Matiu Ritetong nge a Matiu
Ritetong nge a Matiu
Panongpolong Sivenga alapenel o ri nge a Jisas ile mimiong na ile rinong na ile los wereraing. Na Panongpolong Sivenga or me ako ini a Matiu, Mak na Luk ole riong pelie ako i thun inga. Na aro ve ong thepol rirumong omole ako a Matiu ile erere lemi, papulua ong pavurvur ako aro ong thepol mun i ako a Mak ile erere lemi, eve a Luk ile erere lemi, aveto rirumong pelie o voth inga nge osivenga ole erere lemi. Na Matiu, Mak na Luk ole riong pelie i thun inga venen aken, aveto Jon ile riong i rel nge or, na ile rirumong pulua aro ong thepol i avele a Matiu, Mak na Luk lemi.
Na Panongpolong Sivenga ako Matiu i wat i, kene i wat i mo i opoal Judare mo olemi mire ako ve, Jisas ini toko ako God i ateal i ve aro i el werer ile tokokoere. Na Judare o apet toko aken ini “Mesaia” eve “Krais.” Na Judare olemi ve Mesaia aro i velpol ini ole nepes mo toko e avele aro i theal ol or. Na Matiu i wat mun riong pulua ako i voth a God ile erere lemi ako i ritet nge a Mesaia, mo aro i pathengal Judare ve, Jisas i panes vengveng riong areken. Aken i mirenga ve, Jisas ini Mesaia, ini toko ako o men tetal i ve aro i velpol mo i pavthopot or nge ole ngarangre osa thewo. Na Matiu i wat mun nge a Jisas ile pamirealing. Na i ranga ve ako Jisas ile pamirealing areken o voth nge vonge or lim. (Thepol a Matiu 5-7; 10; 13; 18 na 24-25) Na Matiu i rirum nge a Jisas ile mimiong na ile omaing nge vonge or lim aken oa wop.
Zur Zeit ausgewählt:
Matiu Ritetong nge a Matiu: mhb
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 1999, Wycliffe Bible Translators, Inc. All rights reserved.