuudu'en ndo''ii ɓe ummitataako naa ? Naa noon sam ! Ammaa do''ere maɓɓe waɗi *yimɓe ɓe laataaki Yahuudu'en keɓi kisndam, gam faa nalwiiru Yahuudu'en umminee. 12To boofi ɗi Yahuudu'en mbaɗi mbarkiɗinii yimɓe duuniyaaru, do''ere maɓɓe boo barkiɗinii yimɓe ɓe laataaki Yahuudu'en, ndeen to Yahuudu'en ɓeen fuu tuubi, ay ndeen barkaa kaan no ɓurey noon to woɗɗi.
Kisndam yimɓe ɓe laataaki Yahuudu'en
13Jo'oni emi volida e mooɗon, onon *yimɓe ɓe laataaki Yahuudu'en. Nde laatii mi lilaaɗo to mooɗon, mi mantorto kuugal am, 14gam mi ummina nalwiiru banndiraaɓe am Yahuudu'en, faa mi hisna woɓɓe maɓɓe to ɗum heɓoto. 15To kibineeki maɓɓe waddii ciryootiral Allah e duuniyaaru, ndeen noye ɗum laatotoo to o jaɓtake ɓe ? Ɗum laatoto kama maayɗo fintii.
16To rottaande arande sakkaama Allah, ndeen dottaale koriiɗe fuu laatake cenaaɗe. To ɗum hokkii Allah ɗaɗi lekki, ndeen licce ma'aki maa ɗe ma'ako. 17Yahuudu'en e nanndi e *jaytunhi aawaaki, ki Allah saltii goɗɗe licce muuɗum, o jaaɓni goɗɗe licce ɗe jaytunhi ladde dow ma'aki, gam ɗe keɓa barkaa ma'aki. Onon yimɓe ɓe laataaki Yahuudu'en, onon ngoni licce ɗeen ɗe jaytunhi ladde. 18Gam ma'ajum to' on manto, mbi'on on ɓurii ɗen toon licce caltaaɗe. To maa on mantake, to' on njeggit naa onon njogii ɗaɗi, ammaa ɗaɗi ɗiin njogii on.
19Ɗum baɗoojum mbi'on : « Licce ɗeen caltaama gam ɗum jaaɓna min ɗoon to ɗe ngonno. » 20Ɗum goonga, ɓe caltaama e lekki kiin gam ɓe ngoonɗinaay, ammaa aan a jaaɓnaama e ma'aki gam a goonɗinii. Gam ma'ajum ta'a mawnin hoore maaɗa, ammaa hul Allah. 21Gam to Allah accitanaay Yahuudu'en laatiiɓe licce dime, aan a tammii o accitante naa ? 22Nder ma'ajum, en ngi'ii enɗam Allah e kittal ma'ako. O kittuɗo to ɓeen saliiɓe tokkugo mo, ammaa o enɗuɗo to maaɗa, aan goonɗinɗo mo, to a ti'inake goonɗingo kanko enɗoowo. To naa noon, aan boo a saltete e lekki kiin. 23Yahuudu'en boo, to njoofii ciya goonɗinki mu''en, Allah no jaaɓnitoto ɓe e lekki kiin, gam emo woodi baawɗe jaaɓnitaago ɓe. 24To aan mo asuli jaytunhi ladde, a jaaɓnaama e jaytunhi ki a hawtaa asuli, to noon, naa ɗum caɗɗum e Allah, o ɓesda jaaɓnitaago licce caltanooɗe e jaytunhi dimi laatiiki asuli ma'aki.
Allah e yurminana yimɓe
25Banndiraaɓe, emi yiɗi anndingo on ɗu'um sirri, gam to' on ndes ko'e mooɗon on annduɓe koo ɗume. Sirri ɗuum woni : ɗuuɗɓe nder *Isiraa'iila'en no laatoto yo'ora ɓerɗe'en, faa nde ɗuuɗal hisneteeɓe nder *yimɓe ɓe laataaki Yahuudu'en heevii. 26Noon Isiraa'iila'en fuu kisnirtee. Kama ko vinndaa nder *Deftere :
« Kisnoowo no ivey *Siyoona,
o ittey ciya kulol Allah fuu nder ɓerɗe lenyol *Yaakuubu.#11.26 Ecaaya 59.20-21
27Kanjum woni *alkawal am e maɓɓe
wakkaci nde nja'afotoomi hakkeeji maɓɓe. »#11.27 Ecaaya 27.9
28Calaaki ki Yahuudu'en calii *Habaru Belɗum laatinii ɓe wanywanyɓe Allah, ammaa ɗum laatanake on barkaa. E noon fuu ɓe suɓaaɓe Allah, faa jo'oni emo yiɗi ɓe sabu maamiraaɓe maɓɓe. 29Ɗum noon, gam Allah joobataako mo o barkiɗini, o hibintaa boo mo o suɓi. 30Ndeenno, onon yimɓe ɓe laataaki Yahuudu'en, on calake ɗowtanaago Allah, ammaa jo'oni o nanii jurumɗum mooɗon, sabu Yahuudu'en calake ɗowtanaago mo. 31Kama noon kamɓe maa jo'oni ɓe calake ɗowtanaago Allah, gam kamɓe maa o holla ɓe yurmeende, noon no o holliri on. 32Allah laatinii yimɓe fuu omndaaɓe, sabu ciya ɗowtaare maɓɓe, gam o yurminana koo moye.
Maaltugo Allah
33Goonga, yiɗde Allah e ɗuuɗi ! Fahamu ma'ako e anndal ma'ako e luggi. Walaa baawɗo anndugo anniyaaji ma'ako. Ko o waɗata ɓurii semmbee fahamu neɗɗo.#11.33 Ecaaya 55.8 34Gam *Deftere vi'i :
« Moye anndi nyumo Jawmiraawo ?
Moye meeɗi hokkugo mo caawara ?#11.34 Ecaaya 40.13
35Moye meeɗi hokkugo mo,
hakko o hokkita ɗum ? »#11.35 Ayyuuba 41.3
36Gam koo ɗume fuu ivii to ma'ako, e ɗum woni gam ma'ako, to ma'ako boo ɗum vittata. Teddungal tabbitana mo faa abadaa ! Aamiin.
Zur Zeit ausgewählt:
Roomankoo'en 11: fuq
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2015, Wycliffe Bible Translators, Inc. All rights reserved.
