Beliebte Verse in Jueces 6

Teilen

Tsa'caen qquesho'jesi Na'su Chigama sefacconi'su shondo'suja tisenga attiamba su: —¡Na'su Chiga quei'ccu can'jensi queja ñoa'me quin'an sundaro qui!

Tsonsi Na'suja Gedeónma su: —Japa quenga afe'cho quin'sui'ccu israendeccuma madiandeccu'ye ccushaenjan. Ña gi quema moe'jen.

Tsa'caen susi Na'suja su: —Ña quei'ccu can'jensi qui pa'cco ña manda'choma oshaya. Nane madiandeccuma qui patsuya fae a'ima tssai amppian moenqquia'caen.

Pañamba Gedeónjan su: —Na'su ñoa'me ingi'ccu can'jen'ninda ¿ma'caen gi ingija qquen vana'jen'fa? Ingi coenzandeccu Na'su ñotsse tson'jeña'chone condase'choma'qque gi toya atte'fambi. Nane ‘Na'su tsu ingima Egipto'ye somboen’ qquen su'fa'ni'qque tsu Na'suja ja'ño ingima antte cuintsu madiandeccu ingima mandapa vanae'jeñe.

Tsa'ma Gedeónjan ccase afapa su: —Na'su, ¿ma'caen gi ñajan israendeccuma ccushaeña? Ña aindeccuja poi Manasés aindeccuma ti'tsse bove osha'fambi tsu. Toya'caen ñajan ña antiandeccuma ñoa'me bove'cco gi.

Tsonsi Na'su Chigama sefacconi'su shondo'suja Ofra canqqueni jipa Joásmbe roble quini'jin'su tumbianccuni dyai. Tsa Joás tsu Abiezer'su a'i. Tse'tti roble jin'tti tsu Joás dutssi'ye Gedeónjan vino tsa'ccuve somboen'jen'cho changonga ca'ni ccutsupa trigoma qquesho'je madiandeccu tisema atte'fasa'ne.

Tsa'caen tsonsi Gedeónjan Chiganga afeye oque oraen'jen'chove ñoñamba tsama inisian “Na'su Chigaja opatsse tson'su tsu.” Ja'ño a'tapan tsaja toya ccutsu Abiezer aindeccu'su Ofra canqqueni.

Tsonsi Gedeónjan su: —Que ñoa'me ñame in'jamba ñama fuiteye tson'jen qquen su'ta canjaen'choi'ccu ñanga canjaenjan majan qui queja ñai'ccu condase'je.

Tsa'ma Na'suja tisema su: —¡Opatsse dyombe canjan! ¡Nane paya'bi qui!

Ccase tsu israendeccuja Na'su Chigama catipa egae tsincon'fa. Tsa'caen egae tsincon'fasi Na'suja siete canqque'fave antte cuintsu madiandeccu israendeccuma patsusi vana'faye.