Beliebte Verse in Romanos 4

Teilen

Pero re ta' xquib'aj ranm chirij ri xijsaj re jwi'l Kakaj Dios, masne' xcub'ar jch'ol chirij y xnimirsaj jk'ij jwi'l xcoja' chi Kakaj Dios wi' jcwinel chi jb'anic ri b'il jwi'l.

chapca' tz'ib'al li wuj re Lok'laj Jyolj ri tijb'ij jilonri: Xatincoja' pire jkajak sub'laj cristian re sub'laj tilmit, tiche'. Ri' Kakaj Dios li cub'ul jch'ol Abraham chirij, ri tic'astasan jwichak camnakib' y ri tib'anow juntir ri tina wa'xna ri ta' wa'sal.

ri xjachsaj pi camic jwi'l kamac y xc'astasaj jwich laj jcamnakl pire tisuc'ulab' kanm chiwch Kakaj Dios.

Abraham ta' tiwa'x ralc'wal, pero xcoja'n y xcub'ari' jch'ol chi rulb'ej ri xijsaj re jwi'l Kakaj Dios. Jilonli xwux pi jkajak sub'laj cristian re sub'laj tilmit chapca' xij Kakaj Dios re: Jilonri jq'uiyal awijajl tina wa'xna, xche' re.

Kakaj Dios tijya' rechak juntir yak rijajl Abraham ri b'il jwi'l, jwi'lke wi ticub'ar jch'olak chirij Kakaj Dios pire tic'utun chi jwi'lke rutzil ranm Kakaj Dios chirijak tijye' ri b'il jwi'l. Yak ri tib'anowtak lawi' ri tijb'ij Jpixb' Kakaj Dios pach yak ri cub'ul jch'olak chirij Kakaj Dios chapca' xan Abraham tijc'ula'taka' ri b'il jwi'l Kakaj Dios. Y jilonli chiwch Kakaj Dios, Abraham ri' kakaj ojtak juntir yak ajtakeltak re Kakaj Jesucristo

cuando xij jilonri: ¡Tzi rechak mak cristian ri xcuysaj jmacak jwi'l Kakaj Dios onque xrila' mak etzltak no'j ri b'anal jwi'lak, pero ta' chiqui' xcuxtaaj! ¡Tzi re jun cristian cuando Kakaj Dios ri Kajawl ta' tijye' riq'ui ranm juntir jmac ri b'anal jwi'l! xche'.

Li wuj re Lok'laj Jyolj Kakaj Dios tijb'ij jilonri: Abraham xcub'ari' jch'ol chirij Kakaj Dios, jwi'li'li Kakaj Dios xij chi suc'uli' ranm chiwch, tiche'.