HOSEA 13
13
Israel Akheam Mahkhap
1Küyimki Ephraimnü asukkhea, mihtsürünü ajan; api Israel ching shuhkih; tüshe apinü Baal hode mülimkhi alü kam tüsho sheabah. 2Tüsho kheakü arünü alü neak yihbeakchoh tüsho arü anikhitkhi yande shotoyinchinü sangthsübo thsüchoh, arü alala rhimorünü athsükhi rhimobo lah, “Harü ki laksah-a kingaünang,” arünü tha. Mihtsürübonü moshi nunubo müthsüpchoh. 3Jumonü arübo ju yapsu shumuliu nangde yungsho mükikde kheamabahkhi ayinke nangde, rhimopung chingnü hitsüt yüna tsoshihkhi nangde yungsho ayinripit ching mokhüh nangde alabah.
4Tütüshe Ijip lomi chingnü I Atungpuh nü Thrünpuh thsüde arüchoh; nünü tümü Thrünpuh mümükheah tüshe I ah, tüsho I hobah akhümkhitrü she müla. 5Akung lo, sunglo ching nü kümbuh ju I lakheah. 6Küyimki inü arü yimkipkheanü, arü reangkeam tüsho arü mulong kükheangde kam; jumonü arünü I mihabah. 7Jumonü I arü ki kekhüzü nangde akambah, sangtsung nangde I lim yean jika labah. 8Anunu dükheakkhi kuto nangde inü arü kheak keamkihbah, tüsho arü khüh chakashungbah; mütüm shiwühnü arü chakthünakkhi nangde, kekhüzü nangde ju ching inü arü tsühbah.
9Inü nü thsümüchibah, O Israel; shenü nü rungkhiba? 10Kheakü nü khümkhitpü thsüde nü kiulongthsürü küching la? Nü kiutobo kürü ching nü yakzanshuhrü la, shepü ki nünü tha, “ I kilim kiulongthsürü tüsho yakzanshuhrü jihang?” 11Inü I bukakhiukkhi ching nü kilim kiulongthsürü khülang jih, tüsho I mulong zhipzhip ching inü api lude tso.
12Ephraim amülim rhükdoa lah; api neak zomukhunglah. 13Khungarü zübekhi thsünü api kheak arüchoh, tüshe api lümlung mülakhi tsührü ah; tümüde kim dükdü ching apinü nuyam mün ki marü. 14Inü arü Ashe-lomi ching rhokhitba de? Inü arü Ashe chingnü rhokhitba de? O Ashe, nü arüm-tukthsübo küching la? O Ashe-lomi, nü athsümünim küching la? I mük kinü amuzho jika lah. 15Api keoniorü bolung lakhitde kamkam she, aniakhiuklim pung Atungpuh kilimnü arübah, sunglo chingnü ayükihbah; tüsho api kenü ngahabahbah, api yungzü kungabahbah. Junü api rahpung, shoto kukruk alala luabahbah. 16Samarianü anihbe mülimkhi hanbah, tümütüsho anihbenü Atungpuh azhihdo; arü nukshangnü akeambah, arü tsührü aninibo adütre kamde khapthünakbah tüsho arü mihlakhi liberübo chakphukbah.
Zur Zeit ausgewählt:
HOSEA 13: YIMCBSI
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
HOSEA 13
13
Israel Akheam Mahkhap
1Küyimki Ephraimnü asukkhea, mihtsürünü ajan; api Israel ching shuhkih; tüshe apinü Baal hode mülimkhi alü kam tüsho sheabah. 2Tüsho kheakü arünü alü neak yihbeakchoh tüsho arü anikhitkhi yande shotoyinchinü sangthsübo thsüchoh, arü alala rhimorünü athsükhi rhimobo lah, “Harü ki laksah-a kingaünang,” arünü tha. Mihtsürübonü moshi nunubo müthsüpchoh. 3Jumonü arübo ju yapsu shumuliu nangde yungsho mükikde kheamabahkhi ayinke nangde, rhimopung chingnü hitsüt yüna tsoshihkhi nangde yungsho ayinripit ching mokhüh nangde alabah.
4Tütüshe Ijip lomi chingnü I Atungpuh nü Thrünpuh thsüde arüchoh; nünü tümü Thrünpuh mümükheah tüshe I ah, tüsho I hobah akhümkhitrü she müla. 5Akung lo, sunglo ching nü kümbuh ju I lakheah. 6Küyimki inü arü yimkipkheanü, arü reangkeam tüsho arü mulong kükheangde kam; jumonü arünü I mihabah. 7Jumonü I arü ki kekhüzü nangde akambah, sangtsung nangde I lim yean jika labah. 8Anunu dükheakkhi kuto nangde inü arü kheak keamkihbah, tüsho arü khüh chakashungbah; mütüm shiwühnü arü chakthünakkhi nangde, kekhüzü nangde ju ching inü arü tsühbah.
9Inü nü thsümüchibah, O Israel; shenü nü rungkhiba? 10Kheakü nü khümkhitpü thsüde nü kiulongthsürü küching la? Nü kiutobo kürü ching nü yakzanshuhrü la, shepü ki nünü tha, “ I kilim kiulongthsürü tüsho yakzanshuhrü jihang?” 11Inü I bukakhiukkhi ching nü kilim kiulongthsürü khülang jih, tüsho I mulong zhipzhip ching inü api lude tso.
12Ephraim amülim rhükdoa lah; api neak zomukhunglah. 13Khungarü zübekhi thsünü api kheak arüchoh, tüshe api lümlung mülakhi tsührü ah; tümüde kim dükdü ching apinü nuyam mün ki marü. 14Inü arü Ashe-lomi ching rhokhitba de? Inü arü Ashe chingnü rhokhitba de? O Ashe, nü arüm-tukthsübo küching la? O Ashe-lomi, nü athsümünim küching la? I mük kinü amuzho jika lah. 15Api keoniorü bolung lakhitde kamkam she, aniakhiuklim pung Atungpuh kilimnü arübah, sunglo chingnü ayükihbah; tüsho api kenü ngahabahbah, api yungzü kungabahbah. Junü api rahpung, shoto kukruk alala luabahbah. 16Samarianü anihbe mülimkhi hanbah, tümütüsho anihbenü Atungpuh azhihdo; arü nukshangnü akeambah, arü tsührü aninibo adütre kamde khapthünakbah tüsho arü mihlakhi liberübo chakphukbah.
Zur Zeit ausgewählt:
:
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.