Beliebte Verse in Apozelɨyara 5

Teilen

Mi'na kuda' Pitalyɨ Wɨdaasade pwarajɨ wɨde' “Gotɨyai sara kanedozɨ sara yaanneinera. Gotɨyarɨna a'mwera sara kanedapɨjɨ sara myaanneinera!

Sara dɨnyɨna yeva yɨrɨka gazagaasagaa' Gotɨyare Angevɨjɨ a'mweraavɨre angengɨjɨ saba Kɨraazɨtɨya Jizaazarɨna yagaala tewaanya' kuna wɨdadɨvɨkɨ. Nemɨnyɨna Jizaazarɨ Gotɨyai dahɨlakake'na kuna wɨjɨwaakadɨvɨkɨra.

Sara wɨjaavɨna kya' Pitai wɨda' “Ananaayazai, Saataanɨ kagɨthɨwa' sara baa'na yɨwaa? Kwaasɨ yagaala Kuryai Tewaanyarɨ wɨdɨwaa ‘Nɨmɨre wawɨnya' yaasɨwe nɨgwia yuya warɨka!’ Kwaasɨ yagaala sa' baa'na wɨdɨwaana? Sɨnnawɨ wawɨnya myaasɨwaanyagaa' gɨmɨresɨ. Yaasa yagɨna nɨgwia gɨmɨrengɨ. Gɨnnya sɨdusavɨ kwaasɨya sarebwi baa'na wɨdɨwaana? A'mweraavɨ kwaasɨ yagaala majahɨ. Aawa. Gotɨyarɨ kwaasɨ yagaala wɨdɨwaana.” Sara kuda' Ananaayazai kadɨka wɨ'nakegaa' balɨna yaka wala'na ya'. Wala'na yake'na kadɨka wɨ'nesara lɨka naanga yesa'nanyɨra.

Sara yesa'na yɨma'nɨke'na dahaa' yɨhɨthɨma! A'mwe daraavɨna myaanneine! Mwaaibɨka! Kumɨre yawɨsajɨ wawɨnyajɨ a'mweraavɨreburɨdaasa sara yetabaaibɨ' kayaaka yadengɨra. Kɨrɨ' Gotɨyareburɨdaasa kayaaka myɨgalyɨ yaadeinera. Dara nyawɨraadɨka! ‘O, nemɨ Gotɨyarɨ mala wɨramwoina daaka!’ ”