Beliebte Verse in Daniele 2

Teilen

Daniele wakaamba kuti, Lilumbwe izina lya-Leza lyoonse mane kukabe kutamani, Ngonguwe uujisi busongo anguzu, Ngonguwe uupindaula ziindi amazuba. Ulagwisya bami, alimwi ulabusya bami, Ulapa basongo busongo bwabo, abaabo bali abucenjezu ngonguwe uubapa luzibo. Ulayubununa makani aasisidwe aakataazya. Ulizi zintu zyoonse zili mumudima; kulinguwe mumuni nkuubede.

Lino Daniele wakavwiila mwami kuti, Taakwe naba omwe akati kabasongo abasondi abacape abaŋanga uukonzya kupandulwida mwami makani ayo ngaakabuzya, pele nkwali Leza wakujulu uuyubununa makani aasisidwe, Ngonguwe wazibya mwami Nebukadinezara makani aayooba kumamanino aaciindi. Nceeci ciloto cako azilengano zyamoyo wako nzowakabona abulo bwako

Lino mumazuba aabaami abo, Leza wakujulu uyoobusya bwami butakooyoonyonyoonwa abuniini mane kukabe kutamani, anguzu zyabo tazikooyoosiilwa bantu bambi. Obo bwami buyoopwayaula akumanisya mami aya conse, alimwi bwalo buyooima nji kukabe kutamani