Beliebte Verse in Jiin. 2

Teilen

Tura Yus antuk Aprajámja̱i̱ Isakja̱i̱sha tura Jakupja̱i̱sha chichaman najanamia nuna enentáimturmiayi. Tura Yus Israer shuaran iis ni wáitiarmia nuna nekaamiayi.

Túrasha núkap uwí naṉkaamasu ai̱ ukunam Ejiptunmaya̱ úunt akupin jakamiayi. Tura jaka ai̱ṉ Israer shuar tuke emetamu pujuarmia núnisaṉ wáitias pujuiniak Yusan seawarmiayi. Tura Israer shuar wáitiainiak útainiamu Yusai̱ jeamiayi.

Nuya̱ṉka uchi tsakarmatai Parauṉka nawantri̱n itiarmiayi. Túramtai ni uchirí̱ya núnis awajás chichaak “Warí entsaya̱ júsachmakaj” tusa uchí náari̱ṉkia Muisais anaikiamiayi.

Tura Parauṉka nawantri̱ nu nuwa̱n chicharuk “Ju̱ uchi tsakatmatrurta. Tura uchi tsakatmartinniumsha páchitsuk akiktajme” tímiayi. Tutai nui̱ṉkia uchí nukurí̱sha jukí̱ tsakatmarmiayi.

Nuyá̱ úkunmaṉ Parauṉka nawantri̱ Niru entsanam mautaj tusa wémiayi. Tura ni takarniúri̱ nuwa̱ armia nuka entsá yantam wekainiai̱ Parauṉka nawantri̱ íimiaj tukamá karisnum súkua ánin nanatun wainkiamiayi. Tura Parauṉka nawantri̱ ni takarniúri̱n utitiá tusa akupkámiayi.

Tura ukunam Muisais uunt ajas ni shuari̱ pujuarmia nuna iyutaj tusa werí ti kakaram takainiak wáitsar pujuinian wáinkiarmiayi. Nui̱ Muisais ni shuari̱n Ejiptunmaya̱ aents katsumeamun wainkiamiayi. Nuna wainiak Muisais ashí íimiar aents peṉké atsakui Ejiptunmaya̱ aentsun mámiayi. Tura maa náikminiam nui̱ṉ yutur ikiukmiayi.