AMOS 7
7
Tangkhobo, Mo tüsho Akeara-liu
1Atungpuh Thrünpuhnü I ki ha huh: Kiulongthsüpuh shihcham yimlubah mahnepü hi akhiukchoki apinü tangkhobo thründe alakheah. 2Küyimki arünü alo rimbo tsühkhamkhea, inü tha, “ O A TU N GPU H T H RÜ NPU H , neak bahjang, inü nü ki mushuchoh! Küde thsah Jakob zhipkhukpü? Api khide ninilah!” 3Atungpuhnü ha dünkheak lümalo; “Ha jude müthsü,” Atungpuhnü tha.
4Atungpuh Thrünpuhnü I ki ha huh: Atungpuh Thrünpuhnü mo mahkhappü arüpü jide alakheah, tüsho hanü asük ato aniuabah tüsho alo aniuabah. 5Judüki inü tha, “ O Atungpuh T H RÜ NPU H , ju lang thsang, inü nü ki mushuchoh! Küde thsah Jakob zhipkhukpü? Api khide ninilah!”
6Ha dünkheak Atungpuhnü lümalo; “Ha she jude müthsü,” Atungpuh Thrünpuhnü tha.
7Apinü I ki ha huh: Atungpuh ju akhah ching akeara-liu khülang shuhbah, akeara-liunü akede athsükhi rhü ki zhipde alakheah. 8Tüsho Atungpuhnü I ki tha, “Amos, nünü tümü ngücho?” Tüsho inü alo, “Akeara-liu khülang.” Jushu Atungpuhnü tha, “ Kheahang, inü akeara-liu khülang I mihtsürü Israel bolung zochoh: inü arü thsümüchipü I lümkhi mümüthrilo; 9Isak achang dangpungbo zhikabahshihbah, tüsho Israel arüngakopungbo thsümünima yapshihbah, tüsho inü Jeroboam yamkhün azhihde nukshang shuhkihbah.”
Amos tüsho Amazia
10Judüki Bethel ching amükeambuh Amazia nü Israel kiulongthsüpuh Jeroboam kilim thiyu yüshih, “Amosnü Israel bolung nü azhihde thachoh; alominü api yu alala marümkhuk. 11Tümüde Amosnü ha tha, ‘ Jeroboam nukshangnü ashebah, tüsho Israel ju api lomi chingnü ramtso ching tsükjide ayübah.’ ”
12Tüsho Amazianü Amos ki tha, “ O angürü, tsoang, Juda lomi ching shande tsoang, ju ching nü yikhap muloang, tüsho ju ching müchitang; 13tüshe küyimkishe Bethel ching dümüchitlo, tümüde ha kiulongthsüpuh arüngakopung ah, tüsho ha kiulongthsü arüngyam khülang ah.”
14Judüki Amosnü Amazia ki alo, “ I wukihrü yung, yungsho wukihrü tsührü khülang yung; tüshe I a namfimihnu neakrü khülang, tüsho khubasodungbo kümrü ah, 15tüsho Atungpuhnü I mihnu boto kümkhi chingnü bea lu, tüsho Atungpuhnü I ki tha, ‘ Yüang, I mihtsürü Israel ki müchitang.’ 16Kheakü jumonü Atungpuh yu aniang. Nünü thachoh, ‘ Israel azhihde dümüchit, tüsho Isak yamkhün azhihde düthsangyuthsangra.’ 17Jumonü Atungpuhnü ha thachoh: ‘ Nü niube a kiuto ching müzammüramrü kambah, tüsho nü tsührübo le tsührübebo nukshangnü akeambah, tüsho nü lomi ju akea chamabahbah; nü a amüneanrü lomi ching shebah, tüsho tsükjide Israel nihbuh lomi chingnü ramtso ching yübah.’ ”
Zur Zeit ausgewählt:
AMOS 7: YIMCBSI
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
AMOS 7
7
Tangkhobo, Mo tüsho Akeara-liu
1Atungpuh Thrünpuhnü I ki ha huh: Kiulongthsüpuh shihcham yimlubah mahnepü hi akhiukchoki apinü tangkhobo thründe alakheah. 2Küyimki arünü alo rimbo tsühkhamkhea, inü tha, “ O A TU N GPU H T H RÜ NPU H , neak bahjang, inü nü ki mushuchoh! Küde thsah Jakob zhipkhukpü? Api khide ninilah!” 3Atungpuhnü ha dünkheak lümalo; “Ha jude müthsü,” Atungpuhnü tha.
4Atungpuh Thrünpuhnü I ki ha huh: Atungpuh Thrünpuhnü mo mahkhappü arüpü jide alakheah, tüsho hanü asük ato aniuabah tüsho alo aniuabah. 5Judüki inü tha, “ O Atungpuh T H RÜ NPU H , ju lang thsang, inü nü ki mushuchoh! Küde thsah Jakob zhipkhukpü? Api khide ninilah!”
6Ha dünkheak Atungpuhnü lümalo; “Ha she jude müthsü,” Atungpuh Thrünpuhnü tha.
7Apinü I ki ha huh: Atungpuh ju akhah ching akeara-liu khülang shuhbah, akeara-liunü akede athsükhi rhü ki zhipde alakheah. 8Tüsho Atungpuhnü I ki tha, “Amos, nünü tümü ngücho?” Tüsho inü alo, “Akeara-liu khülang.” Jushu Atungpuhnü tha, “ Kheahang, inü akeara-liu khülang I mihtsürü Israel bolung zochoh: inü arü thsümüchipü I lümkhi mümüthrilo; 9Isak achang dangpungbo zhikabahshihbah, tüsho Israel arüngakopungbo thsümünima yapshihbah, tüsho inü Jeroboam yamkhün azhihde nukshang shuhkihbah.”
Amos tüsho Amazia
10Judüki Bethel ching amükeambuh Amazia nü Israel kiulongthsüpuh Jeroboam kilim thiyu yüshih, “Amosnü Israel bolung nü azhihde thachoh; alominü api yu alala marümkhuk. 11Tümüde Amosnü ha tha, ‘ Jeroboam nukshangnü ashebah, tüsho Israel ju api lomi chingnü ramtso ching tsükjide ayübah.’ ”
12Tüsho Amazianü Amos ki tha, “ O angürü, tsoang, Juda lomi ching shande tsoang, ju ching nü yikhap muloang, tüsho ju ching müchitang; 13tüshe küyimkishe Bethel ching dümüchitlo, tümüde ha kiulongthsüpuh arüngakopung ah, tüsho ha kiulongthsü arüngyam khülang ah.”
14Judüki Amosnü Amazia ki alo, “ I wukihrü yung, yungsho wukihrü tsührü khülang yung; tüshe I a namfimihnu neakrü khülang, tüsho khubasodungbo kümrü ah, 15tüsho Atungpuhnü I mihnu boto kümkhi chingnü bea lu, tüsho Atungpuhnü I ki tha, ‘ Yüang, I mihtsürü Israel ki müchitang.’ 16Kheakü jumonü Atungpuh yu aniang. Nünü thachoh, ‘ Israel azhihde dümüchit, tüsho Isak yamkhün azhihde düthsangyuthsangra.’ 17Jumonü Atungpuhnü ha thachoh: ‘ Nü niube a kiuto ching müzammüramrü kambah, tüsho nü tsührübo le tsührübebo nukshangnü akeambah, tüsho nü lomi ju akea chamabahbah; nü a amüneanrü lomi ching shebah, tüsho tsükjide Israel nihbuh lomi chingnü ramtso ching yübah.’ ”
Zur Zeit ausgewählt:
:
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.