Beliebte Verse in Matiyu, echî 16

Teilen

Jisos a sə́re mân atóbhá abhê se, “Ájoé nne a kí wom a tóp ə̂m, deê a kép biji ibhê se kpe ejûm á ka fáp, a kə́n achî-achot, kpe é rî nji ekʉ̂, a tóp ə̂m.

N kí səre wâ bəre we ó kamá se Pita, nâ se ntáé. Tîk m gbê njû amé ka eránám njí, ane abhámé á chəmá. Ikom ekʉ̂ í bhó bhik ábho eyimím kpe ejûm.

N kí karé wâ erəbhé nji otúi Obhasi. Nji o kí səre ka nsi nnyí se nne a kâ yîm áno, nâ noŋ á kí ko fə́ne ka ósô. Nji ó kam se nne a yim, nâ noŋ á kí ko ka ósô.”

Echî aŋ? Kpe énê nnyo á woma se a nyáŋé ekpin ejê, a kí tane ńjə́ne. Kən nne nnyo á tane ekpin ejê ka obhô obhámé, a kí chəbhé njəm a fon ńjə́ne.

Orʉrí obhâ a ri jen nji ó fon ngun ndə́m kən ó ka fon ekpin ejâ? Ka etʉri, ó kam ên sê kə́n nne a kô jen a yóŋe na ekpin ejê ka ngun nnyí?

A bhə̂p mân ábho se, “Ên áfoné, ó məŋe ên sê mme a ri énê?” Pita nnyo á kamá fə́ne se Simun a táme yê se, “We a ri Krayis, nne nnyo Obhasi a túmi se a bhá yim ngun á sém. We nâ o ri Mmon i mfoné-mfoné Obhasi.”

Nji Simun a táme nná nchot nnyí, Jisos a sə́re yê se, “Simun, mmon i Jona, ogyebhá-ḿbə́ŋé ó rî na we. Nchot eya nnyi o táme nná a jî fə́ne ka mbá, nne asík a sə́re wâ, é ká chiŋi Ńsé omé nnyo a ri ka ósô.