Beliebte Verse in Buzuk ka Abud’a 7

Teilen

Ma didina mi de mi Moise ala: Gola! An mba ni vragang blangân avok Faron, wiyengâ Aron mba mi djogong vunang ngeyo.

Wani an mba ni b’al hur Faron, an mba ni zul ahle man suma simata ki suma ndandalâ kur ambas mamba. Faron mba mi humugi d’i. An mba ni ngop Ezipte-na, an mba ni buzuk man suma Israel-lâ woi kur ambas sa Ezipte-d’a ad’u adezezi ki ngop pa tchod’a.

Ata yima an mba ni ngop Ezipte-na, ni buzugï Israel-lâ woi adigazina, azi mba wala an ni Ma didina.

Wani Faron mi yï suma ned’a ki suma mbuta ki suma kuma suma Ezipte-na. A lahle mazi suma mbuta mi. Azi pet a tchuk tutuguyo mazina kä; a mbut guguyona mi. Wani totogod’a hi Aron-nda, ti lik tutuguyo mazina!

Ni kayam ndata ba, Ma didina mi dala: Nata vama simat ma wana ba, ang mba wala an ni Ma didina. Gola! An nga ni wat mbiyo alum ma Nil-lâ ki totogo d’a abonda, mbina mba mi mbut buzuna!

Le Faron mi dagi ala: Agi lagi vama yoyouna ni, ang de mi Aron ala: Ang hle totogo manga, ang gat kä avok Faron! Ata yi máma ndat mba d’i mbut guguina. Moise azi ki Aron a i gen Faron, a le d’igi Ma didina mi hazi vuna na. Aron mi ge totogo mamba kä avok Faron kazungeî mama. Ata yi máma ti mbut guguina.