JOEL 2
2
Tangkhobonü Atungpuh Nimung Amütsan
1Zion ching hulipungpung mütang;
I amüsüh müzüng kheak alanang!
Lomi mihtsürü alala ajanshang,
tümüde Atungpuh nimung arüchoh, ha thüninde lah–
2amiting tüsho azhingdokhi nimung,
amobo lakhi tüsho kheahde amitingkhi nimung khülang!
Müzüngbo kheak amürak liukihkhi nangde ato tüsho wulakhi tangkho bonungrü arüchoh;
arü nangde adüsonü mülaakheah,
yungsho arü dunglim arüpü lünbo ching mülalo.
3Arü müngüh mo takchoh tüsho arü dunglim motru aniuchoh.
Arü müngüh alo ju Eden shahwün nangde lah,
tüshe arü dunglim a athsümünim sunglo nangde lah,
tüsho tümü she arü kheaknü mutsokhi.
4Arübo khorabo nangde lah,
tüsho thirithsü-khorabo nangde arübo alihchoh.
5Khora-lolungbebonü atruktrukkhi nangde,
arünü müzüng mujukbo kheak jukchoh,
motrunü reapreapde sünit aniukhi nangde,
wulakhi bonungrü nangde keochihpü shihkhin thsüchoh.
6Arü müngüh mihtsürübo thsünü ching lah,
alala miro pheakmulukdo kamchoh.
7Thirithsürü nangde arünü yanchoh,
bonungrü nangde rhü kheak künkihchoh.
Mihbüm abannü nihbuh ru ching lah,
arünü arü limrobo chingnü manguh.
8Arü khülangnü khülang mükhangachih,
mihbüm abannü nihbuh ru ching lah;
arünü thüram hode leamde yüchoh tüsho tümünü arü muwuhlo.
9Arünü kiuto kheak jukchoh,
arünü rhübo kheak alihchoh;
arünü thüyambo kheak künkihchoh,
arünü ahührü nangde ayinripit chingnü yüzahchoh.
10Arü miki alonü niukchoh,
thüningbo ajanchoh.
Ani tüsho khinu mitinga lah tüsho chiningbonü arü ayin tukloa lah.
11 Atungpuhnü api bonungrü kumung adüsheak thsüchoh;
api bonungrü küdükhüh she hihla!
api yukhüm anirü mükhebinkhi lah.
Tsükjide Atungpuh nimung ato ah;
atsütsü atrebe–shenü ju arümkhukba?
Mulong Müthripü Jikhi
12Kheaküshe, Atungpuhnü thachoh,
khümkeak thsüde, tripde tüsho tüzhode,
nüsa mulong alalanü I kilim rholoang.
13Nüsa khimmih yungde nüsa mulong yihthünakang.
Atungpuh , nüsa Thrünpuh kilim rholoang,
tümüde api ju mihmuzho tüsho mihmüthsüm,
arünnü bukakhiukchoh, tüsho düküngde amuzhopü suhdahde lah tüsho thsümüchi chingnü lümalochoh.
14Khükia Atungpuh nüsa Thrünpuhnü
api lümkhi müthribah tüsho suhdahde nüsa ki hi müngühjihbah.
Junangde nüsanü hi tüsho yukhu api ki jihbah.
15Zion ching hulipungpung mütang;
khümkeak thsüpü zhiyukang;
amüsüh amukhung lapü jiang;
16mihtsürübo bemukhungang,
amukhungrü müsühkhitang;
ashinbuhrübo bemukhungang;
azürübo bemukhungang,
niuh yungrü khungarübo she.
Niuberü lubuhnü nihbuh khiungshak bahkhishang,
tüsho arhangberünü nihbe khiungshak bahkhishang.
17Mükü tüsho kingaün sadam dükeak ching Atungpuh tankihrü,
amükeamrübonü tripshang.
Arünü thashang, “ Nü mihtsürübo aninga lashang, O Atungpuh ,
tüsho nü yamrüplurüp ha trükshih bolung
keangrümüne, münedung dükamshih.
Tümüde mihtsürü bolung ha thashihpü,
‘ Arü Thrünpuh küching la?’”
Atungpuhnü Alojihkhi
18Judüki Atungpuhnü api lomi thsungkheak lümrhihde kam,
tüsho api mihtsürü kheak amuzho la.
19Api mihtsürü ki alojihde Atungpuhnü tha:
Inü nüsa kilim hi, yukhu tüsho müdangke arüshihchoh,
tüsho nüsa reangkeambah;
tüsho kheaküa inü nüsa trükshih bolung mükhemükim mükamshih.
20Inü dukulim bonungrü nüsa kheaknü limshude atsoshihbah,
tüsho loshelo le tümü masürükhi lo ching yana yüshihbah,
mikhuh larübo aniakhiuklim keto ching,
tüsho dunglimrü aniyüzahlim keto ching tsoshihbah;
ashemibo shuhrhüm münimbah.
Tümütüsho arünü nüsa kheak tode rhimodo.
21Dütre, O alo;
asühang tüsho asühachihang,
tümüde Atungpuhnü ato rhimodo!
22Dütre, nüsa mütüm shiwühbo,
tümüde sunglo rimbo phüyaklah;
sangdungbonü aso asochoh,
khubaso tüsho kurungaso suhdahde lah.
23O Zion zürübo, Atungpuh nüsa Thrünpuh lung asühang tüsho asühachihang;
tümüde apinü thiyuro-lungkinü nüsa kilim mumükin tsüng jihdo.
Apinü nüsa kilim suhdahde,
mumükin tüsho mükheankim tsüng püpüki nangde arüshihdo.
24Rhimopung ju hinü mide alabah,
pangjiphühbo yukhu tüsho müdangkenü zhikhiukbah.
25I bonungrü ato, nüsa azhihde inü arüshihkhi,
tangkho boto ajukbe, athsümünimrü tüsho ayihshakrünü atsühkhi kambo ching nüsa kukshahkhi inü ajihlobah.
26Nüsanü muzhomopungde atsühbah tüsho reangkeambah,
tüsho nüsa ki amüyinsahbe rhimobuh Atungpuh nüsa Thrünpuh mung shibah.
Tüsho kheaküa I mihtsürübo küyimkishe achih müngüshih.
27I Israel bolung lah de nüsanü mükheahbah,
tüsho I, Atungpuh nüsa Thrünpuh ah tüsho püpü she müla.
Tüsho kheaküa I mihtsürübo küyimkishe achih müngühshih.
Atungpuh Nimung
28Ju dunglim inü alala kheak I me dungkihbah;
nüsa tsührübo tüsho nüsa tsührübebonü müchitbah,
azobuhrübonü milimbo mibah,
tüsho athrününgtsüngbonü michihbo ngübah.
29Athrürü tüsho aliberü yamlarübo kheak she,
ju nimungbo ching inü I me dungkihbah.
30Inü thüningbo ching tüsho alomi kheak amüyinsahbebo, thiyih tüsho mo le mokhüh liude ahuhbah. 31Atungpuh nimung ato tüsho atrebe müngüh ani ju mitingdo akambah, tüsho khinu ju thiyih kambah. 32Judüki sherünü Atungpuh mung jibanü akhümkhitbah; tümüde Atungpuhnü athakhi nangde, Zion Müzüng tüsho Jirusalem ching atsokhitrü labah, tüsho rhangdung larü bolung ching Atungpuhnü ajirü labah.
Zur Zeit ausgewählt:
JOEL 2: YIMCBSI
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
JOEL 2
2
Tangkhobonü Atungpuh Nimung Amütsan
1Zion ching hulipungpung mütang;
I amüsüh müzüng kheak alanang!
Lomi mihtsürü alala ajanshang,
tümüde Atungpuh nimung arüchoh, ha thüninde lah–
2amiting tüsho azhingdokhi nimung,
amobo lakhi tüsho kheahde amitingkhi nimung khülang!
Müzüngbo kheak amürak liukihkhi nangde ato tüsho wulakhi tangkho bonungrü arüchoh;
arü nangde adüsonü mülaakheah,
yungsho arü dunglim arüpü lünbo ching mülalo.
3Arü müngüh mo takchoh tüsho arü dunglim motru aniuchoh.
Arü müngüh alo ju Eden shahwün nangde lah,
tüshe arü dunglim a athsümünim sunglo nangde lah,
tüsho tümü she arü kheaknü mutsokhi.
4Arübo khorabo nangde lah,
tüsho thirithsü-khorabo nangde arübo alihchoh.
5Khora-lolungbebonü atruktrukkhi nangde,
arünü müzüng mujukbo kheak jukchoh,
motrunü reapreapde sünit aniukhi nangde,
wulakhi bonungrü nangde keochihpü shihkhin thsüchoh.
6Arü müngüh mihtsürübo thsünü ching lah,
alala miro pheakmulukdo kamchoh.
7Thirithsürü nangde arünü yanchoh,
bonungrü nangde rhü kheak künkihchoh.
Mihbüm abannü nihbuh ru ching lah,
arünü arü limrobo chingnü manguh.
8Arü khülangnü khülang mükhangachih,
mihbüm abannü nihbuh ru ching lah;
arünü thüram hode leamde yüchoh tüsho tümünü arü muwuhlo.
9Arünü kiuto kheak jukchoh,
arünü rhübo kheak alihchoh;
arünü thüyambo kheak künkihchoh,
arünü ahührü nangde ayinripit chingnü yüzahchoh.
10Arü miki alonü niukchoh,
thüningbo ajanchoh.
Ani tüsho khinu mitinga lah tüsho chiningbonü arü ayin tukloa lah.
11 Atungpuhnü api bonungrü kumung adüsheak thsüchoh;
api bonungrü küdükhüh she hihla!
api yukhüm anirü mükhebinkhi lah.
Tsükjide Atungpuh nimung ato ah;
atsütsü atrebe–shenü ju arümkhukba?
Mulong Müthripü Jikhi
12Kheaküshe, Atungpuhnü thachoh,
khümkeak thsüde, tripde tüsho tüzhode,
nüsa mulong alalanü I kilim rholoang.
13Nüsa khimmih yungde nüsa mulong yihthünakang.
Atungpuh , nüsa Thrünpuh kilim rholoang,
tümüde api ju mihmuzho tüsho mihmüthsüm,
arünnü bukakhiukchoh, tüsho düküngde amuzhopü suhdahde lah tüsho thsümüchi chingnü lümalochoh.
14Khükia Atungpuh nüsa Thrünpuhnü
api lümkhi müthribah tüsho suhdahde nüsa ki hi müngühjihbah.
Junangde nüsanü hi tüsho yukhu api ki jihbah.
15Zion ching hulipungpung mütang;
khümkeak thsüpü zhiyukang;
amüsüh amukhung lapü jiang;
16mihtsürübo bemukhungang,
amukhungrü müsühkhitang;
ashinbuhrübo bemukhungang;
azürübo bemukhungang,
niuh yungrü khungarübo she.
Niuberü lubuhnü nihbuh khiungshak bahkhishang,
tüsho arhangberünü nihbe khiungshak bahkhishang.
17Mükü tüsho kingaün sadam dükeak ching Atungpuh tankihrü,
amükeamrübonü tripshang.
Arünü thashang, “ Nü mihtsürübo aninga lashang, O Atungpuh ,
tüsho nü yamrüplurüp ha trükshih bolung
keangrümüne, münedung dükamshih.
Tümüde mihtsürü bolung ha thashihpü,
‘ Arü Thrünpuh küching la?’”
Atungpuhnü Alojihkhi
18Judüki Atungpuhnü api lomi thsungkheak lümrhihde kam,
tüsho api mihtsürü kheak amuzho la.
19Api mihtsürü ki alojihde Atungpuhnü tha:
Inü nüsa kilim hi, yukhu tüsho müdangke arüshihchoh,
tüsho nüsa reangkeambah;
tüsho kheaküa inü nüsa trükshih bolung mükhemükim mükamshih.
20Inü dukulim bonungrü nüsa kheaknü limshude atsoshihbah,
tüsho loshelo le tümü masürükhi lo ching yana yüshihbah,
mikhuh larübo aniakhiuklim keto ching,
tüsho dunglimrü aniyüzahlim keto ching tsoshihbah;
ashemibo shuhrhüm münimbah.
Tümütüsho arünü nüsa kheak tode rhimodo.
21Dütre, O alo;
asühang tüsho asühachihang,
tümüde Atungpuhnü ato rhimodo!
22Dütre, nüsa mütüm shiwühbo,
tümüde sunglo rimbo phüyaklah;
sangdungbonü aso asochoh,
khubaso tüsho kurungaso suhdahde lah.
23O Zion zürübo, Atungpuh nüsa Thrünpuh lung asühang tüsho asühachihang;
tümüde apinü thiyuro-lungkinü nüsa kilim mumükin tsüng jihdo.
Apinü nüsa kilim suhdahde,
mumükin tüsho mükheankim tsüng püpüki nangde arüshihdo.
24Rhimopung ju hinü mide alabah,
pangjiphühbo yukhu tüsho müdangkenü zhikhiukbah.
25I bonungrü ato, nüsa azhihde inü arüshihkhi,
tangkho boto ajukbe, athsümünimrü tüsho ayihshakrünü atsühkhi kambo ching nüsa kukshahkhi inü ajihlobah.
26Nüsanü muzhomopungde atsühbah tüsho reangkeambah,
tüsho nüsa ki amüyinsahbe rhimobuh Atungpuh nüsa Thrünpuh mung shibah.
Tüsho kheaküa I mihtsürübo küyimkishe achih müngüshih.
27I Israel bolung lah de nüsanü mükheahbah,
tüsho I, Atungpuh nüsa Thrünpuh ah tüsho püpü she müla.
Tüsho kheaküa I mihtsürübo küyimkishe achih müngühshih.
Atungpuh Nimung
28Ju dunglim inü alala kheak I me dungkihbah;
nüsa tsührübo tüsho nüsa tsührübebonü müchitbah,
azobuhrübonü milimbo mibah,
tüsho athrününgtsüngbonü michihbo ngübah.
29Athrürü tüsho aliberü yamlarübo kheak she,
ju nimungbo ching inü I me dungkihbah.
30Inü thüningbo ching tüsho alomi kheak amüyinsahbebo, thiyih tüsho mo le mokhüh liude ahuhbah. 31Atungpuh nimung ato tüsho atrebe müngüh ani ju mitingdo akambah, tüsho khinu ju thiyih kambah. 32Judüki sherünü Atungpuh mung jibanü akhümkhitbah; tümüde Atungpuhnü athakhi nangde, Zion Müzüng tüsho Jirusalem ching atsokhitrü labah, tüsho rhangdung larü bolung ching Atungpuhnü ajirü labah.
Zur Zeit ausgewählt:
:
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.