Beliebte Verse in Evésu 5

Teilen

Ramuni̱ jirye̱cha Ju̱denu jantyavay jiryatiy jiryeñi̱cha sadadyeñu jaryi va̱tasavay. Jirya̱ma̱ vichasara jaryi va̱ta̱damu, daryatiy sava̱ta̱da Crístu daryá vu̱y, sasa̱yada variyu, sa̱tidye batye vuryeyadaju̱. Su̱ntatya̱da paru̱cha̱rimyusiy Ju̱denumuju̱yu, jiryatiy su̱mutya̱jada Ju̱denura su̱ntatya̱da, nu̱tyu vu̱rudi jaryi ju̱rura saju̱.

Ramuni̱day, jiryi̱nu̱tyata̱ta samirya jiryevyicha̱da. Ne jirye̱chasara datyi̱sa̱miy, jirye̱cha ji̱ta datyavay. Jiryedyetyata̱ta samiy ramitya̱dara jiryevyicha̱da jiyu, jiryatiy nicyara̱y vicha̱da daryaju̱ diye.

Ne jirya̱niyu̱ñu̱day, jiryatiy jarapu̱chara daryaju̱ darya. Jirya̱ma̱ vichasara mu̱chanichavay Ju̱denu jnutumusiy. Jirya̱niqueta nu̱ñi vajyuu murra̱yadatayu, jiryatiy vu̱myurra̱y Ju̱denunijyu̱ Su̱ntumusiy. Jirya̱murra̱chara ti̱ta̱ju̱ jijechitya jirya̱tidye jchana̱tya ratani̱ Vu̱yntyityu̱ variy. Jirya̱jchana̱tyajaya̱ni̱ Vu̱jye̱ Ju̱denu ti̱ta̱ju̱ riva jiryatiy samirya darya, rivantiy jiryatiy ne samirya rani̱chantiy, Vu̱yntyityu̱ Jesucrístu jtyamu jirya̱jchana̱tya variñi̱.

Ne jirye̱cha datyi̱sa̱miy nu̱ndye, jirya̱ma̱ datyara Vu̱yntyityu̱ ni̱ru̱yada.

Vadumyijerye ra̱va̱tasara jaryiñada jivyaturu̱y, nu̱tyu Crístutiy va̱tanu̱yada darya riy jichiityari̱vajyuu, sabatyeda variy riyadaju̱, jiñi̱ru̱yadamu, sa̱tidye jiintya variy jijyu̱ daryi, jiryatiy sapu̱yada daryaju̱ ruuvasirya jijyuuchuveda, jiryatiy riityu̱yada Ju̱denu niquejadamu tuva̱chuvay ja̱a̱mu.

Ta̱riñuma jirye vichanu̱yada nupocudinube, diye ji̱ta jiryevyichasara Vu̱yntyityu̱musiy vandamu. Jirya̱vichasara samirya nu̱tyu Ju̱denu dadyeñumiy.

Jirya̱tuva̱chu nu̱ñi ti̱quimusiy yimu, jiryatiy jiryechuvu̱ñi̱ Crístu.

Vatuy, jirya̱tuva̱chu jaryi ruumu jivyaduy, nu̱tyu Vu̱yntyityu̱mu vu̱tyuva̱chu daryantiy, tapi sabayada Ju̱denu ni̱ vanu nu̱tyu nutyityu̱ savaturaju̱, daryani̱ savicha Crístu jichiityari̱vajyuu nutyityu̱ntiy, jiryatiy riyada rá̱ñuni̱. Ni̱ni̱ vicha nu̱tyu ru̱no̱, riy ji̱ta nu̱tyu savu̱ nta varidye.

Darya ri̱tesiy jiryejyu̱ntidyerya jirya niquejadantidye: Nu̱ñi ti̱qui vanu ra̱va̱ta nada jivyaturu̱y nu̱tyu sava̱ta jaryintyidyeyu, daryaday vatujyu̱ntiy, rirya̱bay samirya riy jivyaduy.

Darya su̱teda: Ramuni̱, sa̱tochiy vanuni̱ jijye̱, su̱no̱da jarye, sa̱tidye ja̱mu̱y jivyaturaju̱ variy, danu̱ju̱myusiy nana̱chasara nu̱tyu ti̱qui variy.

Ne jirya̱jvaay mityiji rusa̱ rityi jvaay nupocudinubera jiryatimyu̱ ne samirya Ju̱denu diya darya. Jirya̱sipyata ji̱ta nupocudinubesirya va̱cha jvaayada, no̱no̱muju̱.