Beliebte Verse in Riw. 26

Teilen

Wikia atumji̱a̱i̱ wekasattajai tura atumí Yusri̱ átatjai tura atumsha núnisrumek Wí shuar átatrume.

yumisha tsawantri̱ji̱a̱i̱ metek yutukat tusan akuptúktatjarme. Tura nuṉkasha tí peṉker neremtikiartatui núnisaṉ kampunniunmaya̱ yuraṉsha tí peṉker nerekartatui.

Tura chicham umiktin nuyá̱ akupkámu umiktin Wi najankamuja̱i̱ métek wekaakrum péṉker enentáimtusrum umíakrumni̱ṉkia

Matsatrumna nu nuṉkanmaṉka tí peṉker aṉkant matsastatjarme. Kame yaki awaktámkatarum túmakrum sapijmiatsuk tí peṉker kanartatrume. Núnisnak atumí nuṉke̱nka yajasma emesma áiniana nunasha emeṉkártatjai tura mesetcha atumí nuṉke̱nka atsuttawai.

Nuya̱ṉka péṉker enentáimtustatjarme túran pampain awajsan ti untsurí awajsattajrume. Túranka atumji̱a̱i̱ chichaman najanmiaj núnaka nekas umiktatjai títiatjarme.

Witjiai Ejiptunam matsatrumin nuyá̱ aentsu iniatairi̱ ára̱i̱ṉ tusan jí̱i̱rmiajrumna nu Uunt Yus atumí Yusri̱. Kame íniakur wáitkiatai matsatrumin Wi aṉkant awajsámiajrume túram paṉkairum naka wekasaitrume.

Kame Wi pujustinian atumíin ikiustatjai tura Winia enentái̱rsha muí̱jramkashtatrume.

Nakumkar najankamu yus tura enentáimtutai̱ kayasha najatmamkairap. Atumí nuṉke̱nka tikishmátratin kaya tí péṉker najankamusha takusairap. Warí Witjiai Uunt Yus atumí Yusri̱.

Yurumak tí nukap aa asamtai yamái juukma ikiustai tusarum yaunchu juukma yúarmena nuka utsaṉtatrume.

Kame atumíiya̱nka sénkuchikitiataṉ sian aentsun apapékartatui tura siánkaitkiuṉka tias mir aentsun apapékartatui. Túrakrum atumí nemasri̱ṉkia atumí puya̱ri̱ji̱a̱i̱ kajeṉtatrume.

Tura trikiu pákakrumsha uwa júuktin jeamam pakartatrume núnisrumek uwa juwakrumsha árak araktin ataksha jeamam júuktatrume. Túrakrum nutsumam atumí yurumkari̱n yuáttarme núnisrumek atumí nuṉke̱nka sapijmiatsuk tí peṉker matsamsattarme.

Antsu atumí nemasri̱ṉkia pataatukrum puya̱ja̱i̱ máattarme.

Ayampratin tsawantai̱sha Winia tsawantur asamtai arantúktarum tura Yus Shiir Awajtai̱ Je̱a̱rsha shiir enentáimtusrun tsuntsumpruátarum. Witjiai Uunt Yus.