Judit 9
9
Nan Lowalon Judit
9:1, 11-14
1Issan olas ay maidatdaton nan insenson di sedem isnan Templo id Jerusalem et minokomokan Judit nan toktokna is dapo danat ipaila nan inbabadona ay sako ay mangipaila ay menseseg-ang siya. Dat menyoko et ibiyadna ay menlowalo en,
11“Baken nan kadakdak-en ya kapigpigsan di esay bonggoy di soldado is kailaan di pigsam. Sik-a nan Dios ay mang-isakit isnan napakombaba. Bomadbadangka isnan maaamis dakapay papigsaen nan nakapsot ya nan maid kabaelanda ya isalakanmo nan maid namnamada. 12Dengngem pod nan lowalok, sik-a ay Dios din napowak ay si Simeon ay Dios ay taltalken nan Israelita ay mentotolay isnan daya ya nan batawa ya nangboliw isnan ginawang ya baybay. Sik-a ay alin nan am-in ay naboliw, dengngem nan lowalok. 13Sapay koma ta nan makaallilaw ay kalik nan mangsogat ya mangpatey isnan mang-ipangawi isnan tolagmo ya isnan napateg ay Templom isnan Bilig ay Sion ya isnan daga ay inidyam isnan ipogawmo. 14Ipailam isnan kaipoipogawmo ya isnan wasdin sinpangbon ay sik-a nan Dios ay kangatowan ya manakabalin isnan am-in. Sik-a et kedeng nan mangsalaknib isnan Israelita.”
Zur Zeit ausgewählt:
Judit 9: xnn
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 1984 (NT), Wycliffe Bible Translators, Inc. All rights reserved.
© 2005 (OT), Wycliffe Bible Translators, Inc. All rights reserved.