Beliebte Verse in Naṉ. 27

Teilen

Yus nayaimpinmaya̱ yumincha tura péṉker nuṉkancha amastatui. Túrutmamtai yurumkarmesha tura umutairmesha núkap takustatme. Tura áminkia untsurí nuṉkanmaya̱ aents umirtamin ártí. Túrutmawar ashí aents ámin tikishmátramin ártí tura ame yatsumi uuntri̱ atá. Ámin yajauchiniam yumiṉkramainia nuka íksaṉ yajauchiniam yumiṉkramu ártatui. Tura péṉkerja̱i̱ yumiṉkramainia nuka péṉkerja̱i̱ yumiṉkramu ártatui” tímiayi.

Tutai Esauka chichaak “Maaj, nékaseṉ ni náari̱ṉkia Jakupaiti. Warí jimiará anaṉkruachaik. Tura iwiai̱niu átinia nunasha jurutkichmaka núnisaṉ yamaisha wínianuja̱i̱ shiir yumiṉnarai. Apawá, wi péṉkernum yumiṉnarmiṉkia chíkichkia peṉké atsawak” tímiayi.

Tutai Isak ni uchirí̱n aya̱k “Ámeka nuṉkasha tí peṉkercha tura yumisha imian yútichunam pujustatme. Ame naṉkirmiji̱a̱i̱ṉ ayampruma átatme tura yatsumi takarniúri̱ átatme. Núnisaṉ ukunam katsunteachkum kakarmaja̱i̱ ame yatsumíya̱ jiinkim aṉkant ajastatme” tímiayi aparí̱.

Nu tutai “Apawá, ame péṉkerum nú arantka chikichkiksha peṉké atsawak. ¿Suruschamniakaitiam? Apawá, winiasha shiir pujutnum yumiṉkrurta” tusa Esauka kakantar útmiayi.