Beliebte Verse in Mihka 4

Teilen

Gótû byù myû wuì bànshoq bang gi, yhûmsing é hparà pê é myìng mai so kôrâ nghut lhê; nghut kôlhang, ngá-mòq gi, ngá-mòq é Garai Gasang nghut é, haû Yhûmsîng Garaî é mying mai ahtum abyùq sô nyì râ nghut lhê.

Byù myû wuì myo myo gi, lé lô kômù, “Lé keq; haû Yhûmsîng Garaî é bùm nghut é, Yakup é Garai Gasâng é noqkuq yhûm má dòq ê sháng. Yhang gi, Yhâng é hkyô má ngá-nhúng ge so râ matú, ngá-nhúng lé Yhâng é hkyô pé lhom mhoq kyo râ nghut lhê.” ga taí kôrâ nghut lhê. Hkâsu mù gâ le, haû târâ gi, Zi-un Bùm mai htoq lô râ nghut mù, haû Yhûmsîng Garaî é mungdang gi, Yerusalem wà mó mai htoq lô râ nghut lhê.

Ló htâng é buìnyì pé má, haû Yhûmsîng Garaî é noqkuq yhûm jòq é bùm gi, bùm pé mâ é je ló myhang é bùm dùt to râ nghut mù, kong pé bànshoq htoq má wàq toq tô é hui râ nghut luî, byu pé gi, haú má yán wang e bùm kôrâ nghut lhê.

Yhang gi, byù myo myô é gyoro má târâ jéyáng râ nghut mù, we we má nyi é a-tsam mó bo é byù myû wuì lé târâ hpyit byi râ nghut lhê. Yhángmòq gi, yhángmòq é shâm pé lé, yò hpuq shâmtoq long bàt htoq mù, yhángmòq é lhâm pé lé, gòknghe bàt htoq kôrâ nghut lhê. Byù ra-myû gi, gó-myû lé sham èq htim râ a nghut lo; yhángmòq gi, majan zan hkyô mhoq byi kôrâ a nghut lo.