Beliebte Verse in Marikuq 12

Teilen

Haû jáng, Yesuq gi, “Ahkyàk dìk é jep é târâ gi, ‘Isira-elaq byu pé ê, gyô wú keq! Ngá-nhûng é Yhûmsîng Garai Gasang za, Garai Gasang nghut lhê. Náng é Garai Gasang nghut é, haû Yhûmsîng Garai lé náng é i-myìt nhiklhum bànshoq, náng é i-myìt sô lhum gón, nàng myìt é hkyô bànshoq, náng é wum-o bànshoq èq, chyitdàp râ lhê.’ gâ é nghut lhê. Hau htang lhum gi, ‘Náng gûng lé nàng chyitdàp é su, náng é chyáng nâm mâ é bang lé le chyitdàp àq.’ gâ é nghut lhê. Shî í lhûm htoq kô é târâ gótû a jòq lo.” ga yhángmòq lé tû taî ri.

Yesuq gi, Yhâng é chángzô pé lé wùt yù mù, “Ngò, núngmòq lé teng za taí kôlé, shî myung é chuimó myhí gi, góbang bànshoq htoq má je myo kat bê nghut ri. Haû góbang bànshoq gi, yhûmsîng agùn agó wó é mâ é lé, lé kat akô; yhang kúm gi, myùng sû nghut kôle, yhâng é chyungxe lé baú râ ngùn bànshoq lé, kat bê nghut ri.” ga taî ri.

Yesuq gi, alû sidèk nàm má zung to mù, noqkuq yhûm mâ é alû sidèk haú má, byù mòqmó ngùn kat nyi é lé wú nyi ri. Sùt wó bang myo myo gi, ngùn ga-myhó myhó kat bum akô. Haú hkûn, myung é chuimó myhí rayùq gi, lé mù, gyi htingchap ngùn zo í chap lé kat ri.

Garai Gasang lé, náng é i-myìt nhiklhum bànshoq èq le, náng é sê gyô é u-nuq bànshoq èq le, náng é wum-o bànshoq èq le, chyitdàp râ lhê gâ é eq, náng gùng lé nàng chyitdàp é su, náng é chyáng nâm mâ é bang lé le chyitdàp râ lhê gâ é gi, myi nyhé hkungga eq gótû hkungga pé bànshoq htoq má, je ahkyàk lhê.” ga taî ri.

Haû mù, Yesuq gi, yhángmòq lé, “Kehtaq é lé gi, Kehtaq lé byi keq; Garai Gasâng é lé gi, Garai Gasang lé byi keq.” ga taí jáng, yhángmòq gi, maú byùq bùm bekô nghut ri.