Ccutsiamba israendeccunga su: “Jai'ngae que'i omba'su dushundeccu tise'pa yayandeccuma ‘¿Jongoesune tsu va patuja canjaen'fa?’ qquen iñajampaña'fa'ninda tsendeccunga su'faja: ‘Israendeccuja san'añe Jordán na'ema ise'fa. Na'su que'i Chigaja Jordánma samboemba ronda'je cuintsu poiyi'cco ingi ise'faye. Nane tise tayoe Cu'a marma samboensi ingi tayopisundeccu iseqquia'caen tsu Jordánma'qque samboen.