Beliebte Verse in مَتَّى 18

Teilen

حِيتْ فِينْ مَا تّْجَمْعُو جُوجْ وْلَا تْلَاتَة بْالْإِسْمْ دْيَالِي، تْمَّ أَنَا كَايْنْ فْوَسْطْ مْنّْهُمْ».

وْنْݣُولْ لِيكُمْ تَانِي: إِلَا تَّافْقُو جُوجْ دْ النَّاسْ مْنّْكُمْ فْالْأَرْضْ بَاشْ يْطْلْبُو شِي حَاجَة، رَاهْ غَادِي تْحَقّْقْ لِيهُمْ مْنْ بَّا اللِّي فْالسَّمَاوَاتْ.

وْهُوَ يْعَيّْطْ يَسُوعْ لْوَاحْدْ الْوْلِيِّدْ وْوَقّْفُه وَسْطْ مْنّْهُمْ، وْݣَالْ: «نْݣُولْ لِيكُمْ الْحَقّْ: إِلَا مَا تْبَدّْلْتُوشْ وْوْلِّيتُو بْحَالْ الْوْلَادْ الصّْغَارْ، رَاهْ عَمّْرْكُمْ مَا غَادِي تْدَخْلُو لْمَمْلَكَةْ السَّمَاوَاتْ.

وْاللِّي تْوَاضْعْ بْحَالْ هَادْ الْوْلِيِّدْ، رَاهْ هُوَ الْمْخَيّْرْ فْمَمْلَكَةْ السَّمَاوَاتْ.

وْاللِّي رَحّْبْ بْوْلِيِّدْ بْحَالْ هَادَا فْالْإِسْمْ دْيَالِي رَاهْ كَيْرَحّْبْ بِيَّ.

نْݣُولْ لِيكُمْ الْحَقّْ: ݣَاعْ اللِّي غَتْرَبْطُوهْ فْالْأَرْضْ غَادِي يْكُونْ مْرْبُوطْ فْالسّْمَا، وْݣَاعْ اللِّي غَتْحَلُّوهْ فْالْأَرْضْ غَادِي يْكُونْ مْحْلُولْ فْالسّْمَا.

رَاهْ هَكَّا غَادِي يْدِيرْ لِيكُمْ بَّا اللِّي فْالسّْمَا إِلَا مَا سْمَحْشْ كُلّْ وَاحْدْ فِيكُمْ لْخُوهْ مْنْ كُلّْ قَلْبُه».

وْاللِّي طِيّْحْ فْالدّْنُوبْ وَاحْدْ مْنْ هَادْ الصّْغَارْ اللِّي كَيْآمْنُو بِيَّ، رَاهْ هَادَاكْ خْيَرْ لِيهْ تْتْعَلّْقْ فْعُنْقُه حَجْرَة كْبِيرَة دْيَالْ الرّْحَى وْيْتّْرْمَى فْقَاعْ الْبْحَرْ.

أَشْنُو كَتْضَنُّو؟ إِلَا شِي وَاحْدْ عَنْدُه مْيَةْ خْرُوفْ وْتّْوَضّْرْ لِيهْ وَاحْدْ مْنّْهُمْ، وَاشْ مَا غَيْخَلِّيشْ التّْسْعُودْ وْتْسْعِينْ فْالجّْبَالْ وْيْمْشِي يْقَلّْبْ عْلَى الْخْرُوفْ الْمُّوضّْرْ؟