Beliebte Verse in Jiin. 11

Teilen

Uunt Yus Muisaisan chicharuk “Parauṉkan tura Ejiptunmaya̱ aentsun nú arant chíkich asutkiaja̱i̱ asutiáttajai. Nuja̱i̱ Ejiptunmaya̱ṉka takamtsuk ji̱i̱r ishitmáktatrume.

Nui̱ Ejiptunam ashí uchi iwia̱i̱ri̱sha áintsaṉ Parauṉ úunt akuptainiam pujana nuna uchirí̱ iwia̱i̱ri̱sha núnisaṉ nekeetainiam á̱a̱wini̱ nuwa̱ iniatairi̱ pujana nuna uchirí̱ iwia̱i̱ri̱sha núnisaṉ ashí taṉku uchirí̱ emka petsakma ainia nusha ashí jákartatui. Túrunamtai útainiak ashí Ejiptunmaṉka tí kuntuts pujuartatui. Nuka yáunchusha túrunachma ántsaṉ ukunmasha túrunashtatna nu túrunattawai.

Núnisaṉ Uunt Yus Muisaisan chicharuk “Parauṉsha peṉké anturtamkashtatui. Nuka Ejiptunam aents túrachmin núkap iniakmantsat tusa túrunattawai” tímiayi.