Beliebte Verse in Jiin. 20

Teilen

“Witjiai Uunt Yus ame Yúsrum Ejiptunmaya̱ íniakur wáitkiatai pujamin jí̱i̱kmiajmena nu. Tuma asamtai Wini̱ya̱ṉka chíkich yuska takusaip.

Ju̱i̱ti winia yusur tusam nayaimpiniam tura nuṉká núnisaṉ entsá init irunainia núnin tura nu arantcha ame enentáimsamek nakumkam najankaip. Túram tikishmátraip tura shiir enentáimtusaip. Warí ti akasma Uunt Yus ame Yúsrumka Wíkitjiai. Tura muí̱jruinia núnaka ni aparí̱ tunaari̱ni̱ṉ uchirí̱ncha, tiraṉki̱ncha nuyá̱ tiraṉki̱ncha asutniuitjiai.

Ame apasha nukusha shiir enentáimtusam umirkata. Túrakmeka Uunt Yus ame Yúsrum nuṉkan suramsana nui̱ núkap tsawant iwiaaku pujustatme.

Tura ayampratin tsawant kajinmátkip, kame chikichík tsawanta nuka Yusna akantúkmaiti.

Ame Yúsrum Uunt Yusa naari̱ ántram pachikiaip. Winia náarun ántar pachia núnaka asutiáttajai.

Sais tsawantak takakmasta. Nui̱ṉ ashí ame takatrum umikta. Antsu siati tsawantinkia Uunt Yus ame Yúsrum enentáimtustin aṉkant átatui. Nu tsawantinkia ameksha uchirmeksha nawantrumkesha tura iniatai̱ram áishmaṉ tura nuwa̱ksha taṉkurmeksha nuyá̱ yajaya̱ amiin pujana nusha peṉké takamtiksaip.

Ame írutramurmi je̱e̱n nuwe̱sha, iniatairi̱ áishmaṉ tura nuwa̱sha waakari̱sha kawairi̱sha ni warirí̱ ashí irunainia nusha peṉké wakerutkaip” tímiayi Yus.

Ame írutramuram tsanumpruraip.

Tsanirmawaip.

Maṉkartuawaip.

Kasamkaip.