Beliebte Verse in Apozelɨyara 17

Teilen

‘A'mwera nɨmɨnyɨ yawɨrapɨjɨ yaamɨjɨ nyanganapɨri nyɨbɨramaapɨ'deinyɨ daaka?’ sara daka sara wɨmwaaihɨna yaa'. Sara yaake' kɨrɨ' Gotɨyai nemɨnyɨ maavewɨ mamwaalyɨka. Aawa, a'mwe yuyainaayaba mwaaidelyɨ.

Yuyangɨ wakaka sɨnnawɨnyarɨ yavɨkaryaakerɨdaa'nyɨ anga naanga pimagɨnya gazavasava' Kwaaka yunebanna wɨmwaaihɨna ya'. A'mwera maayagaa' Naangei a'mwe yuyainaavɨna yawɨ'na ‘A'mwe gabinyaraavɨre kumɨre bwaibwalyajɨ kwaakejɨ kumɨregaasɨ wakɨma!’ yawɨ'na yaka dɨvi wɨmwaaihɨna ya'.

Naangei Gotɨyai Kwaaka davakɨjɨ yunebanna mwaaihasarajɨ kwaakevɨ yuya yɨ'naanya kurɨvaarɨya yuya wakakelyɨra. Sɨgunyasɨ Kwaakesɨ yuyangɨ maremwaaidelyɨ Naangei. A'mwera yɨleange madɨna yadɨvɨsangɨ mamwaalyɨka. Aawa.

Gotɨyai sara nedɨvanɨke' a'mwe yuyainaavɨna kotɨya naange' yɨda'maraangebwina nayaa yade yɨrɨka sagaa' wakɨkelyɨra. Nabaai, a'mwe yawɨbwa'derɨ dahɨlakakei kotɨya'na mena wɨmwaaiha'. A'mwe sai mena kabala' Gotɨyai ayɨna yɨdɨkaavakelyɨ. Sare' nemɨ tɨnna wanganona yawɨ'na ‘Ai, nebulyasɨ. Sai kotɨya' neyawɨbwaradelyɨ,’ yawɨ'na yɨvanɨgo,” Polɨ sara wɨda' Jizaazarɨna.

Sarevɨdaa'nyɨ, gamɨre kaimɨraayaina mwaaiho'na dara myawɨraanna! ‘Gotɨyai a'mwa'mwe golɨya'bɨsalyɨ. A'mwa'mwe sɨlɨvaaya'bɨsalyɨ. A'mwa'mwe sɨlaange'bɨsalyɨ. A'mwa'mwengɨ a'mwera nayaa yawɨreva yavɨkarigasangɨra. Sara myawɨraannera!’