Beliebte Verse in ROOMA KAM 10

Naꞌ guꞌ daipuꞌ noꞌ jaroiꞌ dɨɨlh chiñiiꞌñ kɨꞌn puiꞌ ba kaiꞌch na guch Xoiꞌkam jir Gɇꞌkam, gio na bɨɨx juraaꞌn kɨꞌn ba tɨ jɨɨgiꞌñ nat gu Dios pɨx duaꞌñdhak giop bamiiꞌ mu dɨr koiꞌñgaꞌn tɨr, cham tuꞌ mu jaꞌk ka jimdaꞌ na paiꞌ gammɨjɨ gɨt miꞌ pup jum tulhiiꞌñdhaꞌ.

Na guꞌ noꞌch bɨɨx jich jur kɨꞌn buiñor ba tɨ jɨɨgiꞌñ guch Xoiꞌkam, gio noꞌch dɨɨlh jich chiñ kɨꞌn puiꞌ ba kaiꞌch nar Gɇꞌkam, gu Dios jix kɨkɨɨꞌ jaꞌtkam bach chɨgiaꞌ, baꞌ cham tuꞌ mu jaꞌk ka jiimdaꞌ ich nach paiꞌ gammɨjɨ gɨt miꞌ pup jich chulhiiñdhaꞌ.

Na guꞌm aaꞌ na bɨɨpɨꞌ kaayaꞌ gu jaroiꞌ gux bhaiꞌm kaiꞌchdham ñioꞌkiꞌñ guch Xoiꞌkam na baꞌ miꞌ dhɨr bhaiꞌ ji tɨ jɨɨꞌñdhaꞌ bɨɨx juraaꞌn kɨꞌn.

Jup jum kaiꞌch guꞌ maaꞌn kap miꞌ na mɨt paiꞌ tu uaꞌnak gu bɨjɨk dɨr kam: “Gu Dios pɨx dɨɨlh puiꞌ tu duñiaꞌ nam cham tuꞌ bhaan jum xiꞌɨꞌrboꞌ guiꞌ nam tuꞌ sɨlhkam soiꞌm ɨlhdhai buiñor tɨ jɨɨꞌñdhaꞌ.” Baꞌ dhiꞌ bɨɨx pɨx ja aagɨt jup kaiꞌch gu jaꞌtkam sia nar jaroiꞌ, cham jax bua noꞌr Israel kam maaꞌnkam piam ku guꞌ cham. Bɨɨx pɨx jir ja Dios tuk guꞌ gu Dios nam jɨꞌk jix jaiꞌch gu jaꞌtkam, baꞌ gɇꞌ makiaꞌ gu tuꞌ gu jaroiꞌ noꞌ soiꞌm ɨlhdhat taan. Na guꞌ jaꞌpnip jum kaiꞌch maakam jaꞌk na mɨt paiꞌ tu uaꞌnak gu bɨjɨk dɨr kam: “Guiꞌ nam jɨꞌk soiꞌm ɨlhdhat buiñor ba tu daandaꞌ gu Dios, guiꞌ dɨɨlh miꞌ dhɨr ba ja boosgaꞌ nam paiꞌ mu jaꞌk jiim nam gammɨjɨ miꞌ pup jum tulhiiñdhaꞌ.”

¿Gio jax dhuip jaiꞌchdhɨlhiaꞌ gu jaroiꞌ na pu chuꞌm tu ja aꞌgidhaꞌ noꞌ guꞌ gu Dios cham jaroiꞌ pu chuꞌm kɨꞌn naiꞌ jootos? Jup jum kaiꞌch guꞌ maaꞌn kap na mɨt paiꞌ tu uaꞌnak gu bɨjɨk dɨr kam: “¡Jaꞌp moo joidham jix bhaiꞌ tu tatdaꞌ noꞌm paiꞌ dhɨr jiim guiꞌ nam tu aꞌgidhaꞌ gux bhaiꞌm kaiꞌchdham ñioꞌkiꞌñ gu Dios!”

¿Guꞌ pɨx ji na guꞌ jax jam dui soiꞌm ɨlhdhaip tu dañiaꞌ buiñor gu Dios noꞌm guꞌ cham buiñor tɨ jɨɨgiꞌñ? ¿Gio jax jam dui buiñor jup tɨ jɨɨꞌñdhaꞌ noꞌm cham paiꞌ pu chuꞌm tɇ kɇɇ na tum aꞌga? ¿Gio jax jam dui pu chuꞌm jup tɨ kaayaꞌ noꞌ pu cham jaroiꞌ pu chuꞌm tu ja aꞌgiꞌñ?

Na guꞌ puiꞌ na jɨꞌk jax tu aagix guiꞌ nat Moisees tu uaꞌnak, miꞌ bhaan ji juu buiñor guch Xoiꞌkam. Puiꞌ ku baꞌ gu jaroiꞌ noꞌ buiñor ba tɨ jɨɨgiꞌñ guch Xoiꞌkam, gu Dios puiꞌ ba ɨlhdhaꞌ nar jix kɨɨꞌ maaꞌnkam kaꞌ.