Beliebte Verse in Levítico 26

Teilen

Poi a'ta gi que'i'ccu jacanqquia'caen can'jeña. Nane ñajan que'i Chigasi que'ija ña aindeccuya qui.

gi unjin tuite unjima moeña cuintsu que'i ande'su jon'cho ñotsse sho'yosi que'i jombachoccu'su quini'cco'qque ñotsse nañe.

“Que'i ña su'choma ñotsse pañamba ña manda'choma in'jamba tson'jen'ninda

Ña que'i andenga tsa'caen tsonsi qui opatsse can'jemba ppimppintsse ana'jen'faya. Nane putsa'su ttesia'can que'i andeni can'jeña'bi ni faesu ande'su sundarondeccu'qque geraeñe ji'faya'bi.

Ña que'ima ñotsse in'jansi qui ti'tsse atapa'faya. Nane aqque'paya'bi gi ña que'i'ccu injancco'choma.

Ña gi Na'su, que'i Chiga, Egipto'ye que'ima somboen'su. Nane egiptondeccu ti'tsse que'ima semoesa'ne gi que'i candenama u'ccaqquia'caen que'ima ccushaen cuintsu que'i ansangembe'yi opatsse canse'faye.

“Ñajan que'i'ccu cansepa que'ima catiya'bi gi.

“¡Chigambindeqquiama iñajan'fajama ni ñoña'cho chigandeccuve ñoña'fajama! Que'i andeni patuma ccutsian'fajama ‘Vaja chiga’ qquen supa. Toya'caen tevaen'cho patuma ccutsian'fajama tsanga ccaru'faye. Nane Ña gi Na'su, que'i Chiga.

Fae canqque'fa'su trigoma toya an'jen'ni faesu canqque'fa'su injan'tsse cu'chosi qui taipa mani boñaña'chove me'i'onsi tssoruma joqquitssiamba cunama boña'faya.

Cincoyi'cco que'i'su tsu cien enemigondeccuma dyoña mañaña. Nane cien que'i'su tsu diez milma dyoña mañaña. Matichi'ccu fittitti'fasi tsu que'i enemigondeccuja amppippi'faya.

Trigo tsu cucho'jeya o'fa tsajama taiya'ngae. Toya'caen o'fa tsaja tsu cucho'jeya trigoma joña'ngae. Panma tte'pputsse amba qui que'i andeni dyombi'tsse cansepa avujatssi'faya.

Que'ija que'i enemigondeccuma dyoña mañaña. Nane tsendeccuma qui matichi'ccu fittitti'faya.

Ña manda'cho ño'faya'cho a'taja ño'fa'faja. Ñama cachuicco'je'tti'su carpanga ca'ni'da ñotsse tson'faja. Nane Ña gi Na'su que'i Chiga.