Beliebte Verse in Ma tchi wala 8

Teilen

Kayam ndata, an nga ni he ngola mi furîd’a, kayam vama djivi ma yam sana ka hî yam andagad’ina nga d’i. Ni ted’a ki tched’a ki furîd’a hol. Wana ni vama djivi ma ki sed’em kur sun mamba kur bur ma Alona mi humzi yam andagad’a ka hina.

An we le ma le tchod’a, mi le tchod’a yam kis, nga mi te ngola tatâ yam andagad’a pî, an wala suma a nga le mandara Alonina a mba kak ki halasa kayam azi nga le mandarâ avoromu.

Kayam sun nda le d’a lara ge pet, a mba kat sariyad’a kat bur tu, kayam asa’ata hi sumid’a ti kal kaziya.

Sana mi nga kad’enga á d’el simetna d’i. Hina mi, mi ndak á d’el tam bei matna d’uo mi. Ata yima ayî ma durâ mi nga na, sama mi prut tam mbeina mi nga d’i. Hina mi, asa’ata ti ndak á sut salat ma mi latna d’uo mi.

Ni kayamba a nga ngop sama le sun nda tchod’a atogo zak kuo d’a ba, suma a he tazi á le tchod’a ngola ni na.

Ahle suma hawa yak suma a nga le yam andagad’ina ba wana: Sunda hi suma d’ingêrîd’a nga d’i mba yam suma asa’atna, sunda hi suma asa’atnid’a nga d’i mba yam suma d’ingêrâ mi. An nga ni dala: Ndata ni zla d’a hawa yaka d’ei.

Kayam ndata, sana nga mi we vama nga mi mbana d’i. Ni nge ba, mba mi dum ala: Ahle ndazina a mba mba ni hina ge?