HOSEA 7
7
1Küyimki inü Israel thsüngupü lümbanü, Ephraimnü athsümünimkhi, tüsho Samarianü mihbukmuyuk rhimokhi akhiuka huhchoh; tümüde arünü mülimde rhimochoh, ahührünü chakashungde yüzahchoh, tüsho khukshikrünü wungdo ahühchoh. 2Tüshe inü arü mihbukmuyuk alala lümkhitlah de arünü mülüm. Kheakü arü rhimobonü arü mükamdolah, arü I miki lah.
3Arü mihbukmuyuknü arü kiulongthsüpuh, tüsho rük-thsükhinü atorübo asühshihchoh. 4Arü alala müzammüramrü ah; arü ju mokin lamlamkhi, yikhap damrünü anungchokinü akhap khiungde mo tsamukpü yihnüpü mülakhi nangde lah. 5Isa kiulongthsüpuh thünio nimung atorübo ju yukhunü müshanga tukthsüshih; apinü luhmünerü lung khah shurün. 6Mokin nangde arü mulong ching taklah; tsüngre amuyung arü bukakhiukkhi aniuchoh; mo ju yapsu trukhitchoh. 7Arü alala mokin nangde lamlamlah, tüsho arünü arü yakzanshuhrübo aniuabahchoh. Arü kiulongthsürü alala lungabahdo; arü shenü she I ki müji.
8Ephraimnü nihbuh zangrü mihtsürü lung düsahchoh; Ephraim a amümülapkhi yikhap khülang ah. 9Khiungkerünü asühmüh muyuabahdo, tüshe apinü ju mümükheah; api kuyü lakride buyiuka lah, tüshe apinü ju mümükheah. 10Israel bukmükekhinü api azhihkhi huhchoh; tütüshe arünü ha alala thsungkheak Atungpuh arü Thrünpuh kilim murholo, yungsho api müyim. 11Ephraim a müthrithrümpü nangde kamdo, makhalah tüsho sulüm müla; arünü Ijip ki jichoh, arünü Asiria lim yüchoh. 12Arü yüchoki, arü kheak inü keang jipkihbah; inü apung wuhnubo nangde abekhibah; arünü amütsü rhimokhi dün inü arü thsümüchibah.
13Arü are, tümüde arübo I kheaknü tsodo! Arü athsümünim kamshang, tümüde arünü I azhihdo! Inü arü khümkhitpü künkheah, tüshe arünü I azhihde akeangyu asukchoh. 14Arünü mulong chingnü I ki müzhi, tüshe arünü yapkiu kheak tüzhochoh; arünü hi tüsho yukhu thsungkheak nihbuh zangrü tsütchoh; arünü I azhihchoh. 15Inü arü bemusu tüsho düküngde kamshih, tütüshe arünü I ki amütsü thsüde azhihchoh. 16Arünü alü mülakhi lim rholochoh; arübo ju müdüküngkhi sanglüh nangde kamdo; arü torübo arü mulo mütsükhi hode nukshangnü akeambah. Tüsho Ijiprünü arü ki münejihbah.
Zur Zeit ausgewählt:
HOSEA 7: YIMCBSI
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
HOSEA 7
7
1Küyimki inü Israel thsüngupü lümbanü, Ephraimnü athsümünimkhi, tüsho Samarianü mihbukmuyuk rhimokhi akhiuka huhchoh; tümüde arünü mülimde rhimochoh, ahührünü chakashungde yüzahchoh, tüsho khukshikrünü wungdo ahühchoh. 2Tüshe inü arü mihbukmuyuk alala lümkhitlah de arünü mülüm. Kheakü arü rhimobonü arü mükamdolah, arü I miki lah.
3Arü mihbukmuyuknü arü kiulongthsüpuh, tüsho rük-thsükhinü atorübo asühshihchoh. 4Arü alala müzammüramrü ah; arü ju mokin lamlamkhi, yikhap damrünü anungchokinü akhap khiungde mo tsamukpü yihnüpü mülakhi nangde lah. 5Isa kiulongthsüpuh thünio nimung atorübo ju yukhunü müshanga tukthsüshih; apinü luhmünerü lung khah shurün. 6Mokin nangde arü mulong ching taklah; tsüngre amuyung arü bukakhiukkhi aniuchoh; mo ju yapsu trukhitchoh. 7Arü alala mokin nangde lamlamlah, tüsho arünü arü yakzanshuhrübo aniuabahchoh. Arü kiulongthsürü alala lungabahdo; arü shenü she I ki müji.
8Ephraimnü nihbuh zangrü mihtsürü lung düsahchoh; Ephraim a amümülapkhi yikhap khülang ah. 9Khiungkerünü asühmüh muyuabahdo, tüshe apinü ju mümükheah; api kuyü lakride buyiuka lah, tüshe apinü ju mümükheah. 10Israel bukmükekhinü api azhihkhi huhchoh; tütüshe arünü ha alala thsungkheak Atungpuh arü Thrünpuh kilim murholo, yungsho api müyim. 11Ephraim a müthrithrümpü nangde kamdo, makhalah tüsho sulüm müla; arünü Ijip ki jichoh, arünü Asiria lim yüchoh. 12Arü yüchoki, arü kheak inü keang jipkihbah; inü apung wuhnubo nangde abekhibah; arünü amütsü rhimokhi dün inü arü thsümüchibah.
13Arü are, tümüde arübo I kheaknü tsodo! Arü athsümünim kamshang, tümüde arünü I azhihdo! Inü arü khümkhitpü künkheah, tüshe arünü I azhihde akeangyu asukchoh. 14Arünü mulong chingnü I ki müzhi, tüshe arünü yapkiu kheak tüzhochoh; arünü hi tüsho yukhu thsungkheak nihbuh zangrü tsütchoh; arünü I azhihchoh. 15Inü arü bemusu tüsho düküngde kamshih, tütüshe arünü I ki amütsü thsüde azhihchoh. 16Arünü alü mülakhi lim rholochoh; arübo ju müdüküngkhi sanglüh nangde kamdo; arü torübo arü mulo mütsükhi hode nukshangnü akeambah. Tüsho Ijiprünü arü ki münejihbah.
Zur Zeit ausgewählt:
:
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.